Македонија
ИВЗ и НВО : Да се опфати исламската култура во проектот „Скопје 2014“

Само со изградба на Бурмали џамијата, спомен куќа на Мајка Тереза на плоштадот и поставување на споменик на Адем Јашари би се балансирал анти -албанскиот проект на владата „Скопје 2014“.
Само со изградба на Бурмали џамијата, спомен куќа на Мајка Тереза на плоштадот и поставување на споменик на Адем Јашари би се балансирал анти -албанскиот проект на владата „Скопје 2014“.
Ова го заклучија учесниците на денешната трибина организирана од Исламската верска заедница (ИВЗ) на тема „Злосторството врз исламската религија и култура“ и побараа од Демократската унија за интеграција (ДУИ) да излезе од власта.
Тие истакнаа дека нема да се откажат од идејата за изградба на Бурмали џамијата, и побараа од премиерот Груевски да свика итна средба со партиските и верските лидери , се со цел да се зачува и онака нестабилниот мултиетнички живот во земјава.
„Сметам дека овој проект „Скопје 2014“ година би можел да ги избалансира мултиетничките односи во земјава, само доколку се изгради Бурмали џамијата, спомен куќа на Мајка Тереза на плоштадот и се постави споменик на Адем Јашари“, изјави Беким Хоџа од граѓанската асоцијација „Разбуди се“
Непочитување на Охридскиот договор, маргинализирање на исламската религија и култура, се само дел од причините зошто ДУИ треба да излезе од власта, и да го бојкотира работењето на Собранието, изјавија од невладината организација „Реалитети“
„Без разлика дали ќе се добие одобрение, Бурмали џамијата ќе треба да се изгради на плоштадот бидејќи тоа го сакаат албанските граѓани. Бараме од ДУИ што побрзо да излезе од власта и да го бојкотира работењето на парламентот, бидејќи во земјава не се почитува и Охридскиот договор“, рече Ваљон Беља од невладината „Реалитети“./крај/рќ/
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Македонија
Променливо облачно време, попладне со пороен дожд и грмежи

Времето денес ќе биде променливо облачно, попладне нестабилно со локален пороен дожд и грмежи. Наместа ќе има услови за изолирана појава на невреме со пообилен пороен дожд за кратко време (над 15л/м2) и засилен ветер (над 60км/ч).
Минималната температура ќе биде во интервал од 12 до 19, а максималната ќе достигне од 26 до 32 степена.
Во Скопје, променливо облачно, попладне нестабилно со пороен дожд, грмежи и засилен ветер. Во делови од котлината процесите ќе бидат во форма на краткотрајно невреме. Минималната температура ќе се спушти до 16, а максималната ќе достигне до 31 степен.
Во петок ќе настапи преодно стабилизирање на времето, а во сабота ќе има изолирана појава на нестабилност. Во недела повторно на повеќе места ќе биде нестабилно со локален дожд и грмежи, наместа со поинтензивни процеси.
Македонија
Ветрот го сменил правецот од Дрисла, Скопје вечерва мириса на изгорено

Вечерва ветрот го смени правецот и дува од депонијата Дрисла во насока на Скопје поради што во делови од главниот град се чувствува силен непријатен мирис, информира директорот на Дирекцијата за заштита и спасување, Стојанче Ангелов.
Соопшти дека и вечерва продолжуваат активностите за затрупување на депонијата Дрисла, а ќе бидат дополнително засилени рано наутро.
За утре се планирани и повеќе дополнителни активности на дивата депонија Вардариште, најави Ангелов.
Преходно денес беше соопштено дека пожарот на депонијата „Дрисла“ се гасне со затрупување на најкритичните делови.
Премиерот Христијан Мицкоски рече дека е потпален, а како причина за тоа ги наведе физичките процеси на распаѓање на отпадот, кога се ослободува метан – штетен гас кој е лесно запалив, поради што Мицкоски вели дека е доволен само еден отпушок за да се предизвика пожар.
Граѓаните од главниот град вечерва се жалат на миризбата надвор која им предизвикува отежнато дишење. Ситуацијата, според мерните станици, особено е алармантна вечерва во Аеродром и во Ново Лисиче.
Македонија
Фетаи ќе раководи и со новоформираниот совет за конфискација на имот

Владата вчера ја усвои Одлуката за формирање на Национален совет за финансиски истраги и конфискација на имот, со што се предвидува дополнителна алка на врвот на координациската структура, покрај Националната комисија за финансиски истраги и конфискација на имот како највисоко експертско тело.
Со Националниот совет за финансиски истраги и конфискација на имот ќе раководи вицепремиерот за политики за добро владеење, Арбен Фетаи, а членови ќе бидат: министерот за внатрешни работи, министерот за правда, министерот за финансии, јавниот обвинител, претседателот на Врховниот суд, раководителот на Канцеларијата за поврат на имот, директорот на Бирото за јавна безбедност, директорот на Царината, директорот на Управата за финансиска полиција, директорот на Агенцијата за управување со одземен и конфискуван имот и претседателот на Националната комисија за финансиски истраги и конфискација на имот.
„Кабинетот на вицепремиерот Фетаи ќе продолжи да обезбедува политичка, административна и техничка поддршка за работата на Националната комисија за финансиски истраги и конфискација на имот. Процесите и стратешките одлуки кои континуирано се реализираат се доказ за посветеноста на Владата во градењето институционални капацитети и обезбедување услови за спроведување финансиски истраги, конфискација и поврат на имот, како и управување со конфискуваниот имот“, велат од Кабинетот на Фетаи.
Како што се додава, државата се гради секој ден, а граѓаните мора да бидат сведоци на конфискација на нелегално стекнатата имотна корист и да имаат можност истата да ја користат преку нејзина социјална пренамена.