Македонија
Боцевски стана нов член на ЛДП
Поранешниот вицепремиер Ивица Боцевски по осум месеци од оставката повторно се враќа во политика, овој пат како член на ЛДП.
Поранешниот вицепремиер Ивица Боцевски по осум месеци од оставката повторно се враќа во политика, овој пат како член на ЛДП.
„Јас секој ден потпишувам по неколку нови пристапници. Една од тие нови пристапници што ја потпишав изминативе денови беше и за Боцевски.
Секој оној што сака да се симне Владата на Груевски, но да не дозволиме да се врати онаа на Црвенковски може да се приклучи на ЛДП“, рече претседателот на ЛДП, Јован Манасијевски.
Тој рече дека Боцевски со неговото искуство ќе биде ангажиран во партијата во делот каде што најмногу може да помогне, односно во јакнењето на тимот на ЛДП посветен на евроинтеграциите и јакнење на вкупните ресурси на државата за подготвено пречекување на преговорите.
Манасијевски додаде дека новите членови ги има од сите политички провиниенции и подвлече дека мотивацијата на сите овие луѓе е искрена.
„Разочараноста на луѓето од актуелната владејачка политика и непостоечката политика на опозицијата ги тера луѓето да бараат алтернативни политички решенија, што во моментов ги наоѓаат во ЛДП“, рече Манасијевски, додавајќи дека концепцијата на ЛДП е реална и дека заедно со новите членови ќе работат на нејзино реализирање.
За конфликтот кој неодамна беше меѓу Боцевски и ЛДП, Манасијевски не коментираше, рече дека тоа е само доказ дека луѓето бараат и ја ценат чесната политика, а таква во моментов според него нуди ЛДП./крај/бд
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
Претседателката Гордана Сиљановска Давкова од денеска престојува во САД
Претседателката Гордана Сиљановска Давкова од денеска престојува во Соединетите Американски Држави, каде ја предводи македонската државна делегација на 79. Генерално Собрание на Обединетите Нации во Њујорк.
Сиљановска Давкова во четврток е предвидено да се обрати на Генералната дебата на 79. сесија на Генералното собрание на ОН, што се одржува на тема „Не оставајќи никого зад себе: дејствувајќи заедно за унапредување на мирот, одржливиот развој и човечкото достоинство за сегашните и идните генерации“.
Како што јавува известувачот на МИА од Њујорк, во рамки на учеството на Генералното собрание на ОН, предвидено е претседателката Сиљановска Давкова да оствари средба и со генералниот секретар на ОН, Антонио Гутереш.
Шефицата на државата ќе се обрати и на Самитот на иднината, што ќе се одржи во седиштето на ОН, на тема „Мултилатерални решенија за подобро утре“ со учество на шефови на држави и влади. Сиљановска Давкова ќе учествува и на Годишниот состанок на Платформата на жени – лидери на Генералното Собрание на Обединетите Нации, на тема „Еднакво учество на жените во процесот на донесување одлуки: обезбедување на мир, социо-економски можности, одржлив развој и човечко достоинство за сегашните и идните генерации“, додека на покана на претседателот на САД, Џо Бајден ќе присуствува на состанок на тема „Глобална коалиција за справување со заканата од синтетички дроги“.
За време на учеството на Генералното собрание на ОН, претседателката Сиљановска Давкова ќе оствари повеќе билатерални средби.
Посетата на САД, претседателката Сиљановска Давкова ја започнува денеска во македонската православна црква „Свети Никола“ во Тотова, Њу Џерси, каде ќе присуствува на литургија по повод празникот Рождество на Пресвета Богородица (Мала Богородица). Попладне претседателката заедно со делегацијата во Фрихолд исто така во Њу Џерси ќе ја посети џамијата во рамки на граѓанската заедница „Дебар“, која во себе обединува нашинци по потекло од дебарскиот крај.
Во состав на македонската државна делегација се министерот за надворешни работи и надворешна трговија, Тимчо Муцунски и вицепремиерот и министер за животна средина и просторно планирање Изет Меџити.
Македонија
Сончево време со температури до 27 степени и можност за локален дожд
Времето денеска ќе биде сончево со мала до умерена облачност. Од пладневните часови во западните делови ќе има услови за локален дожд. Ќе дува слаб до умерен ветер од северен правец. Минималната температура ќе биде во интервал од 7 до 15, а максималната ќе достигне од 20 до 27 степени.
Во Скопје времето ќе биде сончево со мала до умерена облачност и со слаб ветер од северен правец. Минималната температура ќе се спушти до 14, а максималната ќе достигне до 26 степени.
Од УХМР информираат дека утре претежно во западните делови од земјата ќе има појава на краткотраен дожд. Потоа времето ќе биде сончево со мала до умерена облачност. Дневната температура ќе биде во постепен благ пораст.
Македонија
Невреме во Тетово: Поплавени улици, домови, гаражи
Силно невреме го зафати Тетово, поплавени се улици, домови, гаражи.
Невреме со силни врнежи од дожд, град и грмотевици попладнево ја зафати Општина Тетово и околината.
„Врнежите предизвикаа поплавување на дел од улиците, посебно кај касарната на влезот на Тетово и на неколку куќи во Мала Речица-Општина Тетово“, информира вечерва Регионалниот центар за управување со кризи (РЦУК) Тетово.
За невремето известени се и ТППЕ-Тетово, ЈКП-Тетово и одговорни лица во Општина Тетово.