Македонија
Ад хок комисијата покрена прекршочни постапки против седум телевизии
Привремената комисија за следење на медиумското претставување донесе одлуки за поведување прекршочни постапки против телевизиите „Алсат“, „Канал 5“, „Нова“, „Сител“, „Телма“, „Шења“ и „24 Вести“.
Постапките ќе се водат за прекршување на членот 75 од Изборниот законик, кој ја регулира балансираноста во известувањето и во одвоеното време за одредени партии во текот на кампањата. Ова беше деветтиот и претпоследен круг на набљудување на известувањето на медиумите од страна на Комисијата, која беше формирана во рамките на Агенцијата за медиуми да ги разгледува уредувачките одлуки на медиумите.
Комисијата вчера и денеска гласаше за поведување прекршочни постапки и против повеќе телевизии и радија кои се однесуваат на времетраењето и просторот во кој се пласирани платени политички реклами, необележување на рекламите и пропусти при информирањето за анкетите на јавното мислење./крај/со/бб
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Македонија
Се излеа Маркова Река кај Батинци

Маркова Река се излеа денес по обилните врнежи од дожд.
Во селото Батинци, водата е надојдена, излевајќи се на неколку места околу речното корито.
Ангажирана е механизација за санирање на штетата, а градоначалник на Студеничани, Азем Садики, објави дека забележана е материјална штета во дворовите од куќите кои се наоѓаат во близина на реката.
Засега, според градоначалникот, нема потреба од евакуација.
Фото: ТВ21/скриншот
Македонија
Тетово повика на јавна дебата за промена на имињата на улиците

Општина Тетово в петок, со почеток во 15:00 часот, организира јавна дебата за предлози за имиња на улиците.
„Ги повикуваме сите граѓани, здруженија, невладини организации и граѓанскиот сектор да учествуваат на оваа јавна дебата за именување на улиците“, велат од општината преку допис.
Додаваат дека секој предлог од граѓаните е важен и помага овој процес да биде инклузивен и успешен за граѓаните и градот Тетово.
Македонија
Тошковски: Припадниците на МВР денеска примија плата зголемена за 10 отсто

Припадниците на МВР денеска примија плата зголемена за 10 отсто, информира министерот за внатрешни работи, Панче Тошковски.
„Изминативе години сосема оправдано имаше критики дека платите во МВР се ниски, а очекувањата и одговорностите големи. Често се укажуваше на разлики во однос на некои сродни служби, а чувството на потценетост беше реално и оправдано. Ова зголемување не е доволно, но е еден од многуте чекори што ќе следат во насока на враќање на достоинството и угледот на полицаецот. Целта е јасна – да изградиме модерна, професионална и силна полиција која ќе биде вистински сервис на граѓаните. Продолжуваме понатаму кон обезбедување на подобри услови, поголема поддршка и вистинско вреднување на трудот што секојдневно се вложува“, напиша Тошковски во објавата на социјалните мрежи.