Македонија
Јапонски средства за подобрување на условите за бегалците, мигрантите и згрижувачките општини
Високи претставници од Агенциите на Обединетите нации (ОН) во земјата во четвртокот беа во теренска посета во општина Куманово и пунктот за помош на бегалци Табановце, заедно со амбасадорот на Јапонија, Макото Такетоши, кој се наоѓа во тридневна посета на земјата.
Иако запре транзитот на бегалци и мигранти од големи размери низ земјата, поради затворањето на границите долж Западниот Балкан повеќе од 1.100 Авганистанци, Ирачани и Сиријци останаа во земјата. Амбасадорот се сретна и разговараше со некои од нив во транзитниот центар, а беше информиран и за позитивното влијание на помошта обезбедена од страна на Владата на Јапонија.
Од почетокот на бегалската криза, Владата на Јапонија има обезбедено повеќе од 3,6 милиони американски долари за агенциите на ООН во земјата за хуманитарните потреби на бегалците и мигрантите, како и за олеснување на товарот на згрижувачките општини што се најмногу погодени од кризата. Посетата на амбасадорот има за цел да ги оцени резултатите постигнати во 2015-та година и идните активности во 2016-та година.
„Јапонија добро ги разбира хуманитарните и развојните предизвици што ги носи тековната бегалска и мигрантска криза“, рече амбасадорот Такетоши. „Долгорочен приоритет за нас е да им помогнеме на луѓето кои имаат потреба од помош и да му помогнеме на овој регион да одговори на предизвиците. Затоа ни претставува задоволство што можеме да обезбедиме поддршка на системот на ООН во итните хуманитарни потреби и долгорочна поддршка за згрижувачките општини“, додаде тој.
Јапонија неодамна обезбеди 420 илјади американски долари за Агенцијата за бегалци на ООН (УНХЦР) како поддршка во одговорот на агенцијата во вонредната состојба со бегалската криза. Претставникот на УНХЦР, Мохамад Ариф се заблагодари на народот и на Владата на Јапонија за нивната поддршка. Овие средства, рече тој, се искористени за подготовка на центрите Табановце и Винојуг за зимски услови, за решавање на итни санитетски потреби на бегалците, набавка на дрвени клупи и поддршка за процесот на регистрација.
„Жените и децата претставуваат 61 процент од вкупниот број бегалци и мигранти што пристигнаа во земјата во 2016 година“, објасни тој. „Имајќи предвид дека луѓето се сместени во Табановце и Винојуг повеќе од еден месец, УНХЦР ги приспособи своите активности за заштита и помош согласно промените на терен. Многу од овие луѓе имаат специфични потреби. Покрај обезбедувањето на индивидуализирана поддршка, се јавува потреба од изнаоѓање на сеопфатно решение за нивната ситуација и елиминирање на сите ризици поврзани со заштитата, вклучително и оние по нивното здравје и безбедност“, изјави јапонскиот амбасадор.
Владата на Јапонија донираше 260,361 американски долари на Меѓународната организација за миграција (ИОМ) на почетокот на октомври 2015 година како поддршка за напорите на земјата во справување со итните потреби во рамките на кризата. Овие средства се искористени за зајакнување на капацитетите на граничната полиција во хуманитарниот аспект на граничното управување и набавка на две возила за Министерството за труд и социјална политика заради олеснување на транспортот на ранливите категории бегалци и мигранти, особено жените и децата. Овие средства исто така беа искористени за обезбедување краткорочно сместување за бегалци и мигранти преку опремување на прифатните центри со контејнери за преноќување, кревети и ќебиња, кои можат да понудат истовремено сместување за 114 лица.
„Ова е време на незапаметена криза и човечка мобилност. Од 19 јуни 2015 година до 22 март 2016 година регистрирани се вкупно 477.856 бегалци и мигранти во Гевгелија и Куманово. ИОМ, заедно со своите партнери, мораа да го зголемат обемот на своите активности во оваа сложена и долготрајна криза. Обезбедувањето на критична поддршка за голем број на население го стави системот за хуманитарен одговор под исклучителен стрес“, рече Соња Божиновска-Петрушевска, раководител на канцеларијата на ИОМ.
Владата на Јапонија исто така донираше 750 илјади американски долари на Фондот за деца на Обединетите нации (УНИЦЕФ) кон крајот на февруари 2016 година како поддршка на итниот одговор на агенцијата во бегалската и мигрантска криза, пред сè за жените и децата. Овие средства ќе му помогнат на УНИЦЕФ да ги зголеми и прилагоди активностите на полето на детската заштита, обезбедување на вода и санитетски услови, исхрана за бебиња и мали деца и обезбедување и на други потребни средства освен храна. Зајакнувањето на системот за социјална заштита на земјата за да одговори на итните потреби на децата бегалци и мигранти е важна компонента на овие активности.
„Децата страдаа најмногу во кризата што тие не ја создадоа“, рече претставникот на УНИЦЕФ Бертран Демулен. „Тие страдаат од последиците на војната и прогонот, поминале ризичен пат по екстремни температури, а сега со новите гранични политики се соочени со несигурна иднина. Тие претставуваат преку 40 отсто од луѓето во движење и мора многу повеќе да се направи за нивна поддршка и заштита“, смета тој.
Како поддршка за згрижувачките општини што беа директно погодени од транзитот на скоро еден милион бегалци и мигранти во последните 12 месеци, Владата на Јапонија исто така обезбеди 2,225 милиони американски долари за Програмата за развој на Обединетите нации (УНДП). Овие средства ќе бидат искористени за приоритетните потреби поврзани со управување со отпадот и водоснабдувањето во општините Гевгелија и Куманово, каде транзитот на толку голем број луѓе наметнува огромен притисок врз јавните комунални услуги.
„Двете главни згрижувачки општини покажаа голема великодушност и флексибилност во приемот на голем прилив на луѓе и во обезбедувањето на јавни комунални услуги во двата прифатни центри“, изјави Луиза Винтон, постојан координатор на ООН и постојан претставник на УНДП. „Благодарение на Владата на Јапонија, сега ќе бидеме во можност да решиме некои долгорочни развојни предизвици што бегалската криза ги изнесе на виделина. Овие инвестиции ќе ги подобрат условите за живот на повеќе од 200 илјади локални жители“, заклучи Винтон./крај/мф/бс
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
Идните рудари и инженери од Македонија, Хрватска и Норвешка на практична обука во „Булмак 2016“
Компанијата „Булмак 2016“ од Пробиштип, која управува со рудниците Злетово и Тораница, активно вложува во образованието преку практична настава и опремување на стручни кабинети во средните училишта. Во партнерство со училиштата „Наум Наумовски-Борче“ (Пробиштип) и „Коле Нехтенин“ (Штип), како и со Универзитетот „Гоце Делчев“, компанијата овозможува реална обука за ученици и студенти од геолошко-рударската, машинската и техничката струка.
Секоја година, над 30 средношколци и десетина студенти добиваат можност да учат директно во производствените погони, облечени во рударска униформа и со ламба во рака — симбол на нивниот прв чекор во професијата. Практичната настава се реализира со сертифицирани ментори од областа на рударството, геологијата, електротехниката и машинството.
„Булмак 2016“ не обучува само млади од Македонија — туку и студенти од Хрватска и Норвешка, кои преку научни екскурзии добиваат можност да се запознаат со современите рударски технологии и процеси. Оваа интернационална соработка ја позиционира компанијата како регионален центар за практична инженерска обука.
Покрај теренската обука, „Булмак 2016“ активно поддржува и опремување на стручни кабинети во училиштата, овозможува стипендии за ученици, а за студентите од повисоките години – вработување и поддршка за магистерски и докторски трудови.
Со оваа програма, компанијата не само што го продолжува рударското наследство во регионот, туку создава генерации на млади инженери и техничари подготвени за современи предизвици — дома и во Европа.
Македонија
Адеми: Мицкоски сака да биде тој, кој одлучува за, и во име на Албанците
Синоќа, лидерот на ВМРО-ДПМНЕ, Христијан Мицкоски, пред целата јавност јасно ја откри суштината на неговата политика: “Целта на овие избори е ДУИ да исчезне од политичката сцена.”. Со Ова Мицкокси ја потврди веродостојноста на се она што ДУИ го зборува со месеци наназад, Мицкоски сака да биде тој кој одлучува за и во име на Албанците, истакна на прес-конференција потпретседателот на ДУИ, Арбер Адеми.
Како што вели, идејата на Мицкоски, кој е маша во рацете на српскиот свет, е да спречи обединување и моќно претставување на Албанците. Само така, додава Адеми, ќе може тој и неговите патрони од северот да продолжат да го понижуваат албанскиот народ, а во власта да имаат понижени и слаби Албански политичари како ВРЕДИ кои ќе молчат само за да ги зачуваат своите фотељи.
„Мицкоски не сака да победи на избори, туку да избрише цела една политичка идеја за рамноправност, цел еден народ од јавниот од политичкиот живот на Македонија.
Кога Мицкоски вели “ДУИ да исчезне”, тој вели дека Албанците немаат право сами да одлучуваат кој ќе ги претставува. Тој вели дека е време некој друг – поточно тој – да одлучи кој е прифатлив Албанец, кој може да седи на масата, а кој не. Тоа е обид за политичко чистење кое опасно ќе му се удри по глава.
Мицкоски треба да знае дека Албанците сами бираат кој ги претставува и дека со овие изјави ја отвори вратата на пеколот кој му следи на 19 октомври. На 19 октомври неговите пудлици од ВЕЛН ќе претрпат страотен пораз. На 19 октомври Мицкоски ќе ја дознае моќата и поривот на Албанците да не трпат наметнати решенија. Еднаш вака згреши Заев, истата грешка ја прави и Мицкоски“, порачува Адеми.
ДУИ, додава тој, можеби не била совршена, но ДУИ, како што вели, отсекогаш била изборот на Албанците.
„Не на Мицкоски. Не на централните штабови на ВМРО. Не на структури кои сакаат покорни Албанци кои ќе креваат рака кога ќе им се каже.
Токму затоа на 19 октомври Албанците јасно ќе кажат: Никој, апсолутно никој, нема право да го избира политичкиот претставник на Албанците, освен самите Албанци.
Најтрагично е што ВРЕДИ е неговата алатка. ВРЕДИ е неговиот проект за контролирана албанска политичка сцена. ВРЕДИ се неговиот тројански коњ во Чаир, во Тетово, во Струга. Граѓаните тоа го гледаат, чувствуваат и знаат.
Нашата порака е јасна: Ние нема да исчезнеме, нема да се поклониме, нема да дозволиме некој друг да го избере нашиот пат“.
Македонија
Пред убиството Росица го пријавувала Стефановски за насилство и непочитување на забраната за приближување, го запалил и автомобилот на татко и’
Против Илија Стефановски, осомничен за убиството на Росица Коцева (31) и нејзиниот татко Киро Коцев (68) во Велес, претходно биле поведени повеќе постапки за закани и насилство, соопшти Основното јавно обвинителство.
На 10 април 2025 година, обвинителството поднело Обвинителен предлог за два настана: загрозување на сигурноста (чл. 144 КЗ) од 20 февруари 2025 година, насилство (чл. 386 КЗ) од ноќта меѓу 3 и 4 март 2025 година, кога на партнер на оштетената му била нанесена полесна телесна повреда.
Во рамките на таа постапка било направено психијатриско вештачење. Вештото лице утврдило дека Стефановски не боледува од душевна болест, бил пресметлив во моментот на делата и кај него не е регистрирана патолошка опсесивност кон оштетената.
На 10 септември 2025 година, Основниот суд Велес го огласил за виновен и му изрекол условна казна, со укинување на повеќето мерки на претпазливост. На сила останала само мерката забрана за приближување и контакт со оштетената и нејзиниот партнер, сè до правосилноста на пресудата. Одлуката штотуку пристигнала во обвинителството, кое сè уште немало можност да се произнесе со евентуална жалба.
Во меѓувреме, на 21 мај 2025 година, оштетената поднела нова пријава против осомничениот за неизвршување судска одлука. Таа навела дека, и покрај дополнителните мерки за заштита од семејно насилство во граѓанска постапка, тој продолжил да ѝ испраќа пораки и фотографии и на 18 мај се приближил до нејзиниот дом, при што го одзел и запалил автомобилот на нејзиниот татко. По оваа пријава, обвинителството ја сослушало оштетената и издало наредби за прибирање докази од телефонска комуникација, како и четири наредби до МВР за обезбедување снимки од видео надзор на различни локации во Велес.
Покрај тоа, на 25 март 2025 година, оштетената го пријавила Стефановски и во ОЈО Скопје за настан од 27 декември 2024 година. Според пријавата, за време на патување во Бугарија и по враќањето во Скопје, тој се обидел да ја задржи во стан и ѝ нанел лесна телесна повреда (чл. 130 КЗ). Истовремено, и осомничениот поднел пријава против оштетената, тврдејќи дека лажно го пријавува за да му изнуди пари.
Иако настанот бил пријавен три месеци по случувањето, ОЈО Скопје прибавило медицинска документација и други докази. Пријавата на Стефановски за лажно пријавување била отфрлена, а постапката по пријавата на Коцева продолжила. На 9 септември 2025 година, таа дала исказ во обвинителството и потврдила дека останува на предлогот за негово гонење.
Вчера беше објавено со повеќе повреди од остар предмет починаа 31 годишна велешанка и нејзиниот 74 годишен татко, а стрителот 39 годишен скопјанец поранешен партнер на девојката се самоубил со тврд остар предмет.
Пред убиството Росица го пријавувала Стефановски за насилство и непочитување на забраната за приближување, го запалил и автомобилот на татко и’
Против Илија Стефановски, осомничен за убиството на Росица Коцева (31) и нејзиниот татко Киро Коцев (68) во Велес, претходно биле...
Намалена активната транспарентност на Владата и на министерствата, најмалку информации има за финансиите, објави Центарот за граѓански комуникации
Центарот за граѓански комуникации го објави редовното годишно рангирање на институциите според Индексот на активна транспарентност, односно според активното објавување...
Синоќа повторно предизвикан пожар на „Дрисла“
Синоќа, пред 23 часот, повторно беше предизвикан пожар на депонијата „Дрисла“, на сосема друго место, подалеку од местото што беше...
Рубио: Трамп е единствениот лидер што може да разговара со Русија, Украина и со Европа
Американскиот претседател Доналд Трамп би можел да се сретне со украинскиот лидер Володимир Зеленски следната недела во Њујорк, објави американскиот...
„Марш за ангелите” во Кочани и мирен протест во Скопје: шест месеци од трагедијата во дискотеката „Пулс“
Денеска се навршуваат шест месеци од трагедијата во дискотеката „Пулс“ во Кочани, во која животот го загубија 62 млади лица....
Изгаснат тежок пожар пред Пинтија, под контрола се пожарите на „Дрисла“ и во Трубарево, активен пожарот на Кожуф
Рано утрово пред 4 часот избувна тежок пожар во сервис за возила пред Пинтија (над „Стакларата“ на местото наречено Каменик)...
Мицкоски треба да одговара за ширење страв и паника по признанието на Тошковски дека нема центри на моќ зад пожарите, велат од СДСМ
Панче Тошковски во интервју призна дека нема осомничени дека одреден центар на моќ влијаел да се подметне пожарот во Трубарево...
Зеленски до Трамп: Покажете јасен став и сопрете го Путин
Украинскиот претседател Володимир Зеленски го повика Доналд Трамп да заземе јасна позиција за да го запре Владимир Путин и да...
Град Скопје не е надлежно за фабриката во Трубарево, „Вардариште“ е на Гази Баба, кај си да писнеш за УСЈЕ, му порача Арсовска на Ѓорѓиевски
Градоначалничката на Скопје, Данела Арсовска со објава на социјалните мрежи по последните случувања со пожарите во Трубарево, „Дрисла“ и „Вардариште“...
Опожареното место е затрупано со песок за да се спречи понатамошно тлеење на опасни материи, состојбата во Трубарево е под целосна контрола, уверуваат надлежните
Во Министерството за животна средина и просторно планирање денеска се одржа брифинг со медиумите за состојбата по пожарот во складиштето...
Скопјанeц ги убил девојката и татко и во Велес, па се самоубил
Денеска (15.09.2025) во 15:30 часот во СВР Велес е пријавено е дека на ул.,,Кочо Рацин“ во Велес е пронајдено женско...
Нема зголемена радијација во почвата и воздухот по пожарот во Трубарево, соопшти ИЈЗ
Од Институтот за јавно здравје информираат дека се во континуирана координација со Инспекторатот за животна средина, Министерството за здравство и...
Кирков до Арсовска: Знаете ли дека ви изгореа „Дрисла“, „Вардариште“, а Скопје е затрупано со смет кој не го собирате
Советнинкот во Советот на Град Скопје од редовите на ВМРО-ДПМНЕ, Стефан Кирков, со објава на социјалните мрежи ја праша градоначалничката...
Ноќеска Итната помош 13 пати интервенирала во Трубарево, едно лице е пренесено на Токсикологија
Во текот на изминатата ноќ заклучно со попладнево во реонот на Трубарево се извршени 13 интервенции од Итната медицинска помош,...
Повреден 18-годишник, велосипедист во Чаир испукал кон него неколку куршуми и избегал
Ноќеска ургентниот центар на комплексот клиники „Мајка Тереза“ во полиција пријавил дека кај нив е донесен 18-годишник повреден од огнено...
(Видео) Ангелов: Пожарот во Трубарево е целосно изгаснат, состојбата во „Дрисла“ е драстично подобрена
Пожарот во Трубарево е целосно изгаснат, целата опожарена површина е затрупана со песок и земја. Утрово покажуваше на неколку места...
(Видео) Хибридниот напад од странски центри е смешно алиби за неспособност на Мицкоски, вели Филипче
Претседателот на СДСМ, д-р Венко Филипче, денеска силно ги нападна изјавите на премиерот Мицкоски дека државата била цел на хибриден...
За да нема чадење од „Вардариште“, треба да се најде пристоен дом за над 200 луѓе што живеат среде депонијата, а некои од нив потпалуваат, вели Тошковски
Во решавање на проблемот со депонијата „Вардариште“ треба да се вклучат сите институции, да им се најде соодветен дом на...
(Видео) „Дуото Апасиев – Мециновиќ си пикнало во џебот милиони од партијата Левица, а на поддржувачите им велат донирајте ни пари“, вели Манасиевски
„Дуото Апасиев-Мециновиќ си пикнало во џеб милиони од Левица, а на поддржувачите им велат донирајте ни пари. Глумците Апасиев и...
(Фото) Презентирано визуелното решение за новата Универзална сала
Денеска, пред македонската јавност беше презентирано визуелното решение за новата Универзална сала – модерен и функционален објект, кој ќе го...
