Македонија
Македонски тим учествуваше на Меѓународна олимпијада по астрономија и астрофизика

Млади македонски астрономи овој месец учествуваа на најпрестижниот меѓународен натпревар од областа на астрономијата и астрофизиката. Еден од учесниците се закити и со пофалница за неговото знаење, соопшти во четврток Македонското астрономско друштво.
Македонски тим од пет ученици и двајца лидери учествуваше на 8-мата Меѓународна олимпијада по астрономија и астрофизика (МОАА) што се одржуваше во Сучава, Романија од 1. до 11. август.
Македонскииот тим се состоеше од учениците Дејан Максимовски, Андреј Симески и Ангела Митровска од ПСУ „Јахја Кемал“ Скопје, Томе Кириази од СОТУ „Ѓорѓи Наумов“ Битола и Фросина Панчева од ПСУ „Јахја Кемал“ Струмица.
Лидери беа Станиша Вељковиќ, професор по физика во ПСУ „Јахја Кемал“ Скопје и Филип Симески, студент на универзитетот Браун.
Оваа година на МОАА учествуваа 220 учесници од четирисетина земји од цел свет. Во оваа голема конкуренција Дејан Максимовски освои пофалница.
„Кога ќе се земе предвид тежината на овој натпревар, но и условите за изучување астрономија во Македонија, овој успех има исклучително значење за развој и афирмација на науката меѓу младите. Така што успехот на Дејан, но и на другите четири членови на националниот тим треба да се сфати како голем и историски како би ги поттикнале и новите генерации да вложуваат во себе и во развојот на науката“, велат двајцата лидери.
Македонскиот тим беше избран на натпреварот по астрономија што се одржа на 29. март во склоп на Зимската астрономска школа во организација на Македонското астрономско друштво.
Ова беше второ учество на Македонија на оваа најпрестижна меѓународна олимпијада по астрономија. МОАА за првпат се одржа во 2007 година во Чанг Маи, Тајланд.крај/мф
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Македонија
Ажурирана листата на контакти за поддршка на граѓаните и семејствата на повредените кои се испратени на лекување во странство

Ажурирана листата на контакти за 24/7 поддршка на граѓаните и семејствата на македонските граѓани кои се испратени на лекување во странство, објави на Фејсбук страницата министерот за надворешни работи и надворешна трговија Тимчо Муцунски.
Дежурни телефонски броеви во Министерството за надворешни работи и надворешна трговија се: 075/273-732 и 075/268-736.
Во продолжение се телефонските броеви на дежурните контакти во странство, каде што се наоѓаат повредени македонски граѓани на лекување.




Македонија
Над 500 граѓани на Бугарија дарувале крв за повредените од Кочани

Над 500 граѓани во Бугарија дарувале крв за повредените Кочани од трагичниот пожар во дискотеката „Пулс“. Ова го соопшти бугарскиот Црвен крст за агенцијата БТА.
Сепак, многумина се прашуваат дали собраната крв ќе биде доволна за сите повредени. Затоа, организаторите апелираат до граѓаните да продолжат со дарувањето до крајот на неделата. Инаку, секоја капка крв може да направи разлика за нечиј живот.
Крводарувањето се одржува во две клучни институции во Софија. Првата е Универзитетската болница за активно лекување и итна медицина „Н.И. Пирогов“. Втората е Националниот центар за трансфузиона хематологија. Денеска, 381 лице учествувало во акцијата за повредените Кочани. Вчера, пак, за само три часа над 120 лица дарувале крв. Од прес-службата на Црвениот крст на Бугарија соопштиле:
„Со болницата ‘Н.И. Пирогов’ и Националниот центар за трансфузиона хематологија организираме голема акција за да обезбедиме крв за младите луѓе повредени во несреќата во Кочани“.
Македонија
Пациентите примени во Анкара од денес дишат самостојно, Министертвото со информација за хоспитализираните млади луѓе по пожарот

Министерството за здравство информира дека медицинските тимови на здравствените установи и денеска се целосно ангажирани во обезбедување соодветна медицинска нега за сите пациенти.
На Клиника за пластична хирургија во моментот се хоспитализирани – 10 пациенти,
На Клиника за токсикологија – 10,
На Торакална – 4,
на трауматологија – 2,
на Детска хирургија – 4,
на КАРИЛ – 13,
На Клиника за пулмологија – 2,
Во ГОБ 8 септември -17,
Во Хируршка клиника „Св Наум Охридски“ -11
Во ОБ Штип – 2
Според информации од медицинските центри во Австрија, од шест пациенти, пет се на интензивно лекување во стабилна состојба, додека еден е префрлен на интерно одделение.
Во Литванија – четири пациенти се на интензивно лекување во стабилна состојба.
Петтемина пациенти повредени во пожарот во Кочани кои беа испратени на лекување во Анкара, Турција, од денес дишат самостојно.
Во Србија во моментот се лекуваат 30 пациенти, кои се на интензивно лекување во стабилна состојба.
Во здравствени установи во Бугарија се лекуваат 14 пациенти, од кои седум се на интензивна нега, а останатите се со помал процент на изгореници и самостојно дишат.
Во Грција се лекуваат осум пациенти, кои се стабилни во моментот.
Во текот на ноќта се очекува пациенти да бидат упатени во европски центри, за што Министерството за здравство изразува благодарност за поддршката која ни се пружа од првиот момент од нашите меѓународни партнери.