Македонија
Две години од смртта на Никола Младенов- случајот сè уште се води како несреќа
Сообраќајна несреќа, за којашто не постојат индиции дека е кривично дело. Вака истражните органи го затворија случајот, односно сообраќајната несреќа во којашто пред две години загина сопственикот и новинарот во весникот „Фокус“, Никола Младенов.
Досега сè уште не е пронајден неговиот мобилен телефон и јавноста сè уште нема одговор на прашањата каде бил вечерта Младенов, со кого разговарал на телефон и дали се сретнал со некого. Лидерот на СДСМ, Зоран Заев неколку пати најави дека јавноста ќе дознае сè за сообраќајката на македонскиот новинар, но досега нема објавено никакви информации кои би дале друга димензија на овој случај. Единствено што објави е дека токму Никола Младенов бил најприслушуваниот новинар во Македонија.Официјално според обвинителството причина за сообраќајната незгода било неадекватното однесување и постапување на возачот кога навлегол кај критичното место, односно кај клучката кај Хиподром, неприспособената брзина и неадекватната траекторија на движење.Телефонот на Младенов не е пронајден, а како што објавија истражните органи на прес-конференцијата во јули 2013 година, на разговор во обвинителството била повикана и неговата сопруга, но изјавила дека не знаела каде бил вечерта нејзиниот сопруг.Извадена е листа на појдовни и дојдовни повици кон неговиот телефон, но според базните станици не можело да се утврди каде бил Младенов, бидејќи последната комуникација на неговиот број била околу 16 часот.Камерите на патарините Скопје-Велес не работеле, а на разговор не се повикани вработените на наплатните рампи, како ни други соработници на Никола Младенов, бидејќи според обвинителката Гордана Гешковска, единствено очевидец на местото на настанот би им дал повеќе податоци за случајот.Сообраќајката била пријавена во полициска станица во Петровец на 27-ти март во 12.30 часот кога две лица забележале дека недостига голем дел од металната ограда на местото каде се случи сообраќајката, иако првичните информации беа дека Младенов бил лоциран според неговиот телефон.Телото на Младенов било најдено надвор од возилото на оддалеченост од седум метри и според вештачењето и трагите најдени на неговата облека излетал од предниот дел на шофершајбната. Вештите лица утврдиле дека Младенов удрил во металната банкина покрај патот со брзина од 142 км/ч и излетал надвор од коловозот на земјениот пат. Претходно, Основниот суд 1 соопшти дека Младенов се движел со брзина од 160 км/ч, а смртта настапила подари пукање на аортата, иако се отвориле сите воздушни перничиња освен едно кое било кај совозачкото седиште. Обвинителството засега не нашло траги на други лица во автомобилот, како и надвор од него.На местото на несреќата беше направен уште еден, дополнителен увид по најдените траги од страна на новинари кои на местото најдоа ливчиња од патарини.Нови детали за сообраќајката не се објавени ниту во текстот „Нема бегање од нова истрага“ што е објавен на денешната насловна страница на „Фокус“, но во неделникот пишува дека истрагата ги зголемила сомнежите и не одговорила на многу прашања за загинувањето на МладеновМладенов е роден во 1964 година, а во 1980 година започнува да работи како новинар во „Млад борец“. Неделникот „Фокус“ започнува да го издава во 1995 година како прв слободен и независен неделник во Македонија под логото „Неделник на внатрешниот, а, богами, и на надворешниот непријател“.„Младенов не трпеше да работи нарачани текстови од центрите на моќ, залагајќи се за вистината како клучен елемент на новинарската работа. Во сиве овие 20 години Младенов опстојуваше на своите ставови, наметнувајќи го неделниот весник како медиум кој врз пазарни принципи се бори за својот углед и опстанок. Тој беше човек со идеја, проекција, визија“, велат колегите на Младенов со кој работел.Една од неговите најпознати изјави е „Ние сакаме општество на слободни луѓе, тие сакаат збирштина на безрбетници. И тука-нема компромис“. Неделникот „Фокус“ по тримесечна пауза по неговата смрт, продолжи да излегува во продажба. /крај/ффс
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
Тим на ВМРО-ДПМНЕ се сретна со поранешни амбасадори, презентирана платформа 1198 и побарана поддршка
Тим на ВМРО-ДПМНЕ предводен од Тимчо Муцунски се сретна со поранешни амбасадори, пришто беше презентирана платформата 1198 и побарана поддршка.
Пратеничката Иванка Василевска член на ИК на ВМРО-ДПМНЕ, соопшти дека таа, Муцунски, меѓународниот секретар на ВМРО-ДПМНЕ и заменик министер за информатичко општество и администрација Стефан Андоновски и меѓународниот секретар на УМС на ВМРО-ДПМНЕ Тодор Конески се сретнале со поранешните амбасадори и конзули Н.Е. Василка Треневска, Томи Димитровски, Веле Трпевски, Оливер Шамбевски и Драган Ѓурковски.
„Во разговорот им ја претставивме нашата визија преточена во #платформа1198 и побаравме поддршка за следните активности на полето на дипломатијата и меѓународните односи.
Помеѓу другото се заложивме дека клучна стратегиска цел на идната Влада предводена од ВМРО-ДПМНЕ е Македонија да биде полноправна членка на Европската Унија. Исто така, заклучивме дека нашите надворешно-политички приоритети треба да се засноваат врз принципите на рамноправност, заемна доверба, солидарност, дијалог, меѓусебно почитување и реципроцитет. Нашиот интерес е да градиме национално единство по клучните прашања“, објави Василевска.
Македонија
Буневски од ЗНАМ: Производството на сопствена храна, вода и енергија е приоритет
Денеска беше промовиран дел од Програмата за земјоделство и производство на храна од Прогласот за достоинствена Македонија на Движењето ЗНАМ – За наша Македонија.
За мерките пред новинарите зборуваше професорот Ѓоко Буневски, кој рече дека Македонија е традиционално аграрна земја, со учество на земјоделството во бруто-домашниот производ од околу 10 проценти, односно, заедно со преработувачката индустрија 12-15 проценти и е на третото место, после индустрискиот сектор и услугите.
„Во Движењето ЗНАМ – За наша Македонија имаме преку 40 предлог мерки за подобрување на секторот производство на храна, но тука ќе ги истакнеме само поважните: – Воведување забрана за пренамена на земјоделско земјиште од прва. до трета категорија за друга намена, освен за производство на храна. – Приоритетно доделување земјоделско земјиште на локалните фармери, а не на странски инвеститори. Локалните фармери мора да имаат приоритет при доделувањето земјоделско земјиште. – Форсирање на синџирот “од нива до трпеза”. – Субвенционирање по предадени земјоделските култури по загарантирана откупна цена“, рече Буневски.
Тој додаде дека сме сведоци на состојбата каде земјоделските производи се откупуваат од земјоделците и под нивната производна цена, што го прави производството на храна непрофитабилно и неконкурентно.
„Токму затоа, рече тој, – сметаме дека е многу важно за развојот на оваа гранка да се обезбеди откуп по загарантирани цени“.
Буневски потенцира дека покрај овие мерки, Движењето ЗНАМ ќе се заложи да се зголемат субвенциите во земјоделството барем на ниво на соседните земји, а буџетот од сегашните 160-180 милиони евра да се реорганизира и да се воведат нови мерки за субвенционирање. Исто така, тој рече дека ќе предложат мерки за да се намали, па дури и запре напуштањето на селото и земјоделството, особено со поголеми стимулирања на млади фармери, на жените фармери, како и поголеми погодности за отворање бизнис во овие средини. Како што рече Буневски, ќе се обрне големо внимание на мерките за подобрувањње на квалитетот на храната, а ќе се подобри и степенот на советодавни услуги за земјодлеците, а особено за современите технологии и иновации во секторот, Професор Буневски потенцира дека многу важен сегмент е брендирањето на традиционалните производи и производи со познато географско потекло и рече дека во момментот 160 производи чекаат и стојат во фиока.
Како мерка која треба да се воведе, е и заштитата на генетските ресурси во растителното и сточарското производство. Исто така за да може да се подобри севкупната ситуација во овој сектор Буневски рече дека ЗНАМ ќе воведе стипендирање на деца од земјоделски земејства на земјоделските школи и факултети. „Земјоделството бара долгогодишна стратегија, а не брзи политички инстант решенија, која политичка партија доаѓа на власт, како од неа да почнува се. Производство на своја храна, вода и енергија е приоритет на секоја земја. Затоа сметаме дека е неопходно да дадеме максимум за земјоделството, максимум за Македонија“, рече Буневски
Македонија
Мицкоски: Потребна е масовна излезност на 8 мај за да ги пратиме во опозиција ДУИ кои ја ограбуваат и ја ставаат Македонија на колена
Овој резултат од 24 април е и одговорност. Се што зборуваме треба и да примениме. Народот очекува и убеден сум дека во овие нешто повеќе од 10 дена народот ќе се приклучи, народот е обединет и сака промени и брзи резултати, рече лидерот на ВМРО-ДПМНЕ, Христијан Мицкоски на денешниот митинг во Росоман.
Мицкоски информираше дека како коалиција внимателно е пристапено во креирање на програмата.
„Внимаваме што ќе ветуваме, не сакаме да ветуваме нешто што не може да се реализира, не сакаме народот да ја губи надежта. Си дадовме збор дека програмата ќе ја ревидираме за две години. Нема скандал за повеќе од две години во работата на градоначалниците. Затоа можам да кажам дека поучени од ова искуство имајќи во предвид дека најголем дел од проектите се веќе реализирани одлучивме по две години да направиме ревизија и на оваа програма. Сметаме дека можеме повеќе, ама не сакаме да ве разочараме“, кажа Мицкоски.
Мицкоски порача дека сега треба максимална мобилизација бидејќи како што рече „нема да остават да биде едноставно, мора да добиеме мнозинство во парламентот, да имаме наш претседател и заедно со градоначалниците да направиме трансформација на Македонија“, изјави Мицкоски.
Според него за ова треба масовност.
„Има центри на моќ кои не сакаат да ја видат успешна Македонија, имаме такви и тие беа клучен фактор до сега беа и во Владата, и тука мислам на ДУИ и Али Ахмети, тој сака да ја види осиромашена Македонија и слично. Тие не сакаат да ја видат успешна Македонија“, рече Мицкоски.
Мицкоски укажа дека овие избори се шанса криминалците да ги пратиме во опозиција.
„И ова го зборам само поради криминалот, не го зборам за ДУИ затоа што се Албанци, не, туку поради криминалот. Јас ја повикав опозицијата кај Албанците да се бориме заедно. Јас се борам против ДУИ кои ја ограбуваат и на колена ја ставаат Македонија“, заклучи Мицкоски.