Македонија
Пендаровски: Очекуваме двојно повеќе мандати во ИЕ 1 од ВМРО-ДПМНЕ
Кандидатска листа во Изборната единица 1 на здружената коалиција предводена од СДСМ треба да освои двојно повеќе мандати отколку листата на ВМРО-ДПМНЕ, со што широко ќе се отворат вратите за победа на коалицијата предводена од СДСМ на територијата на цела Македонија, смета носителот на листата Стево Пендаворски.
„Овдека се сите заедно со мене, 20 кандидати за пратеници. Меѓу нив нема ниту еден кој е случајно на таа листа, напротив, станува збор за луѓе кои имаат свои лични, професионални и политички референци. Најголемиот дел од нив македонската јавност ги знае така што нема ниту една причина ниту еден човек кој е на оваа листа да се срами.
Она што е посебна специфика на овие 20 луѓе на кандидатската листа, за разлика од кандидатската листа на владејачката партија е фактот дека меѓу овие луѓе нема ниту еден што е повикуван на распит во СЈО, ниту пак ќе биде повикуван за евентуални кривични дела бидејќи такви луѓе во нашите редови ние немаме“, рече Пендаровски претставувајќи ги своите колеги.
Најави дека приоритет на новата влада предводена од СДСМ по 11-ти декември ќе биде реформата на неколку централни институции кои се задолжени за правдата и за човековите слободи и права.
„Здружената коалиција предводена од СДСМ по победата на 11-ти декември ќе направи, ќе иницира, ќе спроведе комплетен реизбор на сите судии во Република Македонија затоа што со сотојбата каква што е сега, која сите ја знаеме не смее да продолжи. Имено, не смеат партиските штабови да диктираат судски одлуки, туку судиите мора да судат по устав и закон и таму мораат да бидат луѓе со интегритет, со образ, луѓе кои нема да потклекнат под политички притисок независно од која страна доаѓа“, рече Пендаровски.
Додаде дека имаат намера да го продолжат мандатот на СЈО, да воспостават специјални судски одделенија во сите три инстанци почнувајќи од основниот, па се до врховниот суд кои ќе ги прифаќаат предметите кои СЈО ќе ги процесуира.
„Длабоко веруваме дека на 11-ти декември ќе имаме референдумско изјаснување, прашањето ќе биде дали сте за Македонија или сте за мафијата. Ниту едни парламентарни избори досега немале таква важност за иднината на Република Македонија и по своето влијание кое ќе го имаат за натаму, овие избори можеме да ги споредиме само со референдумското изјаснување на 8 септември 1991 година. Зошто, затоа што на 8 септември 1991 год, гласавме да имаме држава. На 11 декември ние сме убедени дека во доминантен број ќе гласаме да ја сочуваме државата“, заврши Пендаровски./крај/мф/бб
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
ЈСП утре ќе вози по неделен возен ред, Жичницата ќе работи вообичаено
Утре поради државниот празник 23 Октомври – Ден на македонската револуционерна борба, автобусите од јавниот превоз ќе сообраќаат по неделен возен ред.
Дежурни ќе бидат билетарниците и центрите за персонализација (кои ќе работат од 8 до 14 часот) на:
– Транспортен центар;
– Ѓорче Петров; и
– Зелен пазар.
Жичницата ќе функционира вообичаено, со работно време од 10-18 часот, при што од 17-17:30 е последното возење од долу кон врвот, а во 17:45 часот е последно возење од врвот надолу.
Македонија
Почнува со работа Работната група за воспоставување на Регистар за недвижниот имот на државата
Заменик претседателот на Владата на Република Северна Македонија, задолжен за политики на добро владеење, Арбен Фетаи, денеска во просториите на Владата го отвори првиот состанок на Работната група за изнаоѓање решенија за формирање централизирана база на податоци за недвижниот државен имот.
На состанокот присуствуваше и Главниот државен ревизор, г. Максим Ацевски и ревизорите од Државниот завод за ревизија.
Вицепремиерот Фетаи ја охрабри Работната група и заедно со Главниот државен ревизор им даде поддршка на членовите на групата за нивната работа. Работната група со ентузијазам ја прифати задачата што им ја делегираше Владата.
Владата очекува да има конкретно решение за воспоставување на централизиран Регистар за државен недвижен имот.
Управувањето и раководењето со државниот недвижен имот, како компоненти на нефинансиските средства на државата, се значајни бидејќи можат да придонесат за решавање на некои од приоритетните предизвици со кои се соочува и Владата. Доброто управување и раководењето на државните недвижности, од една страна, може да придонесе за намалување на трошоците за одржување, реконструкција, издавање под закуп на имотот, а од друга страна, може да биде предвидлив извор за пополнување на државниот буџет. Исто така, зголемувањето на транспарентноста и отчетноста за јавните политики за ефективно и ефикасно управување со државниот имот може да придонесе за зголемување на довербата на граѓаните во институциите.
Неточната и ненавремена размена на информации меѓу различните државни институции одговорни за управување со имотот значи дека постојат значителни неефикасности и несоодветна координација во процесите на користење и одржување на имотот.
Создавањето централизирана база на податоци (Регистар) е од особено значење за Северна Македонија. Оваа база на податоци ќе содржи информации за целиот државен недвижен имот, кои исто така ќе бидат редовно ажурирани и достапни за сите релевантни институции, со цел да се обезбеди прецизен мониторинг на состојбата на имотот и да се овозможи планирање и ефективна распределба.
Централизираната база на податоци за недвижниот државен имот, ќе овозможи точна евиденција, точни и ажурирани податоци за целиот имот, што ќе обезбеди јасен преглед и транспарентност. Ефективното планирање, информациите за имотот ќе овозможат подобро планирање и распределба на јавните ресурси.
Централизираната база на податоци ќе го намали ризикот од неовластено користење и злоупотреба на државниот имот. Лесниот пристап до точни податоци ќе овозможи брзо и ефикасно донесување одлуки и ќе ја зголеми ефикасноста на управувањето со имотот. Со имплементацијата на овие решенија, Република Северна Македонија може значително да го подобри управувањето со државните недвижности, обезбедувајќи поголема ефективност, ефикасност и транспарентност во користењето на јавните ресурси.
Македонија
Посетителката на ЗОО Скопје која беше тестирана, нема птичји грип
Тестот на жената која денеска побарала да се тестира за птичји грип бидејќи минатата недела ја посетила Зоолошката градина во Скопје, е негативен, потврдија од Институтот за јавно здравје .
Како негативни се покажаа и тестовите на двајцата вработени во Зоолошката градина, кај кои постоеше сомнеж дека се заразени со птичји грип.
Зоолошката градина ќе остане затворена уште дваесетина дена.