Пресудата за новинарот на „Нова Македонија“, Томислав Кежаровски е исклучителен удар врз слободата на изразувањето во Македонија, изјави на јавната седница во Апелациониот суд, адвокатот на Кежаровски, Филип Медарски.

Тој ги повика судиите внимателно да ги прочитаат двата текста објавени во весникот „Репортер 92“ и да утврдат дали воопшто е откриен идентитетот на заштитениот сведок. Во текстовите, сведокот бил напишан како „штипјанецот Златко“ иако тој не е од Штип, туку од Ореше и со ништо друго не се откривал идентитетот на сведокот. Ако бил откриен идентитетот на загрозениот сведок, зошто во 2010 година судот му дава статус на заштитен сведок, прашува Медарски.Тој наведе два примери на пресуди од хашкиот трибунал за осудени новинари за оддавање на идентитетот на заштитен сведок кои добиле само парични казни, а највисоката затворкса казна била три месеци.Исказ пред Апелациониот суд даваа и другите адвокати на обвинетите. Љубомир Михајловски, адвокатот на обвинетиот истражен судија во случајот Ореше, Валентин Зафиров  праша дали со ова судење сака да се покрие лажниот исказ на заштитениот сведок во случајот Ореше, бидејќи според него, судот и јавното обвинителство не сака да го расчисти овој случај.Се очекува исказ пред судот да дадат и обвинетите во случајот Ликвидација, а одлуката на судот може да се очекува најкасно во рок од триесет дена.Кежаровски е осуден на 4,6 години затвор за откривање на идентитетот на заштитениот сведок во случајот Ореше. Во селото пред десетина години беше убиен Лазар Милошевски, а за убиството им се судеше на браќата Љупчо и Ордан Ѓорѓиевски, а како нарачател беше осомничен Ѓоре Петровски кој живее во САД и кој наводно сакал да му се одмазди на старецот за обид за убиство од пред 15 години. Во март годинава, браќата беа ослободени, но заштитениот сведок во случајот, Златко Арсовски Бреза даде изјава дека изјавата ја дал под притисок на полицијата и ДБК и дека била лажна./крај/ффс