Македонија
Цените на мало во јануари пораснале за 1,2 отсто
Цените на мало во јануари годинава, во споредба со декември 2009 пораснале за 1.2 отсто, а трошоците на животот се зголемиле за 0.7 проценти
Цените на мало во јануари годинава, во споредба со декември 2009 пораснале за 1.2 отсто, а трошоците на животот се зголемиле за 0.7 проценти.
Ова денеска го соопшти заводот за статистика, додавајќи дека цените на мало во јануари на годишно ниво се зголемиле за 1,7 отсто, а трошоците на животот за 0,1 отсто.
Вредноста на потрошувачката кошница за исхрана и пијалоци за едно четиричлено домаќинство за јануари 2010 година, пресметана врз основа на цените на мало, изнесува 12.151 денар, и во однос на претходниот месец е повисока за 0.2 отсто.
Порастот на трошоците на животот во јануари годинава во однос на декември лани се должи на повисоките индекси на туристичките аранжмани за 11.6 отсто, електричната енергија за домаќинствата за 10 отсто, сообраќајните средства за 4.2 проценти, парното греење за 2.7 отсто, административните услуги за 2.6 проценти, услугите за образование за 2.3 проценти, предметите за домаќинството за 2.2 отсто, средствата за хигиена за 1.9 проценти, нафта и гас за домаќинствата за 1.6 отсто, нафтените деривати за 1.2 проценти, здравствените услуги за 0.9 отсто, финансиските услуги за 0.7 и облеката за 0.5 отсто.
Пораст на индексите на трошоците на животот е забележан и кај преработките од месо за 1.6 отсто, млечните производи за 1.1 проценти, преработеното овошје за еден отсто и преработениот зеленчук за 0.5 проценти.
Намалување на индексот на трошоците на животот во јануари 2010 година, во споредба со претходниот месец, е забележано кај рибата за 5.3 отсто, зеленчукот за 4.3 проценти, јајцата за 1.5 отсто, овошјето за еден процент и производите од жито за 0.8 отсто.
Исто така, намалување на индексот на трошоците на животот е забележано и кај ПТТ услугите за 2.8 проценти, услугите за одржување на станот за 0.5 отсто и трошоците за одржување на автомобилите за 0.3 проценти./крај/со/мп/.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
Силјановска се заблагодари за честитката од ЕУ: Со нетпрение очекувам да ја продолжиме соработката
Силјановска Давкова се заблагодари за честитката од ЕУ и порачува дека со нетпрение очекува да ја продолжам соработка со Европската Унија за конечно заокружување на европската интеграција на целиот регион.
„Денеска, како избрана претседателка, добив официјално соопштение од Европската Унија со кое ми се честита победата на изборите. Темелот на мојата на кампања беше градењето на консензус помеѓу сите политички партии во Собранието, како од власта, така и од опозицијата, граѓанското општество и македонските граѓани, независно од нивните разлики. Нашиот клучен стратешки проект е европската интеграција и истата останува да биде темел за градењето на консензус помеѓу различните чинители во општеството. Потенцирам дека под мое водство нашата надворешна политика ќе продолжи да биде целосно усогласена со заедничката надворешна и безбедносна политика на Европската Унија. Со нетпрение очекувам да ја продолжам соработка со Европската Унија за конечно заокружување на европската интеграција на целиот регион“, се наведува во соопштенеито испратено од тимот на Гордана Силјановска Давкова.
Европската унија и честита на Гордана Силјановска Давкова за нејзината победа на претседателските избори во Македонија и со нетрпение очекува да работи со првата жена лидер во земјата, изјавија високиот претставник на ЕУ за надворешни работи и безбедност Жозеп Борел и европскиот комесар за проширување и соседска политика Оливер Вархеи.
Борел и Вархеи, во заедничката изјава објавена по повод вториот круг од претседателските и редовните парламентарни избори во Северна Македонија, ги охрабрија „релевантните политички актери да работат на формирање парламент и стабилна влада“.
Македонија
(Видео) Стоилковски го поздрави лидерот на ДУИ јадејќи бисквита: „Поздрав, Али“
Портпаролот на ВМРО-ДПМНЕ, Наум Стоилковски, на социјалните мрежи објави видео во кое, јадејќи бисквита го поздрави лидерот на ДУИ, Али Ахмети.
Стоилковски вели дека оди на состанок со коалициските партнери на ВМРО-ДПМНЕ, а потоа зема бисквита и почнува да ја јаде.
„Поздрав, Али“ , вели Стоилковски.
Стоилковски алудира на изјавата на Ахмети која тој ја даде од митингот на „Европскиот фронт“ во Скопје пред одржувањето на првиот круг од претседателските избори кога рече оти лидерот на ВМРО-ДПМНЕ е израснат со бисквити и гурабии.
Македонија
ЕУ: Очекуваме соработка со претседателката на Македонија, парламентот и владата за да работиме на европскиот пат
Европската унија и честита на Гордана Силјановска Давкова за нејзината победа на претседателските избори во Македонија и со нетрпение очекува да работи со првата жена лидер во земјата, изјавија високиот претставник на ЕУ за надворешни работи и безбедност Жозеп Борел и европскиот комесар за проширување и соседска политика Оливер Вархељи
Борел и Вархеи, во заедничката изјава објавена по повод вториот круг од претседателските и редовните парламентарни избори во Северна Македонија, ги охрабрија „релевантните политички актери да работат на формирање парламент и стабилна влада“.
„Двете институции треба да работат заедно на подобрување на европскиот пат на Северна Македонија, кој вклучува имплементација на клучните реформи, особено во областа на владеењето на правото и борбата против корупцијата, во интерес на сите нејзини граѓани“, се вели во заедничката изјава на Борел и Вархеи.