Македонија
Credissimo донира 100.000 денари за санација на штетите од невремето, кое предизвика поплави во Делчево

По поплавите што го зафатија градот Делчево, кои предизвикаа тешкотии во секојдневието на граѓаните и функционирањето на самата општина, Credissimo беше меѓу првите приватни компании кои донираа парични средства, а со тоа ја покажаа својата поддршка кон заедницата и самоиницијативно се обратија до Општина Делчево со цел да помогнат за намалување на негативните последици од оваа природна катастрофа.
Преку својата донација, Credissimo ќе даде свој придонес со цел да се помогне во санирањето на штетите, односно да се даде поддршка за побрзо санирање на направените штети во Делчево. Главниот фокус е ставен на обновување на инфраструктурата и санирање на настанатите штети.
Оваа акција на Credissimo ја потврдува посветеноста кон граѓаните низ целата држава. Од пожарите кои го опустошија тој дел од државата во 2021 година,до донации од здравствен и образовен карактер, Credissimo секогаш се вклучува и поддржува иницијативи кои се насочени за доброто на сите.
„Секоја донација од Credissimo има за цел да го истакне значењето на социјалната одговорност и да создаде позитивна промена во заедницата, а најмногу да ги поттикне сите кои се во можност да го направат тоа. Ние сме среќни што можеме да бидеме дел од помошта кон луѓето кои имаат потреба и да ги поддржиме во процесот на опоравување од штетите“, изјавија од Credissimo.
„Изразуваме голема благодарност до Credissimo, за покажаниот самоиницијативен интерес да се вклучат со донација за да ја потпомогнат нашата општина во овој тежок период, кога заради временските неповолности беа нанесени големи материјални штети“, изјавија од Општина Делчево.
Credissimo секогаш ја користи можноста да изрази благодарност до сите волонтери, институции и приватни компании кои се дел од помагањето по ваквите природни непогоди. Апелираат дека со заеднички сили, напори и соработка, може полесно да се надминат овие предизвици.
ПР
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Македонија
Нема подолги задржувања за влез и излез од државата

Сообраќајот на државните патишта се одвива непречено, по суви коловози, извести АМСМ.
Интензитетот на сообраќај на патните правци надвор од градските средини е зголемен. На граничните премини од македонска страна нема подолги задржувања за влез и излез од државата.
АМСМ препорачува прилагодена брзина на движење, почитување на поставената сообраќајна сигнализација и внимателно управување со возилата, особено на патиштата низ котлините, речните долини и клисурите, каде има можност од појава на одрони. Ова посебно се однесува за делниците Катланово – Велес, Маврово – Дебар – Струга, Виница – Берово и Кочани – Делчево.
Македонија
Делови од Центар, Аеродром и Ѓорче Петров денеска без струја

Од ЕВН Македонија АД известуваат дека поради технички зафати во електродистрибутивната мрежа денеска, без електрична енергија ќе останат:
· од 08:00 до 14:00 часот, корисниците од улицата Јосиф Јосифовски Свештарот, општина Центар;
· од 08:00 до 15:00 часот, корисниците од улиците: 1 , 2, и 3 во село Долно Лисиче, општина Аеродром;
· од 08:00 до 15:00 часот, корисниците од дел од ул. 3-та Македонска Бригада, поточно објектите во околината на СУГС Владо Тасевски, oпштина Аеродром;
· од 09:00 до 13:00 часот, корисниците од дел од ул. Црногорска, општина Ѓорче Петров.
Македонија
Претежно сончево и топло, максималната температура до 37 степени

Времето денеска ќе биде претежно сончево и топло. Ќе дува слаб до умерен ветер од јужен правец.
Минималната температура ќе биде во интервал од 7 до 17, а максималната ќе достигне од 30 до 37 степени.
Во Скопје, сончево и топло со слаб до умерен ветер од јужен правец. Минималната температура ќе се спушти до 13, а максималната ќе достигне до 37 степени.
Времето во наредните денови
Во сабота попладне, во текот на ноќта и во недела претпладне ќе биде нестабилно со локален пороен дожд и грмежи. Ќе дува умерен, наместа засилен јужен, а во недела северозападен ветер, кој ќе услови опаѓање на дневната температура. Потоа следува период на стабилно и потопло време.