Министерката за култура Елизабета Канческа – Милевска, по објавата на новата истрага од Специјалното јавно обвинителство „Тендери“, која се однесува на, според неа, партерното уредување околу Музејот на ВМРО, вели дека сите предмети се чисти како солза.

Таа, на прес-конференција во четврток, покажа документација, со која, смета дека докажала дека постапката за изведба на партерното уредување околу музејот, паркингот и гаражирањето и сообраќајниот пристап, кои се дел од договорот број 10, е транспарентна и навремена.„Сите проекти се согласно законите, и се одобрени за функција. Сите премети се чисти како солза. Ќе го поткрепам со аргументи со докази во однос на предметот кој беше кажан на прес-конференцијата на Специјалното јавно обвинителство“, рече Канческа – Милевска.Таа појасни дека навремено е објавен оглас, кој се однесува на набавка за партерно уредување околу музејот. „Со објавувањето во Службен весник, транспарентноста е во целост испочитувана. Од евидентниот лист може да се види дека за истата имаат подигната тендерска документација 4 фирми“, рече министерката.СЈО во однос на истрагата „Тендери“, смета дека е направена повластица на фирмата „Бетон“ од Штип, на која и е доделена работата, пред да се објави оглас за тендер, и без да се потпише договор се почнало со работа, а условите се пишувале за да може да учествува само таа фирма.„Сите изнесени обвинувања од страна на (обвинителката Фатиме) Фетаи ги отфрлам во целост. Тезите на Фетаи се рекла-кажала, трач муабети, груба манипулација со која сака да стави дамка на моето работење и на Министерството за култура“, рече Канческа-Милевска.Во однос на условите, министерката рече дека  СЈО може да ги провери и да истражи дека постојат најмалку 20 економски оператори кои одговараат на критериумите. Така, појасни се барала фирма која има позитивно финансиско работење во последните три години, најмалку да има изведено за три објекти за последните 5 години како самостоен изведувач или како носител на набавката, да поседува лиценца А и да има најмалку 50 вработени.Канческа – Милевска рече дека овие документи кои ги стави на увид на новинарите и на јавноста СЈО имало можност да ги провери затоа што му се доставени пред два дена, но како што рече, тие прво најавиле прес-конференција за две нови истраги, а потоа ги зело документите.  „Денеска се објави обвинение за предмет каде не постојат ни докази ни документи, кој не е истражен. Не може да кажете дека нешто прво се градело, а потоа се објавило оглас, без да проверите градежни книги, времена ситуација, надзор, сите количини на изведени работи“, рече Канческа-Милевска која цел час потоа ја објаснуваше и ја покажуваше документацијата.Случајот наречен „Тендери“ се однесува за период од 14.6. 2011 година до 31.12.2013 во Скопје, во кој првоосомничена е раководно лице од Министерство за култура и членовите на Комисија за јавни набавки од министерството, кои на правното лице ГТД „Бетон“ Штип им овозможиле незаконско повластување, за изведување градежни работи во Музеј за македонската борба за државност.Пред да се објави оглас за услуги спротивно на принципите на конкуренција, пред да се донесе одлука за тоа првоосомичнената донела одлука кој да ја добие и да ја заврши работата.Сведок за овој случај е тогашен генерален директор на „Бетон“ Штип и вели дека добил можност да ги продолжи работите каде веќе работеле на други изведби, а да не се чека 20 дена за да се објави новиот оглас за новите градежни работи. Отпосле биле објавувани огласи, бил потпишуван договор, а „Бетон“ веќе ги изведувал работите. Договорено било во огласот да се предвидат услови што може само Бетон да ги исполни.Биле исплатени близу еден милион евра на сметка на „Бетон“, за изведба на овие градежни зафати, или 54.501.336 денари.Од СЈО најавија дека за лицата инволвирани во овој случај ќе бараат од судот посебни мерки за обезбедување присуство, но не притвор./крај/мф/бб