Обединетата Македонска Дијаспора (ОМД) ги осудува неодамнешните изјави на грчкиот претседател, Прокопис Павлопулос по однос на Македонија. Неговата изјава дека „историските докази кои сведочат за грчкиот однос кон Поранешната Југословенска Република Македонија се ирелевантни и креирани во обид да ја фалсификуваат Грчката историја…затоа нема потреба да се лажира пријателство со Грција…и поради тоа Грчкото вето (на Македонија во Евро-Атлантската интеграција) е крајно и неодповикливо,” не содејствува со фукцијата на национален лидер и особено не во време кога двете земји би требало да се стремат кон воспоставување на мерки на доверба регулирани од страна на нивните министри за надворешни работи според договорот постигнат во јуни 2015 година.

Македонија и Грција се во безизлезна ситуација поради уставното име на Македонија од 1993 година, кога Грција побара Македонија да се применува во “Поранешната Југословенска Република Македонија” и како таква да пристапи кон членство во Обединетите Нации. Таквата детска, но сепак пресметана политика на Грција се должи во недоглед, поради што ОМД повика на ставање крај на Грчката фарса на ултиматум, вето и ембарго кои ја држат Македонија во заложништво, со разумни преговори и изнаоѓање на решение.

Од 1913 година до денешен ден, јужниот дел на регионот Македонија превземан на брутален начин од страна на Грција, сведочи на немилосрдие кон Македонското малцинство и идентитет. Злоделата на Грција вклучуваат асимилација на не-грчкото население, преименување на лица, објекти, градови, села, реки, планини, па дури и надгробни споменици. Исто така, тие вклучуваат дискриминирање и злоставување на населението кои го негува Македонскиот идентиет и говори Македонскиот јазик. (Евидентност во извештајот за Њуман Рајтц Вач/Хелсинки од 1994 година со наслов “Негирањето на етничкиот идентитет на Македонците во Грција”, достапна тука и во извештајот на Независниот Експерт на Обединетите Нации за Малцински Права Геј Мекдугал од 2009 година, кој меѓу другото тврди дека Грчкото толкувањето на поимот “малцинство” не ги исполнува тековните стандарди и дека Грција наместо да го оспорува постоењето на Македонско и Турско малцинство, потребно е да се фокусира на заштитата на нивните права на изразување, здружување и само-идентификација, Извештајот е достапен тука.)

Вековната грчка политика на истребување на секаква трага на постоење на Македонски идентитет во Грција, несомнено продолжува и по 2.500 години постоење, наместо трезвено да се извини за своите злодела против човештвото сторени на Балканот. Провокациите на Претседателот Павлопулос се само потврда на Грчките аспирации кои се противат на евентуално изнаоѓање на решение.

Факт е дека Македонија постои од библиски времиња и за разлика од Грција, не беше создадена во почетокот на 19-тиот век за да одговара на каприците на европските сили.

На тој основ, ОМД бара од високиот претставник на ЕУ за надворешни работи и безбедност – Федерика Могерини, како ко-креатор на Глобалната стратегија на ЕУ за надворешна и безбедносна политика, го согледа грчкиот неуспех во управувањето со кризи и обезбедување на Европските гранци, како и нејзиното попречување во проширувањето на Унијата, кои што постапки во целост не соодесјствуваат со европските политики. Воедно, ОМД повторно го повикува Советот за Безбедност на Обединетите Нации и Генералното Собрание, како и НАТО и ЕУ кон признавање на Република Македонија под нејзиното легитимно и уставно име – како 135те земји во светот, вклучувајќи ги САД, Канада, Велика Британија, Кина, Индија и Русија. Самоопределувањето е основно човеково право и загарантирано со Повелбата на ОН и општите принципи на меѓународното право, на која основа Македонија ги основа своите ставови и барања.

За разлика од изјавата на претседателот Павлопулос, оваа изјава нема намера да провоцира, туку единствено да го поттикне меѓуетничкиот соживот и почитување на двете земји, како основни начела во досегашното и понатамошното постоење на ОМД. Меѓу другото, истото значи дека ОМД силно го поддржува одржувањето на постојните национални граници на Балканот и нема афинитети кон нивни измени. Воедно, ОМД очекува чин на препознавање на македонскиот идентитет и малцинство во Грција, со што луѓето со Македонско потекло би се стекнале со сите човекови права кои им следуваат според интернационалното право и конвенции. Во прилог на своето барање, ОМД смета дека правото на говорење на мајчиниот јазик, слушањето традиционална музика и слични културолошки аспекти кои до сега беа забрането на територија на Грција, треба да им се загарантираат на тамошните малцинства. Покрај односот на Грција кон нејзините етнички малцинства, ОМД го осудува и нејзиното непочитување на одлуката на Меѓународниот суд на правдата, каде што се потврдува дека Грција со искористување на своето право на вето врз Македонија кон нејзиното членство во НАТО, го има прекршено 11-тиот член, став 1 од Времената спогодба на 13 септември 1995 година. (Преглед на пресудата на Интернационалниот Суд на Правдата од 13 Септември 1995 помеѓу Македонија и Грција е достапен тука.)

Доколку моралните принципи на Платон и неговите современици сеуште се сметаат за валидни помеѓу Грчкиот народ, ОМД верува дека Грција ќе ја исправи историската неправда и ослободи од грижата на совест кон Македонскиот народ. Според ОМД, таквиот потег се очекува да вроди со напредок и меѓуетнички соживот во корист на двете земји./крај/мф/бс

Извор: