Македонија
Регулаторна комисија е надлежна за контрола на сметките за струја

Потрошувачите на струја кои мислат дека неправилно им бил пресметан износот, можат да ги искористат механизмите за заштита и да се обратат до Регулаторната комисија за енергетика
Потрошувачите на струја кои мислат дека неправилно им бил пресметан износот, можат да ги искористат механизмите за заштита и да се обратат до Регулаторната комисија за енергетика
Ова во петокот во Скопје го изјави министерот за економија Фатмир Бесими по укажувањата на новинарите дека дел од граѓаните добиле за над 30 отсто повисоки сметки за струја во јануари, наместо најавеното поскапување од десет отсто.
Бесими потсети дека согласно ингеренциите, Регулаторната комисија е таа која што го надгледува функционирањето на пазарот и врши надзор.
„Упатувам порака до тие потрошувачи што имаат било какви дилеми по однос на пресметката тоа да го направат во рамките на системот и доколу сметаат дека нешто им е неправилно пресметано, тоа да го пријават во Регулаторна“, рече Бесими.
Тој изрази уверување дека и самиот снабдувач со електрична енергија може да излезе со соодветна информација, доколку има такви укажувања.
Бесими укажа и на фактот дека на сметките има точно утврдено од задната страна за што се однесуваат тарифите и за што се граѓаните плаќаат. /крај/ап/
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Македонија
Регионална иницијатива за превенција од пожари на Западен Балкан

Во услови на зголемени ризици од пожари, започна регионална иницијатива за подигање на свеста за управување со пожари на ниво на предел во земјите од Западен Балкан. Иницијативата, поддржана од Министерството за земјоделство, шумарство и водостопанство, има за цел да го поттикне интегрираното и одржливо управување со екосистемите, наместо традиционалниот пристап што се фокусира исклучиво на гаснење.
Пожарите оставија сериозни последици врз природата, економијата и животот на граѓаните, а над 90% од нив се предизвикани од човечка невнимателност — факт што укажува дека превенцијата е клучна.
Преку интерсекторска соработка, јакнење на локалните капацитети и активности на терен, иницијативата тежнее да создаде предели и заедници отпорни на пожари.
„Природата е наша заедничка одговорност. Со здружени напори можеме да постигнеме нула пожари предизвикани од човечки фактор,“ велат од Министерството.
Македонија
Гром го предизвикал пожарот во велешката фабрика, велат од „Мирана“

Удар од гром е причината за пожарот што синоќа избувна во дел од производствениот погон на „Биокосмос“ во Велес, информираат од компанијата „Мирана“ преку официјално соопштение.
Од ударот се оштетени дел од просториите на „Биокосмос“ и, како што посочуваат од таму, тие привремено ќе бидат надвор од употреба додека не се санира штетата.
Фабриката „Мирана“, која се наоѓа во истиот индустриски комплекс, не била зафатена од пожарот и производствениот процес таму продолжува непречено.
Во пожарот нема повредени лица.
Центарот за управување со кризи, претходно денес информира дека пожарот бил целосно локализиран рано утрово, околу 4 часот. Според информациите на ЦУК, огнот зафатил магацински простор со фрижидери и канцеларии со документација, а на неколку места сè уште се забележува слабо чадење.
Иако пожарот е ставен под контрола, службите сè уште се на терен за да спречат повторно разгорување, со оглед дека на одредени локации сè уште се јавуваат чадења.
Македонија
(Видео) Едниот качен на хауба, друг вози без дозвола – поднесени пријави за скопјаните кои дивееа низ улиците

Министерството за внатрешни работи поднесе пријави против двајца млади скопјани, откако на социјалните мрежи се појави видео од опасна и непромислена „возачка забава“ по скопските булевари.
Во видеото се гледа како едно лице стои на хаубата од автомобил во движење, а возачот, покрај тоа што управува без дозвола, вози и без регистарски таблици. Станува збор за 20-годишниот С.З. и 19-годишниот Р.Ѓ., двајцата од Скопје. Против нив се покренати поднесоци по неколку основи, вклучително и управување без возачка дозвола, загрозување на сопствената и туѓата безбедност, како и дозволување управување на лице без дозвола.
Од МВР информираат дека лицата биле веднаш повикани на службен разговор, а полицијата презема и дополнителни активности за целосно расчистување на случајот.