Во основното музичко училиште во Струмица се одржа Комеморација за Џоко Ѓоргиев, тапанар на групата ДНК кој загина во пожарот во Кочани, а вработен во музичкото училиште ,Боро Џони“ во Струмица.

Неговите колеги и пријатели го поздравија со едноминутно молчење.

Директорката на музичкото во Струмица, Клара Патарова, рече дека поради неговиот поздрав наутро „Goоооod morning“ ѕвонеле нивните срца секојдневно. Неговиот однос бил прилагоден со почит. Знааел да сподели ведрина и актуелна случка во градот.

„По 100 пати во денот ќе прашаше: ‘Треба ли нешто?’ Знаевме да ти кажеме: ‘Седни, одмори се’, а тој велеше: ‘Не директорке, јас не знам да седам, дадете ми обврски’“, раскажа директорката додавајќи дека во зградта се потсетува на него.

„Грда е реалноста, тешко се прифаќа“, рече таа.

„Надвор од ова просторија има уште стотици, илјадници луѓе со истото чувство, дека загубиле дел од себе, некој свој, оти кој тебе не те сакаше златно дете. Како и досега ти умееш да ги сплотиш луѓето“ кажа Петрова.

Претходно од училиштето објавија дека тапаните биле неговиот живот, а загинал од огнените јазици додека ја ширел својата енергија, талент и љубов заедно со нив – своите тапани.

„Сакан и мил наш, веќе си ненадоместлив меѓу нас колегите, но и учениците кои те обожуваа. Секојдневието ќе биде болно…тажно…празно. Ти испраќаме болни и тажни воздишки“, напиша претходно средното училиште.

Независното здружение на новинари на Србија (НУНС) и Здружение на новинарите на Македонија – ЗНМ реагираа на неетичко известување на српски, регионални медиуми и претставници на странски дописници за погребот во Кочани.

Повикаа да ја почитуваат приватноста на семејствата на жртвите и да не објавуваат фотографии и видеа кои вознемируваат.

Дел од српските и некои хрватски медиуми објавија фотографии од погребот со ожалостените семејства.

Граѓаните во коментари под објавите ги осудија бидејќи го фотографирале погребот и не ја почитувале болката на најблиските.

Владата претходно донесе протокол за медиумите, според кој, на денот на погребот можеа да следат од оддалеченост од 300 метри.

ЗНМ (Здружение на македонски новинари) ги повика медиумските работници и уредници да не отстапуваат од воспоставениот протокол, да покажат почит и одговорност, да не објавуваат содржини кои можат да предизвикаат дополнителна болка и да се придржуваат до стандардите на етичкото новинарство.

Благодарение на огромниот бран сочувство за жртвите од трагичниот инцидент во градот Кочани, Република Северна Македонија, во оваа фаза се обезбедени потребните количини крв и крвни продукти, извести „Бгнес“.

Во моментот достапните резреви се на оптимално ниво, а капацитетот за обработка и складирање е привремено исполнет.

Бугарските медиуми пренесоа дека само во вторникот над 600 луѓе дарувале крв во центрите во земјата. Во Бугарија се лекуваат 15 повредени во пожарот во Кочани, меѓу нив и деца и млади.

Бугарскиот Црвен крст утрово информира дека лекувањето на повредените млади ќе биде долгорочно, потребата од крв е динамична и може да се јави во секоја наредна фаза од нивното лекување. Националниот центар за трансфузиона хематологија се залага за редовно ажурирање на потребата од крв и крвни продукти, а доколку повторно се појави потреба од крв, бугарскиот Црвен крст ќе организира крводарителска акција.

„Бугарскиот Црвен крст изразува искрена благодарност до сите што се одѕваа на повикот и даруваа крв! Вашата хуманитарна помош е непроценлива и докажува дека човечката солидарност и емпатијата ја докажуваат силата на заедницата. Им благодариме на Министерството за здравство, Националниот центар за трансфузиона хематологија, Универзитетската болница за трансфузија на крв ‘Н.И. Пирогов’ и на регионалната Медицинска академија за хематологија за трансфузија. Уште еднаш – им благодариме на сите што веќе се вклучија во крводарителската акција!“, се вели во соопштението на бугарскиот Црвен крст денеска дистрибуирано преку медиумите.