Македонија
ГОБ „8 -ми Септември“ најуспешна болница за 2013
Градската општа болница „8-ми Септември“ Скопје е најуспешна болница за 2013 година, според годишниот извештај за работата на здравствените установи од болничката здравствена заштита што во вторник го презентираше Бранко Аџигогов, портпарол на ФЗОМ.
Годишниот извештај за 2013 година опфаќа вкупно 59 здравствени установи, од кои 54 се јавни здравствени установи (13 општи болници, 26 клиники, три клинички болници, девет специјални болници, три психијатриски болници) и пет приватни здравствени установи.
Во нив минатата година биле лекувани 223.439 пациенти што е повеќе за 6,24 % во однос на 2012 година. Следствено е зголемен и вкупниот број на денови поминати во болница. Аџигогов ја издвои ГОБ „8-ми Септември“ со 10.643 болничко лекувани пацинети за 2013 година, а колку за потсетување во 2010 година болнички биле лекувани само 5.700 пациенти.
Најголем број на лекувани акутни болни се во регионот на градот Скопје, каде се евидентирани 102.507 или 45,8% од вкупниот број случаи во Македонија.
Во однос на типот на нега, Аџиговов изрази пофалби за три болници кои своето работење го ориентираат кон хирургијата: ГОБ „8-ми Септември“ каде 47% од пациентите отпаѓаат на извршени хируршки интервенции, Општа болница Прилеп со 28,7% и Општа болница Струга со 23,8%.
Најчести здравствени услуги во 2013 година, исто како и во 2012 година, се: нормално породување без компликации, згрижување на новороденче без компликации, респираторни инфекции без компликации, горно респираторни инфекции со воспаление на уво и породување со царски рез без компликации.
ГОБ „8-ми Септември“ доби пофалби и за болница со највисок casemix index односно сложеност на лекуваните пациенти. Пофалби добија и општите болници во Прилеп и Охрид.
Според изнесените податоци од извештајот, заклучи Аџигогов, ГОБ „8-ми Септември“ е најуспешна болница за 2013.
„ФЗОМ би сакал јавно да ја пофали ГОБ „8-ми Септември“ како најуспешна болница за 2013 година која во три од 5-те најбитни категории е лидер. Ова признание се надеваме ќе придонесе до уште поуспешно работење и за оваа година, а воедно ќе ги поттикне и другите болници во унапредување на нивното работење“, рече Аџигогов.крај/мф/сд
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
Македонија трета во Европа по убиства на жени од партнер или член на семејство
Македонија се најде на третото место во Европа според стапката на убиства на жени извршени од партнер или член на семејството, покажуваат најновите податоци на Евростат за 2023 година, анализирани од „Еуроњуз“.
Според податоците, во Северна Македонија биле убиени шест жени на еден милион жители, што ја става земјата веднаш зад Латвија и Литванија. Латвија бележи највисока стапка во Европската Унија со околу 17 жени убиени на милион жители, додека Литванија е на второто место со 10 жени на милион жители.

Жени убиени од партнерите или членовите на семејството, во просек од еден милион луѓе
Просекот во Европската Унија изнесува 4,1 убиена жена на еден милион жители, што е значително помалку од стапката регистрирана во Македонија. Според Евростат, жените во ЕУ се убиени речиси двојно почесто од мажите кога сторителот е партнер или член на семејството.
Најниски стапки во Европската Унија, со исклучок на Малта, се забележани во Грција, Шпанија и Холандија. Во Грција стапката изнесува 1,8 жени на милион жители, во Шпанија 2, а во Холандија 2,3.
Податоците покажуваат дека во последната деценија бројот на вакви убиства во ЕУ останал релативно стабилен, со највисоко ниво во 2022 година, кога биле убиени 4,4 жени на еден милион жители.
На глобално ниво, според Обединетите нации, Африка е континентот со највисока стапка на фемицид – 30 жени на милион жители, како и со најголем апсолутен број жртви, со проценети 22.600 убиени жени во 2024 година. Во поширокиот европски регион стапката изнесува пет жени на милион жители.
Обединетите нации наведуваат дека 60 отсто од сторителите на фемицид во 2024 година биле интимни партнери или членови на семејството и ваквите убиства ги дефинираат како „фемицид“ – намерни убиства мотивирани од родово базирани фактори, како нееднакви односи на моќ, родови стереотипи и штетни општествени норми.
Македонија
ВМРО-ДПМНЕ: Преку наместен тендер во ЕСМ во 2023 испрани околу 2 милиони евра
Од ВМРО-ДПМНЕ обвинуваат дека СДСM и ДУИ за време на нивното седумгодишно владеење воспоставиле тендерски мрежи со однапред договорени постапки и контролирана конкуренција, со цел перење пари од државниот буџет.
Во соопштението се наведува дека во 2023 година, преку организирана и добро осмислена шема во ЕСМ, биле испрани околу 2 милиони евра преку наместен јавен тендер со вкупна вредност од 8 милиони евра.
Според ВМРО-ДПМНЕ, наместо постапката за јавна набавка да биде транспарентна, конкурентна и во интерес на јавноста, во неа биле вклучени две правни лица – едно од Скопје и едно од Куманово, со однапред дефинирани улоги. Кумановската фирма, како што се наведува, била вклучена исклучиво за да се создаде привид на конкуренција и да не изгледа дека скопската фирма е единствениот понудувач.
Од партијата посочуваат дека фирмата од Куманово доставила непотполна документација и понуда со цена повисока од претходно проценетата вредност, додека фирмата од Скопје понудила цена која речиси целосно се поклопувала со проценетата вредност, иако таа вредност воопшто не била јавно објавена во огласот.
По завршувањето на постапката, според соопштението, со цел да се замагли трагата, осомничените пуштале во оптек, примале и пренесувале финансиски средства во износ од околу 2 милиони евра, што, како што наведуваат од ВМРО-ДПМНЕ, претставува јасна основа за сомнение за кривично дело перење пари.
Од партијата додаваат дека ова не е изолиран случај, туку само една од многуте шеми на наместени тендери кои функционирале за време на владеењето на СДСM и ДУИ.
Во соопштението се наведува и дека ниту Сoцијалдемократите ниту Интегративците не се оградиле, не се дистанцирале, ниту презеле одговорност, туку, како што тврдат, продолжуваат да го релативизираат и штитат криминалот.
Македонија
„Врват криминални тендери на ДПМНЕ додека Скопје се гуши во загаден воздух“, велат од СДСМ
„161 тендер за една фирма вредни 5,3 милиони евра, тендери од 9 милиони за друга фирма со двајца вработени, милионски износи за фирма на студентот на Мицкоски. Дури и по европските пари посегна власта за што ЕУ ја суспендираше ИПАРД 3 програмата“, велат од СДСМ.
„Наместо инвестиции во мерки и политики за намалување на загадувањето парите на граѓаните завршуваат во криминални тендери преку кои се пумпаат милиони евра.
Мицкоски најавуваше 1 милијарда евра инвестиции за чист воздух и намалувањето на загадувањето за 50% но наместо тоа ги намали парите за чист воздух за 51%!
Владата на ДПМНЕ нема пари за чист воздух, нема пари за бесплатен јавен превоз, нема пари за филтри, за еколошко греење, еколошки проекти, за итни интервенции.
Само за криминални тендери има пари.
Изборот на ДПМНЕ е крадење на народот и лично богатење наместо јавното здравје на скопјани.
Во времето на СДСМ се презедоа низа на мерки со Планот за чист воздух и во тие години започна тренд на постепено намалување на загадувањето.
Штетните честички ПМ 2.5 во воздухот се намалија за -564kg на годишно ниво, а честичките МП 10 за – 735kg исто така на годишно ниво. И тоа граѓаните го знаат.
СДСМ бара прогласување еколошка и здравствена кризна состојба во Скопје и свикување на итна седница на Советот на Град Скопје за што имаме и конкретни мерки за намалување на загадувањето.
Но, за да може да се реализира некоја мерка мора крадењето на народот да запре а сите виновни да понесат одговорност согласно закон.
На криминалот и корупцијата мора да им се стави крај“, соопштуваат од СДСМ.

