Мигрантите се држат во катастрофални и нечовечки услови, хигиената е на ниско ниво, лоша храна, појава на заразни болести, констатираше народниот правобранител Иџет Мемети по извршениот увид во Прифатниот центар за странци во Гази Баба по информациите дека мигрантите се кренале на бунт поради лошите услови.

„Затекнавме катастрофална состојба, нехигиенски услови со кои се повредува човековото достоинство. Вчера таму имаше 28 жени и 35 деца, дете без придружба и бремени жени. Условите се полоши од притвор. Мажите спијат на под, без постелнина, жените и децата се сместени во две простории, а дел од нив спијат на подот во импровизирана кујна“, изјави Мемети.Според него, мигрантите се држат со месеци како сведоци во постапките за криумчарите, иако законот за илегален влез во државата предвидува притвор од 30 дена, односно законот не предвидува дека мора да се држат таму вели Мемети„Загрижува лошата комуникација МВР, Јавниот обвинител и Судот. Нема комуникација меѓу министерствата, нема писмена коресподенција меѓу нив, не постојат документи за нивно носење на Суд или Јавно обвинителство, како и за дадена изјава. Недозволива е усната комуникација за статусот на бегалците, мора да постојат документи“, додаде Мемети.Мемети утрово се сретнал со министерот за внатрешни работи, Митко Чавков на кој му ги предочил сите слабости, како и можноста да се побара меѓународна организација која ќе помогне. Законот за азил во понеделник најверојатно ќе се најде на владина седница. /крај/мф/

Извор: Нова ТВ