Македонија
Формирана анкетната комисија, но нема механизам да дојде до вистината

Собранието, во вторник, ги избра членовите на Анкетната комисија, која ќе го преиспитува скандалот со прислушувањето, но се добива впечаток дека тие ќе имаат тешка задача да соберат податоци за работа, затоа што нема обврски сведоци, граѓани и институции да даваат инфомации.
За претседател на анкетната комисија е избран Петре Шилегов, а за заменик претседател Горан Мисовски. Членови на комисијата се Антонио Милошоски, Силвана Бонева, Крсто Мукоски, Павле Саздов, Димитар Стевананџија, Лилјана Затуроска, Магдалена Манаскова, Владанка Авировиќ, Томислав Тунтев и Васко Ковачевски, Талат Џафери, Ејуп Рустеми, Ернад Фејзула и Роза Топузова-Каревска. Пратеникот Павле Трајанов рече дека се сомнева дека Комисијата ќе може да дојде до вистината за прислушувањето. „Анкетната комисија баравме да има пошироки истражни овластувања, но тоа не помина, па сега многу тешко ќе се собира податоци за да се дојде до вистината: Кој во Македонија дал налог да се користат системите за прислушување, тоа е едно од клучните прашања, кој се бил вклучен во прислушувањето, кој ги користел тие информации до кого биле доставувани. Знаеме дека опозицијата ги има, но засега немаме информација кој од власта располагал со оние материјали и за што биле користени. Не сум сигурен дека има механизам да се дојде до вистината бидејќи нема обврска сведоци, граѓани, институтции да даваат информации, вистината е се утврдува со гласање, а според бројот на членови во комисијата мислам дека многу тешко ќе се доаѓа до решенија кои ќе идат одраз на вистината“, рече Трајанов, која бара комисијата да работа јавно за да може граѓаните да ја следат нејзината работа и сами да си носат заклучоци. Зоран Илиоски, претседателот на Комисијата за избор и именување појасни дека членовите ги избрале партиите, а за Роза Топузова – Кареска се договориле на средба со трите пратенички.На ова реагираше пратеникот Горан Милески, кој побара да се разјасни како се води Топузова Кареска, како што рече од една страна е независен пратеник, а од друга страна се води како член на Либералната партија.На ова одговори повиканата пратеничка која објасни дека врз основа на Деловникот таа е независна и во Собранието не ги застапува партиските ставови, туку ставовите на нејзините гласачи.„Добро е што скандалот со прислушувањето кој предизвика криза во државата влегува во институционален и процедурален пат. Треба да веруваме дека ќе даде резултат оваа комисијата. Вчера и јас се пријавив за да бидам независен пратеник, бидејќи така делувам од 2006 година во Собранието. Но во секој случај ги поддржувам сите колеги“, рече Лилјана Поповска од ДОМ.Пратеникот Адеми Зулфи рече дека изборот на независниот пратеник во комисијата требало да се направи откако ќе се консултираат сите независни пратеници во Собранието./крај/мф/бб
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Македонија
Универзитетот „Св. Климент Охридски“ – Битола ќе добие Факултет за медицина

Владата ја разгледа и усвои информацијата за потреба за основање на Факултет за медицински науки и здравство при Универзитетот „Св. Климент Охридски“ – Битола.
„Формирањето на Факултетот за медицински науки и здравство како единица во состав на Универзитетот „Св. Климент Охридски“ – Битола претставува стратешка неопходност за унапредување на здравственото образование особено во Пелагонискиот и Југозападниот регион на Република Северна Македонија“, велат од Владата.
Новоформираниот факултет ќе има задача да биде правен наследник на Високата медицинска школа, каде освен тригодишни студии ќе може да се акредитираат четиригодишни студиски програми по медицински сестри и акушерки.
Од Владата велат дека имајќи го предвид фактот дека е потребно време да се испочитуваат мислењата од сите надлежни институции, како на пример да се разгледа проектот за основање на Факултетот за медицински науки и здравство како единица во состав на Универзитетот „Св. Климент Охридски“ – Битола од страна на Одборот за акредитација на високото образование, да се донесе закон за основање, и да се испочитува членот 149 од Законот, каде е наведено дека запишувањето на студии се врши врз основа на јавен конкурс кој го објавува универзитетот, односно самостојната висока стручна школа кој ги реализира студиите најмалку пет месеци пред започнувањето на наставата, Министерството за образование и наука предложи Факултетот за медицински науки и здравство да отпочне со работа од студиската 2026/2027 година, а во меѓувреме да се завршат сите постапки согласно Законот за високо образование.
Македонија
Ќе се градат и реконструираат 30 спортски сали во училиштата, најави Владата

Владата најави дека ќе се градат и реконструираат 30 спортски сали во основните и средни училишта.
Владата ја разгледа и усвои информација за обезбедување на буџетско учество за реализација на заемот за изградба и опремување на 30 училишни спортски сали во основните училишта и реконструкција на училишта.
Во рамките на Министерството за образование и наука се реализира проектот – Изградба и опремување на 145 училишни спортски сали и рехабилитација на основни и средни училишта. Истиот има за цел да обезбеди подобри услови за реализација на наставата, како и да го унапреди училишниот спорт, здравјето и здравите навики на учениците.
„Изградбата на училишни спортски сали е дел од програмата на Владата и е уште еден од проектите кои започнуваат постапка за нивна реализација. За таа цел, Владата ја разгледа и усвои информацијата за обезбедување на буџетско учество за реализација на заемот за изградба и опремување на 30 училишни спортски сали во основните училишта и реконструкција на училишта и даде согласност за преземање обврски за чие плаќање е потребно користење на буџетски средства во 2026, 2027, 2028 и 2029 година за заемот за изградба и опремување на 30 училишни спортски сали во основните училишта и реконструкција на училишта“, се наведува во соопштението.
Македонија
Владата одобри средства за набавка на инсулин

Владата на денешната 73 редовна седница ја усвои информација за давање согласност за финансиски средства за набавка на инсулин, глукагон, инсулински игли и ленти за мерење шеќер, инсулински пумпи со потрошен материјал и сензори за континуирано мерење на гликемија за периодот април 2025 – април 2027 година.
За оваа намена ќе бидат потрошени 2.319.311.828,00 денари со вклучен ДДВ, од кои 1.854.864.916,00 денари со вклучен ДДВ се средства потребни за инсулинска терапија и 464.446.912,00 денари со вклучен ДДВ средства потребни за инсулински игли и ленти за мерење шеќер, инсулински пумпи со потрошен материјал и сензори за континуирано мерење на гликемија.
„Средствата е предвидено да се исплаќаат од Програмата за обезбедување на инсулин, глукагон, инсулински игли и ленти за мерење шеќер, инсулински пумпи со потрошен материјал и сензори за континуирано мерење на гликемија со точно утврдена динамика на плаќање. Владата останува посветена на унапредување и грижа за здравјето на сите граѓани“, соопштија од Владата.