Македонија
Мандатите на опозицијата на собраниска седница

Предлогот за одземање на мандатите на пратениците од опозицијата е единствена точка на дневен ред на денешната собраниска седница.
За да се изгласа овој предлог е потребно двотретинско мнозинство, односно мандатите на 31 пратеник на опозицијата ќе им бидат одземени ако за ова гласаат 82 пратеници во Собранието.Кoмисијата за деловнички и мандатно-имунитетни прашања донесе заклучок дека 31 пратеник шест месеци биле неоправдано отсутни. Опозицијата ја бојкoтира работата на собранието по одржувањето на претседателските и предвремените парламентарни избори во април.Ако им бидат одземени мандатите на опозиционерите процедурата од сабота ќе се пресели во Државната изборна комисија, која ќе треба да предложи нови пратеници, наредните од листите од коалицијата на СДСМ. Доколку и тие не го прифатат мандатот, ќе се организираат парцијални избори за испразнетите места во парламентот./крај/мф/
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Македонија
Вечерва зборуваме на различни јазици, но исто тагуваме и жалиме за нашите млади момчиња и девојки што неправедно ги изгубивме, вели Меџити

Вечерва, на плоштадот „Скендербег“, положивме цвеќе во чест на изгубените животи во трагедијата во Кочани, напиша на социјалните мрежи Изет Меџити првиот вицепремиер и министер за животна средина по трагедијата во Кочани.
„Заедно ја споделуваме болката и се солидаризираме едни со други. Вечерва зборуваме на различни јазици, но исто тагуваме и жалиме за нашите млади момчиња и девојки што неправедно ги изгубивме. Нашите молитви и мисли се со семејствата на жртвите и повредените. Тие не се сами во оваа болка! Ние сме заедно“ објави на фејсбук Меџити.
Македонија
Трагично загинатата пејачка на бендот „ДНК“ беше самохрана мајка: нејзиниот сопруг почина пред четири години

Професорката по пијано на Факултетот за музичка уметност, Сара Пројковска, која беше придружен вокал во групата „ДНК“, го загуби животот во пожарот во дискотека во Кочани, потврди Факултетот за музичка уметност.
Нејзината колешка Ана Костадиновска, која е придружен вокал за „ДНК“ и предава во средно музичко училиште, е во стабилна состојба и се лекува дома, потврди нејзиното семејство.
Пројковска беше самохрана мајка на две деца.
Таа во текот на својата кариера пееше придружни вокали за речиси сите поп пејачи во Македонија. Нејзиниот поранешен сопруг, џез-трубач и професор по труба, Александар Николовски, почина во 2021 година на 48-годишна возраст.
Македонија
Во Бугарија пристигнаа пет пациенти од пожарот во Кочани; Габровски: Нивната состојба е сериозна

Бугарија се обврза на лекување на 14 жртви од пожарот во Кочани. Ова го изјави заменик директорот на болницата „Пирогов“ во Софија, Николај Габровски, пренесуваат бугарските медиуми..
Габровски вели дека осуммина од повредените ќе бидат сместени во Пирогов. Досега се пристигнати пет лица. „Тројца од нив се на вештачка вентилација на белите дробови. Потребно е да им се помогне со дишењето. Состојбата на пациентите е сериозна, не можеме да кажеме ништо повеќе бидејќи во моментов се примени. Ќе вложиме максимални напори да ги лекуваме“, прецизираше тој на брифингот во Пирогов.
Во болницата се очекува да бидат примени уште три лица, од кои две ќе бидат деца на возраст од 15 и 16 години, како и еден 19-годишен маж. Ќе бидат и интубирани, пишуваат тамошните медиуми.
Три лица ќе бидат превезени во Пловдив, а три во Варна.
Габровски изрази сочувство до семејствата на загинатите: „Ова е огромна трагедија, со која не можеме а да не сочувствуваме.
Информира дека Бугарија го испрати воениот авион „Спартан“, кој донел осуммина од повредените во нивната земја.
Уште пет лица во тешка состојба и на механичка вентилација се очекува во текот на денешниот ден со амбулантни возила со специјализирана опрема да бидат пренесени во софискиот централен ургентен центар .
Бугарската амбасада во Скопје е во постојан контакт со македонските власти и продолжува да ја следи состојбата, според тамошните медиуми.