Македонија
Јанева ги прогласи изборите за нелегитимни, за Зврлевски ЈО е пандан на романскиот НАД
Специјалната јавна обвинителка, Катица Јанева на прес – конференцијата што ја одржаа заедно со романската обвинителка Лаура Ковеси и републичкиот јавен обвинител, Марко Зврелвски ги прогласи изминатите избори за нелегитимни, додека Зврлевски во своето обраќање на конференцијата го прогласи Републичкото јавно обвинителство за пандан на Националниот антикорупциски директорат (НАД) во Романија.
Романската обвинителка Кавеси која е позната по тоа што има покренато обвиненија против премиери, министри, пратеници не ја коментираше конкретно ниту работата на Јавниот обвинител, Зврлевски, ниту работата на Специјалната обвинителка, Јанева. Таа се задржа на искуствата од својата земја и на тоа што има таа сработено.На Јанева и порачала да продолжи со својата работа и покрај пречките со коишто се соочува. И Кавеси се соочувала со проблеми и имало случаи кога одредени институции не им ги давале потребните документи, но институциите во Романија биле свесни дека доколку не соработуваат ќе следуваат одредени реперкусии.„Ние како обвинители никогаш не се сомневаме дали институцијата ќе соработува или не бидејќи имаме Закон според кој треба да се раководиме и да го почитуваме. Додека не бидат променети одредени закони кои се однесуваат на организацијата на одредена институција ние го применуваме стариот закон. Најчесто имаме добра соработка, но има и случаи кога имаме проблеми. Има ситуации кога институциите нема да ни дадат потребни документи, но имаме и други начини на кои можеме да добиваме одредени документи. Овој дел од законот кој им дава до знаење на институциите дека треба да соработуваат со нас е јасен и тие се свесни дека доколку не соработуваат ќе имаат соодветни реперкусии“, вели Ковеси.Во своето обраќање на конференцијата „Ефикасна борба против високата корупција: прашање на личност или на систем“ Ковеси порача дека не е доволно да се отвори само истрага за еден случај, туку преметот треба и да се затвори. Во Романија само минатата година биле отворени 1.250 предмети од кои 970 се затворени. Со истите се опфатени еден премиер, пет министри, 16 пратеници, 97 градоначалници, 32 директори на државни компании, сенатори, општински советници и други функционери, соопшти Ковеси.Зврлевски во обраќањето на конференцијата го прогласи Јавното обвинителство за пандан на романската НАД и потсети дека и ова обвинителство има покренато обвиненија против премиери, министри, директори на јавни претпријатија. За роднинската врска меѓу Јован Илиевски, главен обвинител во Јавното обвинителство за организиран криминал и корупција и поранешниот директор на Управата за безбедност и контраразузнавање, Сашо Мијалков Зврлевски како и претходно повтори дека во овој случај не гледа ништо спорно бидејќи Илиевски бил избран за обвинител пред Мијалков да биде актуелен во политиката и дека за сите предмети во кои е вклучен тој, Илиевски се иззема.Зврелвски негираше дека предметот за „Маѓар телеком“ се чека да застари, а Јанева директно го праша зошто овој предмет иако СЈО го побарало за да одлучува за неговата надлежност не им е доставен. Тој предмет е во Советот за јавни обвинители и за неговата надлежност треба да одлучува ова тело. Специјалното обвинителство поднесло претставки и до Советот на јавни обвинители и до Судскиот совет за несоработка со Јавното обвинителство и судовите. Јанева на прес-конференцијата ги прогласи изминатите избори циклуси за нелегитимни, а Претседателот, Уставниот суд и Собранието се нелегитимни институции„Се работи за осомничени лица за изборни нерегуларности и тоа за 2011, 2012, 2013 година. Со самите истраги за овие лице кои биле и се на високи позиции во Владата на Македонија и со 80 отсто од доказите кои располагаме го докажуваат обвинението со кое имаме намера во иднина да настапиме. Јас лично, а и членовите од мојот тим, сметаме дека самиот избор и на Претседателот и на Уставни судии и на пратениците е доведено во прашање. Мислам дека сите овие се нелегитимни институции и треба да го почитуваат Специјалното обвинителство и нивните истраги за да ја утврдиме вистината“, изјави Јанева.Таа најави дека ќе следи проширување на истрагата за случајот „Титаник“. „Не се плашиме од судот, кога ќе дојде редот за прифаќање на обвиненијата. Тоа ќе биде посебна борба, која ќе видиме како ќе се одвива кога ќе дојде редот за тоа “, додаде Јанева.Таа категорично изјави дека нема да оди да го образложува извештајот за својата работа ниту пред Собранието, ниту пред Советот на јавни обвинители. „Сметам дека извештајот содржи сè што е потребно. Не станува збор за некој обемен документ. Доколку претставниците на овие институции имаат некакви забелешки, нив можат да ги достават до СЈО, а ние ќе ги разгледаме и може да ги вклучиме во наредниот шестмесечен извештај“, рече Јанева.Одговарајќи на новинарско прашање за нејзиниот имот таа изјави дека поседува два стана на име на нејзините деца, и најави дека нејзиниот имот ќе се зголемува, како што рече, „на сметка на моите родители и на овие десет прсти“./крај/мф/ффс
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
Николоски: На 8 мај потребна е масовна референдумска излезност за влада на ВМРО-ДПМНЕ која нема да е уценувана од никого, за СДСМ и ДУИ во опозиција
„Во првиот круг му поставував прашања на Пендаровски, не одговори на ниедно. Наместо да одговара прашања, плаќаше ботови по социјални мрежи лично да ме навредуваат мене и моето семејство, народот му кажа што мисли за тоа. Но, морам да го прашам уште нешто затоа што се работи за злоупотреба на државни пари“, истакна носителот на ВМРО-ДПМНЕ во ИЕ 4 Александар Николоски на денешниот митинг на ВМРО-ДПМНЕ во Општина Кавадарци.
Тој продолжи и додаде: „Пендаровски до денес не одговори дали ќе ги користи или нема да ги користи привилегиите кои ги следуваат поранешните претседатели, еднаш невешто одговори дека за тоа ќе се изјаснел во 2029 година, ама очигледно ќе треба да се изјасни на 12 мај затоа што тогаш и официјално му завршува мандатот, тоа е четири дена после изборите и мислам дека е чесно и кога ќе дојде тука во Кавадарци да каже дали ќе е пензионер со најголема пензија во Македонија и поранешен претседател кој најдолго ќе ги користи народните пари. А во меѓувреме е фер да каже уште вечерва ако може дали е вистина или не од пусти мерак за претседателствувања ама и за користење на привилегии дека побарал да му се отвори вилата во Охрид и ќе седел следни пет дена таму да искористи уште некој ден покрај охридското езеро, дали е вистина ова Стево Пендаровски и дали е вистина дека со цело друштво одиш таму да поседите уште некој ден на државен трошок, одговори пред граѓаните“, истакна Николоски.
Рече дека на 8 мај треба уште помасовно да се излезе, во уште поголем број и разликата во Кавадарци да е уште поголема и додаде дека е потребна масовна референдумска излезност на 8 мај за влада која нема да е уценувана од никого, за СДСМ во опозиција, за ДУИ во опозиција.
„Ве повикувам да ја прочитате нашата програма Платформа 1198, тие не размислуваа на проекти и не реализираа проекти, затоа ние ќе реализираме. Ќе реализираме и експресен пат од Кавадарци до Неготино и спојување на Кавадарци со автопатот. Ќе реализираме и отворање на граничен премин со Грција како би станало многу блиску да се патува помеѓу Кавадарци и Воден и да се спојат овие два дела на географска Македонија. Ќе ги помагаме земјоделците, за лозарите достоинствени цени за виното и рестартирање на Повардарие како би се срушил монополот во откупот на грозје и производството на вино подостоинствен живот за сите, повеќе субвенции и повеќе ред за сите. Затоа на 8 мај масовно да излезете“, дециден е Николоски.
Македонија
Мицкоски од Кавадарци: Мобилизација и масовна излезност, колку повеќе гласаат, толку поголема ќе биде силата за промени
Во првиот круг издвојувавме огромна победа, која покажа дека народот е свесен за тоа што се случува во нашата татковина. Ова е револуција на народот, пред се затоа што преовладува чувството дека во сопствената земја народот стана кираџија. И тоа токму поради дуото СДСМ-ДУИ, рече Христијан Мицкоски, претседател на ВМРО-ДПМНЕ на вечерашниот митинг во Кавадарци.
Мицкоски посочи како ништо не функционира и како институциите не се во корист на граѓаните.
„Институциите повеќе не служат на народот. Се чека за пасоши, лични карти, за документи кои му следуваат на народот. Овој проблем го препуштија да го решава ВМРО-ДПМНЕ и Панче Тошковски, додека во секоја друга сфера има подеднакво назадување. Во здравството докторите и медицинскиот персонал протестираат. Доколку сакате било која здравствена услуга или ќе мора да платите или да побарате врски. Ако не е така ќе мора да чекате по ходници, ќе ве маткаат со процедури, додека не се откажете. Животниот стандард е под секое ниво. Корупција насекаде, правда никаде“, кажа Мицкоски.
Мицкоски укажа дека проблемот е што ДУИ е газдата во државата.
„Нашите, вашите судбини зависат од стотина души на ДУИ кои контролираат се. Артан Груби и компанијата се господари на Македонија, но и одговорни за колективниот грабеж. Велат дека ДУИ никогаш немал подобар партнер за власт како СДС. Што и да им побарале, не добивале сто проценти, туку дупло двеста. И затоа е и сега нервозата во ДУИ, зошто знаат по овие избори ниту ќе имаат власт, ниту пак ќе имаат измеќари како СДС“, изјави Мицкоски.
Мицкоски рече дека овие денови силно се ангажирани на две сценарија кои во суштина се завера против Македонија.
„Првото е сценарио на бојкот. Второто сценарио е пазарџиска делба со ДУИ на ресори и министерства, при што Ковачевски оставил на Ахмети сам да одреди колку министерства ќе му остави на СДСМ. И двете сценарија се губитнички за Македонија и удираат по нејзините основи“, кажа Мицкоски.
Мицкоски заклучи дека решението за сето ова е масовна излезност.
„Мобилизација и масовна излезност. Решението и за бојкотот и за пазарџиската поделба на ресори е само едно масовно гласање на избори. Колку повеќе гласаат, толку поголема ќе биде силата за промени“, рече Мицкоски.
Македонија
Битиќи: На 8-ми мај да се спротивставиме на политиките на поделби, за сплотена и силна Македонија
„Грешките во владеењето можеме да ги поправиме, но поделбите во општеството нема да ги залечиме доколку на 8-ми мај не се спротивставиме на политиките на раздорот, на национализмот, на сеењето страв. Социјалдемократскиот сојуз е единстваната обединувачка политичка партија за силна и сплотена Македонија – земја и европски дом во кој ќе има место за секого, независно од неговата етничка, религиозна, културна, политичка или социјална припадност“, порача на денешните средби со жителите на Топаана и Шуто Оризари, Фатмир Битиќи, потпретседател на СДСМ и ко-носител на листата на кандидати за пратеници на Коалицијата за европска иднина во Изборна единица 2.
Тој кажа дека резултатите од првиот круг на претседателските избори не треба да се прифатат со малодушност ниту пак да се обесхрабрувачки, туку треба да се перцепираат како предизвик кој во себе носи можност за сплотување на сите прогресивни сили во државата за двојните избори на 8-ми мај.
„Со нашата предизборна програма нудиме повеќе од економски раст и развој, повеќе од повисоки плати и пензии, многу повеќе од европски животен стандард, ние нудиме иднина во која секој граѓанин ќе биде прифатен, почитуван, градиме земја во која ќе владее дијалогот, меѓусебното разбирање, а не раздорот. Затоа на 8-ми мај, победата на СДСМ и коалицијата ќе значи пораз на стравот од различностите, на поделбите. Ќе зачекориме кон заедничка и споделена европска иднина“, порача Битиќи.
Зборувајќи за концептот на едно општество за сите, како суштинска политичка вредност на СДСМ, тој ја нагласи потребата граѓаните да го отфрлат национализмот како свој политички избор, затоа што тој е наметнат избор.
„Ве повикувам заеднички да го отфрлиме национализмот кој е надвиснат над Македонија, да кажеме НЕ на ксенофобијата, да се ослободиме од стравовите и да го прифатиме единството, единството во различностите бидејќи таму лежи нашата сила. Верувам во вас, во граѓаните, верувам дека тоа ќе го препознаете, дека ќе ги отфрлите политиките кои ви се наметнуваат од елити кои немаат што да ви понудат освен да ве туркаат кон минатото и поделбите“, рече Битиќи и додаде дека Македонија не е само ВМРО-ДПМНЕ, Македонија е многу повеќе, таа е на сите, на Македонци, Албанци, Срби, Турци, Роми, Бошњаци, Власи.
„Нашата сакана земја е на сите нас кои се бориме за европска држава, а кои сме повеќе, многу повеќе од тие што се прикажуваат како победници во првиот круг на претседателските избори. Затоа нема откажување, заеднички, едни покрај други, рамо до рамо, сите различни, продолжуваме и победуваме на 8-ми мај“, порача Битиќи.