Во врска со вчерашната анкета на Центар за меѓуетничка толеранција и бегалци на која резултатите покажале дека меѓуетничките односи во Македонија се на работ на меѓуетнички конфликти, опозицијата смета дека резултатите биле очекувани, а од владејачката партија не дадоа никаков коментар.

Во врска со вчерашната анкета на Центар за меѓуетничка толеранција и бегалци на која резултатите покажале дека меѓуетничките односи во Македонија се на работ на меѓуетнички конфликти, опозицијата смета дека резултатите биле очекувани, а од владејачката партија не дадоа никаков коментар.

„Анкетата е само потврда на она што се случува во ова време во Република Македонија. Загрижувачка е состојбата на меѓуетнички план. Во Република Македонија оваа власт дојде за да ја подобри економијата, а да го растури направеното, а тоа беа релаксираните меѓуетнички односи“, вака ја искоментира анкетата пратеничката на СДСМ, Цветанка Иванова.

Според неа најзагрижувачки се резултатите од анкетата за тоа дека 89 отсто од граѓаните сакаат да ја напуштат државата.

„Тоа треба да биде порака до Владата дека таа треба да ја напушти власта, а не граѓаните државата“, истакна Иванова.

Народниот правобранител Иџет Мемети не сакаше да ја коментира анкетата затоа што ја немал воопшто погледнато, но смета дека сите треба да се воздржат од било какви провокации.

„Во мултиетничките општества најранлив сегмент во општеството се мултиетничките односи и затоа сите треба да се воздржат од секакви провокации, треба да се воздржат од однесувања кои можат да создадат тензии, а кои тензии можат да создадат разни конфликти“, истакна Мемети.

Од владејачката ВМРО-ДПМНЕ не сакаа да ја коментираат анкетата./крај/бд