Македонија
МВР поскапо набавувало опрема за да се богати Финзи ДООЕЛ
Специјалното јавно обвинителство покрена нова истрага под работно име „Трезор“, во која се разоткрива како Управата за безбедност и контраразузнавање набавува опрема со посредник, поскапо за вкупно околу 862.000 евра, и плаќа непотребно за нејзино одржување, иако таа е со истечена лиценца и не е во функција.
Со новата истрага осомничени за злоупотреба на службена положба се три лица од Управата за безбедност и контраразузнавање и едно лице од Министерството за внатрешни работи, кои преку правното лице „Финзи ДООЕЛ“, чиј директор извесен период бил и сведокот, сега починатиот Коста Крпач, од Велика Британија нарачува електронска и комуникациска опрема, со цена повисока за околу 862.000 евра. За оваа сума, преку повеќе договори и анекси на договори е оштетен Буџетот на Република Македонија, а со цел лично богатење и прибавување имотна корист.Специјалната јавна обвинителка, Фатиме Фетаи која го презентираше новиот случај, не откри за кои лица станува збор, но рече дека за нив од судот, во текот на денешниот ден ќе бараат примена на мерки за обезбедување присуство, како и замрзнување на имот до крајот на истрагата.Обвинителката Ленче Ристовска, појасни дека нема да излезат со иницијали или точна функција на осомничените за да не се шпекулира во јавноста за кого се работи се додека се само осомничени, но рече дека немаат информации дека не се во државава.Економксиот криминал се случувал во период од 2010, 2011 година, а со анекс на договорот разработениот криминал продолжил до 2015 декември, кога почина директорот на Финзи ДООЕЛ Коста Крпач.Имено, Управат за безбедност и контраразузнавање набавила опрема за комуникации од британска фирма, но тоа не го направила директно од правното лице од Британија, туку со посредник, македонската фирма Финзи ДООЕЛ, која на почетокот за директор имала лице во крвно сродство со третоосомничениот од овој случај. Финзи ДООЕЛ, неколкукратно ја зголемувал сумата на набавката, што МВР ја плаќало, а Финзи се богател. Инаку, како што појасни Фетаи, Финзи е фирма отворена во Македонија, но во сопственост на американска фирма основана на Кипар.„Откако го договориле начинот на набавка, прво и второосоминичениот усно му наредиле на вработениот во МВР да набави опрема од Велика Британија без да ги почитува правилата на тендерската постапка, туку преку Финзи да се порача опремата, а на македонската фирма и доставил спецификации и рекол да се јават на огласот, отпосле распишан“, појасни Фетаи.Финзи ДООЕЛ, според Фетаи, неколку години не работел ништо друго, освен што што го зголемил основниот влог заоколу 650.000 евра.
„Инаку, според доказите правното лице ДТУ,,Финзи,, ДООЕЛ Скопје е основано во 18.08.2009 година, од правно лице од САД. До крајот на 2010, кога му е доделена работата од МВР за набавка на предметната опрема, единствено што работел овој правен субјект е што има зголемување на основната главнина со 650.000 евра паричен влог. Овие средства се префрлени од сметката на Финзи САД, кој била отворена на Кипар, на сметката на Финзи ДООЕЛ Скопје. Потоа истите средства се префрлаат како влог во правното лице Си-фи кар (Систина – Финзи Кардиологија)“, рече Фетаи.Ова продолжило и во 2013 година кога првите двајца осомничени му кажале на вработениот во МВР дека му треба дополнителна опрема на УБК, па направен е анекс на договорот со што повторно преку Финзи е направена набавка. Направен е и втор анекс во 2012 година, потпишан од МВР и Финзи претставувано од тогашниот управител Коста Крпач, а од Финзи е изготвена фактура петпати поголема од анексот, што е целосно исплатена од МВР.Како втора точка од истрагата, поврзана со првата, СЈО истражува како од јули 2014 до крај на 2015 година, кога загина Коста Крпач, МВР барало и плаќало одржување на опремата, иако немало потреба од одржување, а подоцна договорено било и месечно одржување кое авансно се плаќало од МВР во висина од околу милион денари месечно, со вкупна вредност од 46 милиони денари. Но, по девет плаќања, ова прекинало во декември 2015 година, кога МВР еднострано, по смртта на Крпач, го раскинало договорот. Како што најави Фетаи, од судот ќе бидат побарано привремено замрзнување на имот на неколку лица и ќе бидат побарани мерки за претпазливост односно за обезбедување присуство од осомничените.Ристовска појасни дека предмет на истрага ќе биде и за што се трошеле овие пари, и дали биле вложувани во одредени медиуми, ако се има предвид дека Крпач беше сопственик на неколку.Ова е шести предмет на СЈО. Досега отвори пет истражни постапки „Титаник“, „Тортура“, „ТНТ“, „Тврдина“ и „Транспортер“, а поднесе и две обвиненија./крај/мф/бб
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
(Видео) Џафери: Груби ниту е Влада, ниту е партија
Ниту Европскиот фронт, ниту ДУИ не повикуваа, ниту мотивираа на бојкот, беше оставено на слободната волја на граѓаните да ја изразат на гласачкото место, кажа премиерот Талат Џафери на денешната прес-конференција.
Во однос на бојкотот на Артан Груби, на вториот круг на претседателските избори, Џафери кажа дека неговиот став е индивидуален и дека не став ниту на Владата, ниту на партијата.
„Индивидуалните ставови не можат да се претставуваат како генерални ставови на субјектот. Груби ниту е Влада, ниту е партија. Јас имав изјава како премиер на избирачкото место и потврдив дека ги земав двете ливчиња и гласав. Индивидуалниот став не е општ став по кој може да се извлече заклучок. Нека си е министер, индивидуа е во однос на Владата, не е став на Владата, ниту на партиски органи. Индивидуално може да каже што сака, тоа е слобода и на мисла и на изразување“, одговори Џафери и додаде дека не може да се повикува на одговорност.
Македонија
Главчев: Се надевам дека Северна Македонија ќе ја продолжи европската перспектива, повеќе нема да правиме отстапки
Се надевам дека Северна Македонија ќе ја продолжи својата европска перспектива. Од наша страна, немаме каде да правиме повеќе отстапки. Згора на тоа, позицијата што ја имаме е паневропска позиција.
Ова го изјави вршителот на должноста премиер на Бугарија, Димитар Главчев по победата на кандидатот на ВМРО-ДПМНЕ Гордана Силјановска-Давкова на претседателските избори во Северна Македонија, јави „БГНЕС“.
„Да почекаме да видиме каква влада ќе се формира во Северна Македонија“, рече привремениот премиер.
Главчев додаде дека Бугарија нема повеќе да прави отстапки во однос на пристапните преговори на РСМ во ЕУ и ставот што го имаат е паневропската позиција.
„На нашите пријатели од Северна Македонија мора да им биде јасно дека ако не ги почитуваат барањата за прифаќање членство во ЕУ, тоа нема да функционира“.
Македонија
Џафери не кажа дали е подготвен да оди во опозиција: Тоа е прашање што зависи од исходот на преговорите за состав на нова влада
По отчетот за 100-те дена техничка Влада, техничкиот премиер Талат Џафери вели дека е фокусиран на обврските од сегашната Влада, чиј мандат сѐ уште трае. На новинарско прашање дали е подготвен да оди во опозиција со оглед на неколкуте изјави на лидерот на ВМРО-ДПМНЕ, Христијан Мицкоски, дека нема да преговара за коалиција со Демократската унија за интеграција, Џафери не даде конкретен одговор.
„Јас сум премиер и размислувам за мандатот што треба да го завршам. Тоа се прашања на органите на партијата и во тој контекст да завршат преговорите, другото е прашање на исходот од преговорите за состав на нова влада“, рече техничкиот премиер Џафери.
Немаше конкретен одговор ниту на прашањето дали граѓаните треба да очекуваат тој да добие уште еден мандат како премиер оти неговата матична партија е дел од коалицијата што освои 19 пратенички мандати.
„Јас сум фокусиран на обврските на составот на Владата што ја водам, впрочем мандатот на оваа Влада е до изборот на нова. Работата на конфигурацијата на новата влада е работа на преговори на политичките субјекти што добиле мандати во Собранието по изборите одржани на 8 мај. За тоа прашање треба да се очекува резултат од таму“, рече Џафери.
На парламентарните избори во средата коалицијата „Европски фронт“ на ДУИ освои 19 мандати, а нивниот опонент во албанскиот блок, коалицијата „Влен“, доби 13 мандати.
Лидерот на ВМРО-ДПМНЕ, која освои 58 мандати во Собранието, по изборите, рече дека преговара со „Влен“ за состав на новата влада.