По решението на Управниот суд за времена мерка на решенијата на техничкиот министер за внатрешни работи Оливер Спасовски, за разрешување и назначување други раководители на сектори, тој и неговиот заменик, Михаил Чавсков со различно гледање на состојбите.

Имено, во петок, со писмено задолжение до директорот на Бирото за јавна безбедност и директорот на Управата за безбедност и контраразузнавање при МВР веднаш да се воспостави претходната состојба во БЈБ и УБК каква што била пред донесувањето на посочените решенија за именување, разрешување и распоредување. „Ова вклучително подразбира и примопредавање на работните простории, материјално-техничките средства и документацијата од страна на припадниците на Министерството за внатрешни работи за чии Решенија за именување или распоредување е воспоставена судска забрана за преземање на дејствија се до правосилноста на одлуката по тужбите поднесени од моја страна“, вели Чавков.Според министерот Спасовски, решението на Управниот суд значи дека  се задржува  постојната ситуација до носење на одлуката по тужба од Управниот суд. „Тоа значи дека сите решенија за распоредување остануваат во сила се до донесување на правосилна одлука на Управниот Суд.МВР само што ги доби решенијата за времена мерка, уште не е доставена жалбата, а дополнителниот заменик министер Чавков веќе знае што Вишиот управен суд,  ќе одлучи. Очигледно ,дополнителниот  заменик министер произведува намерно  хаос, со тоа што доставува телеграми до директорите на БЈБ и УБК, со свое тумачење на времената мерка, односно дава погрешни и незаконски инструкции до нив во смисла дека, остануваат старите началници. Го предупредувам дополнителниот заменик министер дека отворено повикува на непочитување на безбедносниот ситем во МВР“, рече Спасовски. Тој праша, зошто техничкиот заменик министер одлучил да ја прекрши правната процедура, предвидена во Законот за влада, кога постои спорно прашање меѓу заменикот и министерот, да се обрати до ДИК, кој што во рок од 24 часа треба да донесе одлука.  Потоа доколку е незадоволен од одлуката на ДИК, може да покрене тужба до Управниот суд. „Заменикот министерот Чавков свесно се реши да прескокне една инстанца, ДИК, и достави тужба до Управниот Суд. Дали затоа што се работи за суд кој е партиска инсталација, и каде што ке можат да ги прејудицираат одлуките на судот. Морам да прашам, дали дополнителниот заменик министер Чавков, сака да биде и дополнителен судија во Управниот суд“, рече Спасовски.Чавков нагласува дека сите 29 решенија беа судски оспорени заради еклатантно кршење на членот 44 став 4 од Законот за изменување и дополнување на Законот за Владата, во којшто стои дека министерот за внатрешни работи може да изврши разрешување или распоредување на исто, пониско или повисоко место на носител на раководна позиција во министерството во согласност со Закон.„Во сите 29 оспорени решенија за разрешување, именување и распоредување на раководни и други работици во Министерството за внатрешни работи донесени од министерот за внатрешни работи Оливер Спасовски, грубо се прекршени повеќе одредби од Законот за внатрешни работи во коишто е детално регулирана постапката и условите за распоредување на работниците во МВР и на повисоко и на пониско работно место“, вели ЧавковТој напоменува дека против Решенијата за времена мерка донесени од Управниот суд е дозволена жалба, но бидејќи Законот за управните спорови предвидува дека жалбата го одлага извршувањето на било кое поединечно Решение за времена мерка, неопходно е да се овозможи непосредно спроведување на Решенијата за времена мерка донесени од Управниот суд./крај/мф