Македонија
До 17 часот од 53 до 75 отсто излезност во повеќе градови
Во Струга до 17 часот на гласање излегле 53,4 отсто, а во Вевчани 73,5 отсто, додека во Гевгелија излезноста е 72,39 отсто.
Претседателите на општинските изборни комисии информираа дека и во Струга и во Вевчани гласањето се одвива мирно и до нив не стигнале забелешки.
„До нас нема стигнато ниту една забелешка. Се надевам така и ќе заврши денешниот изборен ден во сите 101 избирачко место“, изјави претседателот на ОИК Струга, Бледар Зиба.
Претседателката на ОИК Вевчани, Параскева Гогоска – Кукоска информира дека од 2.044 регистрирани гласачи, своето избирачко право го оствариле 1.503 лица во три избирачки места.
Гласањето на предвремените парламентарни избори во општините Гевгелија, Богданци, Дојран и Валандово до 17 часот се одвиваа во фер и демократска атмосфера, со голема излезност на граѓаните на избирачките места.
Претседателка на ОИК-Гевгелија Гордана Поп-Кочева соопшти дека до 17 часот гласале 14.016 од запишаните 19.363 гласачи, односно дека излезноста на гевгеличани изнесува 72,39 отсто.
Еден отсто помалку, или 71,2 отсто изнесува излезноста на дојранчани. Претседателот на ОИК, Митко Андонов изјави дека до 17 часот на гласачките места излегле 1.969 од запишаните 2.568 избирачи и оти изборниот процес продолжува во најдобар ред.
Голема е излезноста на избирачите и во Валандово и Богданци. Од запишаните 10.024 граѓани во општина Валандово до 17 часот гласале 6.802 избирачи што претставува излезност од 67,9 отсто, а во општина Богданци гласале 4.620 од вкупно запишаните 6.906 граѓани што преттавува излезност од 66,90 отсто.
Од општинските изборни комисии нагласија дека изборниот процес до сега се одвива регуларно и без приговори.
Во Кавадарци до 17 часот гласале 70,09 отсто од гласачите, а во Росоман 75 отсто, информираа претседателите на општинските изборни комисии во двете општини, Зоран Костов и Лазо Симоновиќ.
Во Кавадарци се гласа на 60 избирачки места и засега изборите течат без проблеми, со исклучок на 30-минутниот прекин на едно избирачко место. Во Избирачкиот список за гласање на предвремените парламентарни избори во оваа општина се запишани 32.431 гласач.
И во Росоман навреме беа отворени десет избирачки места и засега гласањето е без проблеми. Регистрирани се 3.393 избирачи./крај/со/бб
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
СДСМ: Мицко, малиот Вучко, копира сè што прави неговиот српскиот „стрико“
Имаме и ние „Ќаци“ препишувачи. Ова безидејно ДПМНЕ целосно го копира Вучиќ, реагираат од СДСМ, на изјавата на Валентин Манасиевски од ВМРО-ДПМНЕ.
„СДСМ објавува соопштение дека Никола Груевски од Будимпешта ги води и им пишува што да кажат, праќа денеска соопштение ДПМНЕ „Заев од Дубаи“ ги пишува текстовите на СДСМ. Вчера СДСМ објави соопштение со наслов „Децата на Орбан“, ВМРО-ДПМНЕ излегува со соопштение „Децата на Заев“. СДСМ објавува соопштение „кога крадецот вели држете го крадецот!“. Томовски се јавува и ги употребува истите зборови „крадецот вели држете го крадецот“. Она што на сите им е одамна познато е дека Мицко, малиот Вучко, копира сè што прави неговиот српскиот „стрико“. Ама во ВМРО-ДПМНЕ очигледно не ја разбрале добро улогата на Светите Кирил и Методиј и нивните школи, како ни улогата на Климент Охридски. Тие се поблиски до препишувачката Ресавската школа. Бадијала им е на македонските „Ќаци“ препушувачи, граѓаните знаат и гледаат. Криминалот е на виделина. Сите ќе одговарате од прв до последен“, пишува во реакцијата.
Македонија
Николоски објави видео од изградбата на автопатот Тетово – Гостивар
Вицепремиерот и министер за транспорт, Александар Николоски, објави видео од градежните активности на автопатот Тетово – Гостивар.
„Интензивно се работи на автопатот Тетово – Гостивар. Силна динамика во комплетирањето на автопатското решение на Коридорот 8. Ја градиме Македонија“, напиша вицепремиерот Николоски на својот фејсбук профил и објави видео од изградбата.
Македонија
Одземени 7.107 парчиња пиротехнички средства на скопски Бит Пазар
Во акциска контрола за сузбивање на нелегална продажба на пиротехника се одземени 7.107 парчиња пиротехнички средства на скопски Бит Пазар, следува соодветна пријава, соопшти МВР.
Денеска (08.12.2025) полициски службеници, на влезот на Бит Пазар, пронајдоа 7.107 парчиња пиротехнички средства, кои биле поставени на три импровизирани тезги.
Пиротехничките средства се одземени и се преземаат мерки за пронаоѓање на лицата кои ги продавале, по што ќе биде поднесена соодветна пријава.
„И во наредниот период МВР ќе продолжи со преземање на мерки и активности за спречување на нелегалната трговија со пиротехника. Апелираме до граѓаните доколку забележат лица кои продаваат пиротехнички средства, да пријават во полициска станица или на телефонските броеви 112 и 192“, се наведува во соопштението.

