Македонија
Ѓорчев ја одложи расправата за Извештајот на СЈО, ја чека Јанева

Претседателот на Комисијата за политички систем, Влатко Ѓорчев, го одложи продолжение на надзорната расправа за Извештајот на СЈО, затоа што според него, обвинителката Катица Јанева не ги известила дека нема да присуствува.
Во петокот, обвинителката Јанева ја напушти седницата и јавно соопшти дека веќе нема да доаѓа, бидејќи начинот на кој се дискутира со напади од членовите од владејачкото мнозинство, за неа е класичен мобинг.Ѓорчев седницата ја закажа за четврток, кога на пленарна седница се предвидени пратенички прашања.На прес-конферемцијата на СЈО, во средата, кога ја објавија новата истрага за случајот наречен „Трезор“, обвинителката Ленче Ристовска рече дека Јанева ја испочитувала законската обврска да присуствува на седницата на Комисијата за политички систем, дури и одговарала на поставените прашања, од кои не сите се однесувале на извештајот и дека ќе се појави, како што и таа рече, на пленарна седница на која ќе се расправа по Извештајот.Дека не бега од одговори, Ристовска потврдуваше и со фактот дека Јанева ја најави прес-конференцијата и замина во Советот за јавни обвинители, каде рече дека имала обврски. Според координаторот на пратеничката група на СДСМ, Горан Сугарески, ВМРО-ДПМНЕ од оваа Комисија прави циркус се со цел Извештајот на Јавниот обвинител Марко Зврлески да не дојде на дневен ред на Комисијата или на пленарна седница.Сугарески вели дека Извештајот на СЈО не е општ акт односно законски пропис, и Комисијата може да работи без присуство на Јанева./крај/мф/бб
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Македонија
Мицкоски: Завршен првиот дел од санацијата на хидросистемот Ѓавато, кој повеќе од 4 години беше со пробиени цевки

Заврши првата фаза на санирање на хидросистемот Ѓавато. Бунарскиот дел е комплетно завршен, пуштена е водата и нема никаде протекување, објави премиерот, Христијан Мицкоски.
Тој додаде дека останува уште една интервенција на цевката за испуст и со тоа ќе бидат дуплирани количините вода кои ќе се влеваат во Дојранското езеро.
„Каква беше состојбата пред интервенцијата? Повеќе од четири години пробиени цевки на двата функционални бунари. Потрошени повеќе од половина милион евра за електрична енерија, а ефектот минимален или никаков. Два функционални од десет направени бунари. Негрижа и срам. Во втората фаза ќе обезбедиме најмалку уште две бунарски пумпи за зголемен капацитет и побрзо полнење на Дојранското езеро. Владата во втората фаза ќе го задолжи ФОД при ЕСМ (поранешно ЕЛЕМ) да ги репарира постојните потисни пумпи. Конечно во последната трета фаза ќе инсталираме сончеви панели со батерии за акумулирање на електричната енергија и сопствено производство на електрична енергија. Нема трошење милиони евра од буџетот за електрична енергија“, напиша Мицкоски.
Македонија
СДСМ ги објави имињата на уште 11 кандидати за градоначалници

Попладнево се одржа седница на Извршниот одбор на СДСМ. Членовите донесоа одлука со која е дадена согласност за кандидатури за градоначалници во уште 11 општини низ државата:
1. Бутел – Оливера Ливриниќ
2. Велес – Маја Хеско
3. Гевгелија – Миле Атанасов
4. Делчево – Дејан Глинџарски
5. Демир Капија – Лазар Петров
6. Конче – Благој Илиев
7. Кратово – Влатко Спировски
8. Кривогаштани – Игор Каравиловски
9. Македонски брод – Ивица Стојковски
10. Ранковце – Даниел Крстевски
11. Старо Нагоричане – Далибор Трајковски
„СДСМ јасно ја потврдува својата подготвеност да понуди силни, чесни, квалитетни и докажани кандидати за претстојните локални избори кои ќе работат во интерес на граѓаните и напредок на општините’“, соопштија од партијата.
Македонија
Гужва на границите: на Богородица и Табановце се чека по 40 минути

Интензитетот на сообраќај на патните правци надвор од градските средини е зголемен, поради летните одмори се бележи зголемена фрекфенција на возила, информира АМСМ.
На ГП Богородица времето на чекање за влез е околу 40 минути, на ГП Дојран времето на чекање за влез е околу 20 минути, на ГП Табановце времето на чекање за излез е околу 30 минути, додека пак на останатите граничните премини од македонска страна нема подолги задржувања за влез и излез од државата.
Од денеска од 05:00 часот регионалниот пат Р-1106 Нова Брезница – Македонски Брод преку националниот парк Јасен ќе биде пуштен за сообраќај во термините од министерство за внатрешни работи. Се препорачува внимателно возење, почитување на сигнализацијата и прилагодување на брзината поради можни одрони на патот.