Македонија
Мајката на носител на листа од ЛП прераспределена на друго работно место
Мајката на Данчо Марковски, носител на листата на ЛП во Изборна единица 3, била прераспределена во Општата болница Велес од едно на друго работно место, во ек на иборна кампања иако кодексот за изборите вели дека не смее да се врши притисок врз вработените.
„Знаев дека кампањава ќе биде највалканата до сега и дека избориве ни ќе бидат кредибилни ни демократски. Дека нели се обезбедија минимум услови за тоа. Знаев и дека ќе подлежам на притисоци и закани јас и моето семејство. Добив полна поддршка од нив затоа што сум на страната на правдата и вистината. Уште на средбата со граѓани на Либералната партија во Велес ми стана јасно дека почнаа валканите игри, кога неколку малолетни лица дојдоа и почнаа да извикуваат ВМРО…ВМРО. Не очекував ништо помалку, толку од вашата инвентивност. Ден потоа стига реакција од директорот на ЈЗУ Општа болница Велес, Атанас Василев, каде мојата мајка е вработена. Прераспределена е веднаш на друго работно место со решение. Не и е прво распределување и притисок заради мене во последнава година. Жена со 30 години стаж во таа институција. Толку од кодексот за фер и демократски избори“, вели Марковски./крај/со/бб
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
Без струја денеска делови од Чаир, Бутел и Шуто Оризари
Од ЕВН Македонија АД известуваат дека денеска без електрична енергија ќе останат:
· во периодот од 08.00 до 11.00 часот корисниците од дел од улицата Бајрам Шабани и дел од улицата Чаирска, општина Чаир;
· во периодот од 09.00 до 10.00 часот корисниците од објектите околу Фитофарм-Визбегово, општина Бутел;
· во периодот од 09.00 до 12.00 часот корисниците позади бензинската ОКТА во Шуто Оризари, општина Шуто Оризари.
Македонија
Делови од Карпош и Шуто Оризари денеска без вода
Од ЈП Водовод и Канализација известуваат дека денеска поради уличен дефект на улицата Демирхисарска бр 13 прекинато водоснабдување ќе имаат корисниците од улицата Демирхисарска, од 17:30 часот до завршување на дефектот, општина Шуто Оризари.
Од ЈП Водовод и Канализација исто така известуваат дека денеска поради изведување на водоводен приклучок ф-100мм на ул. Софиска 7, прекинато водоснабдување ќе имаат корисниците од следниве улици: Софиска, Бриселска, Петар Драганов, Његошева, Копенхагенска и Стокхломска, општина Карпош.
Водоснабдувањето ќе биде прекинато од 09:00 часот до завршување со работните активности.
Македонија
Утрото постудено и магливо, преку денот сончево со мала до умерена облачност
Утрото постудено со услови за појава на магла по одделни котлини и речни долини. Преку денот времето ќе биде сончево со мала до умерена локална облачност. Ќе дува слаб ветер од јужен правец.
Минималната температура ќе биде во интервал од -3 до 4, а максималната ќе достигне од 16 до 21 степен.
Во Скопје, утрото постудено, во делови од котлината магливо. Преку денот времето ќе биде сончево со мала до умерена облачност. Ќе дува слаб југоисточен ветер. Минималната температура ќе се спушти до 2, а максималната ќе достигне до 18 степени.
Времето во наредните денови
Под влијание на висок воздушен притисок следува период на стабилно и суво време со постудени утра, а дневната температура ќе биде во пораст, особено во деновите од викендот. Претпладне по одделни котлини и речни долини ќе има услови за појава на магла.

