Македонија
„Фантомските“ гласачи остануваат во Избирачкиот список
Најмалку 30 пријави од граѓаните поврзани со изборни нерегуларности и притисоци, се регистрирани од кои најмногу за постоење фантомски гласачи во Избирачкиот список, односно непостоечки лица запишани во Избирачкиот список, соопштија во вторник, од граѓанската акција „Ние одлучуваме!“ чиј правен тим работи на бесплатната СОС линија 0800 88 888 за пријава на изборни нерегуларности во рамки на граѓанската акција „Ние одлучуваме!
Тие велат дека по укажаната правна помош на граѓаните од нивна страна, забележале неспремност на надлежните институции за брзо евидентирање и отстранување на овие т.н. фантомски гласачи.
„Граѓаните кои имаа волја да помогнат во отстранувањето на фантомските гласачи од Избирачкиот список, што е неопходно за да придонесе во одржување на кредибилни парламентарни избори, беа изложени на постапка спротивна на одредбите од Изборниот законик. Моментално, Избирачкиот список е затворен. За пет дена ќе се одржат предвремените парламентарни избори. Нашиот заклучок е дека Избирачкиот список останува непрочистен од непостоечки гласачи, т.н. фантомски гласачи.
По затворањето на избирачкиот список повторно имавме јавувања од граѓани да евидентираме дека по случаите со фантомските гласачи кои биле пријавувани во ДИК, од страна на Државната изборна комисија не е постапено. Во последните 24 часа имаме пријави дека граѓани кои биле на Избирачкиот список, а тоа го провериле по завршувањето на Јавниот увид, сега при повторна проверка не се пронашле на Избирачкиот список објавен на интернет“, соопштија од иницијативата.
Правниците Маја Величкова и Кастриот Мемети од СОС тимот за пружање правна помош во рамки на граѓанската акција „Ние одлучуваме!“, велат дека на бесплатната линија граѓаните можеле да добијат правна помош во случај на повреда на нивното избирачко право и на самиот ден на изборите.
Тие апелираа до надлежните институции да поднесат кривични пријави против Државната изборна комисија за злоупотреба на службена положба и овластување. Основата на кривичната одговорност на ДИК, според нив е во тоа што таа со своето несовесно работење и непостапување по барањата на граѓаните за бришење на непостоечките гласачи од Избирачкиот список, ќе придонесе во евентуалното остварување на гласачкото право на лица кои го немаат тоа право.
„Нашиот тим евидентираше пријави од вработени во државните органи кои пријавија големи притисоци до државната администрација и вработените во јавните институции од страна на политичките партии за присуство на митинзи. Од овие повици, она што можевме да го увидиме е дека постои голем страв од страна на јавувачите да се претставуваат со име и презиме поради веројатноста дека истото ќе го дознаат партиите, постои страв за понатамошно постапување од страна на јавувачите кои пријавуваат притисоци, односно не сакаат да покренуваат постапки против нивните претпоставени поради страв дека ќе следуваат реперкусии. Лица кои пријавуваат вакви притисоци најчесто се оние кои се со вработени со договор на определено време и не сакаат да покренуваат постапки поради страв дека договорот нема да им биде продолжен или дека нивни блиски членови со таков договор ќе бидат избркани од работа“, велат од „НИе одлучуваме.
Исто така, почнале јавувања од граѓани кои укажуваат на поткупување на гласачите. Јавувачите тврдат дека одредени групи се таргетирани од страна на политичките партии и им нудат пари за да гласаат за нивната партија. Поради страв дека ќе ги дознаат кои се и ќе трпат штетни последици за себе или своите блиски овие граѓани сакаа да останат анонимни и не сакаат да пријават во полиција./крај/со/бб
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
Николоски: Скопје од денеска директно се поврзува со шпанската престолнина Мадрид
Скопје од денеска директно се поврзува со шпанската престолнина Мадрид, авиолинија која е една од дваесетте авиолинии што ги воведовме во изминатата година, истакна вицепремиерот и министер за транспорт Александар Николоски, кој заедно со амбасадорот на Шпанија во Македонија, Рафаел Сориано Ортиз и Неџат Курт, генерален директор на ТАВ Македонија, го означија првиот лет Скопје-Мадрид.
Николоски потенцираше дека ова е огромен успех за авиосообраќајот, бидејќи со воведувањето на новите линии се забележува и значителен раст на патници и туристи во Македонија.
„Многу ми е драго што денеска почнува директна линија помеѓу Скопје и Мадрид, ги поврзуваме двата главни града, главниот град на Кралството Шпанија и главниот град на Македонија, нешто што е многу значајно, за развојот на туризмот, за развојот на бизнисот и за размената помеѓу двата народи, размената во културата, нешто што навистина многу значи“.
Од минатата година кога беше избрана оваа Влада до денес, додаде тој, отворена е 21 нова дестинација.
„Од Париз, од “Орли” се лета за Скопје, од Истанбул се лета за Охрид, од Дубаи ќе почне да се лета за Скопје оваа зима, од Барселона, од Лион, од Амстердам и од Љубљана се лета за Скопје, тука се чартерите на “Фрибрд Ерлајнс” кои што секој ден слетуваат на скопскиот аеродром, кои за скоро ќе бидат и по два дневно. До Охрид почна да се лета од Базел, Ларнака, Мадрид, Штутгарт, Бари, Стокхолм на главниот аеродром почнуваат овие денови. Понатаму, ја отвараме Женева, Келн, многу значајно за мене Прага, а веќе од пролет Неапол-Италија, Будимпешта-Унгарија, Катовице и Вроцлав до Охрид, и Милано исто така до Охрид.
Вкупно 21 нова дестинација, 21 нова линија, за зголемување на бројот на туристи и повеќе бизнис во Македонија. Сакам да се заблагодарам на директорот на ТАВ на неговиот тим, за одличната соработка која што ја имаме, да се заблагодарам на амбасадорот на Шпанија и да најавам дека ќе има уште дестинации од Шпанија, Барселона и Мадрид нема да се последни” истакна вицепремиерот Николоски
Македонија
Утре наутро претежно ведро и студено, преку денот сончево
Утре наутро ќе биде претежно ведро и студено, преку денот сончево со мала до умерена облачност. Ќе дува слаб ветер од јужен правец.
Минималната температура ќе биде во интервал од -4 до 4, а максималната ќе достигне од 15 до 20 степени.
Во Скопје, сончево со мала до умерена облачност. Ќе дува слаб ветер од југоисточен правец. Минималната температура ќе се спушти до 2, а максималната ќе достигне до 16 степени.
Во наредните денови следува период на стабилно и суво време. Претпладне по одделни котлини ќе има услови за појава на магла или ниска облачност. Поради разведрувањето утринската температура наместа ќе се спушти под нулата, а дневната ќе бележи тенденција на благ пораст.
Македонија
Еден од министрите, секој ден плаче и праќа пораки по дипломатските претставништва да ми реагираат да престанам до избори да говорам за криминалов, вели Арсовска
Градоначалничката на Скопје, Данела Арсовска, преку објава на социјалните мрежи го повикува Ислам Абази од Основното јавно обвинителство за организиран криминал и корупција, да постапи по, како што вели, „доказите за криминал“ кои се однесуваат на актуелни случаи поврзани со дивоградби.
„Го повикувам Ислам Абази од Основното јавно обвинителство за организиран криминал и корупција, да ги оправда тие 2% доверба кои ги има обвинителството кај граѓаните и да постапи по доказите за криминал.
Во спротивно, вели Арсовска, креира опасен преседан.
„Ќе започнеме сите со капитални проекти за градење безбедни дивоградби и обезбедување гратис станови со џабе вода и џабе струја за оние на кои не им е решено станбеното прашање. И нема да смеат да ни писнат, ни да прашаат од кај се парите.
Плус ќе треба да им се извинат на сите кои ги казниле, им срушиле објект или отслужуваат казна за бесправна градба.
Затоа што еден од министрите на Владата, секој ден плаче, лаже, манипулира и праќа пораки по дипломатските претставништва да ми реагираат да престанам до избори да говорам за криминалов, еве повеќе не ве повикувам да постапите. Ве виде народ, се девалвиравте бидејќи не смеете да му писнете на Висар Ганиу“, пишува Арсовска.

