Македонија
МОН во декември ќе одлучи дали ќе има екстерно тестирање на факултетите
Министерството за образование и наука најверојатно во средината на декември ќе донесе одлука дали ќе има екстерно тестирање на факултетите. Министерот Абдилаќим Адеми вели дека тој сака се воведе оваа реформа, но дека одлуката зависи од повеќе фактори.
„Лично, повеќе сум наклонет да има, но не зависи само од мене, туку од повеќе фактори. Пред сѐ од Одборот за акредитација кој треба понатаму да ги спроведува сите активности, потоа универзитетите, студентите, политиките на Владата од аспект на образованието. Ако се одлучиме да има, тоа мора да биде без нарушување на автономијата на универзитетите,без загрозување на Болоњскиот процес и без да има дополнителен товар како за универзитетите така и за студентите“, изјави Адеми во вторник на отворањето на Деновите на државно учење.
Тој го оцени протестот на студентите, што се одржа во понеделник, 17-ти ноември, како легитимно и гарантирано право во демократско општество. Но, според него е несфатливо зашто имало протест кога сѐ уште не е одлучено дали ќе има екстерно тестирање или не.
Според него, студентите не биле вистинските организатори на протестот.
„Примив писмо во кое нема ништо конкретно за екстерното оценување. Има барање за оставка на министер, а се знае дека оставка секогаш бараат политички партии, а не студенти. Подготвив одговор на писмото но, за жал, не можам да го доставам зашто во писмото нема ни име ни адреса. Деновиве очекувам да добијам име на организаторот и адреса, за да им пратам одговор, а ако не добијам, тогаш јавно ќе одговорам преку средствата за јавно информирање“, рече Адеми.
Во врска со моделот на проверка на знаењето доколку се воведе, Адеми рече дека сѐ уште не е одлучено дали тоа ќе биде државен испит, дали ќе биде друга форма и кога ќе се донесе одлука истата ќе биде споделена јавно.
Тој вели доколку се воведе тестирање тоа ќе биде во функција на зголемување на квалитетот на високото образование.
„Не велам дека виското образование не е квалитетно. Квалитетно е, но има дел од неквалитетното кое може да го загрози целиот образовен систем. Има универзитети во кои студентите што се запишани не го знаат ни македонскиот, ни албанскиот јазик, им предаваат со слушалки. Има студенти кои не следат настава, а добиваат оценки. Ги следиме тие состојби, но мора да ставиме и правни механизми тие студенти сами да се исклучат од образовниот систем, а не сите студенти да ги ставиме во ист кош“, рече Адеми.крај/мф
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
„Сите гледаат ски скокови за да видат кој ќе победи, само СДС следат дали ќе ги видат Заев и Филипче во публика во Гармиш-Партенкирхен“, велат од ВМРО-ДПМНЕ
„Чудно како СДС избегнаа да го спомнат Гармиш-Партенкирхен и заборавија да одговорат дали во моментов Венко Филипче таму изиграва елита со неговиот лидер Зоран Заев? Сите гледаат ски скокови за да видат кој ќе победи, само СДС следат дали ќе ги видат лидерот Зоран Заев и неговиот намесник Венко Филипче во публика“, велат од ВМРО-ДПМНЕ.
„Се надеваме дека Филипче им кажал на СДС во колку почнуваат скоковите, за да може нивните од СДС да го видат како се радува до нивниот лидер Зоран Заев.
А интересно е што од се што можеа тие се фатија за парите на златната виза од Дубаи на Венко Филипче, веројатно затоа што точно знаат колку чини, односно им кажал колку ја купил и дали е врзана за 42-катницата, но како што признаа дека ја поседува и дека ја платил, кај да е ќе кажат и колку имот поседува во Дубаи.
За Харис нема што да додадеме верните фанови од СДС верно му ги следат настапите“, соопшти ВМРО-ДПМНЕ.
Македонија
Николоски: После повеќе од 60 години Охридскиот аеродром е легализиран
Вицепремиерот и министер за транспорт Александар Николоски на својот фејсбук профил објави дека аеродрoмот Св. Апостол Павле во Охрид конечно е легализиран.
„На последниот ден од 2025 година сакам да споделам убава вест дека охридскиот аеродром кој оперира уште од 1970-тите години конечно е легализиран!
Изминатава година тим од Министерството за транспорт, АД Аеродроми и ТАВ, заедно со Катастар, Државното правобранителство, Управата за имотно-правни работи и други владини институции посветено работеше конечно да се впише Охридскиот аеродром „Св. Апостол Павле“ во катастар и конечно овој стратешки објект да добие имотен лист.
Во нормални услови ова воопшто не би било вест, но после толку години негрижа и запоставување на државниот капитал сметам дека е важно да се запознае јавноста.
Во следниот период ќе работиме на модернизација и реконструкција на Охридскиот аеродром со цел да привлечеме нови туристи“, објави вицепремиерот Николоски.
Македонија
Зајкова: Во новата година посакувам храброст, достоинство и правда за држава со вредности, а не само со процедури
Претседателката на Либерално-демократската партија (ЛДП) и пратеничка во македонското Собрание, Моника Зајкова, во објава на социјалните мрежи на македонските граѓани во новата година им посака храброст, достоинство и правда, за да имаме држава со вредности, а не само со процедури.
„Драги пријатели, сограѓани, зад нас оставаме година во која корупцијата не беше само вест, туку сурова реалност која во Кочани чинеше животи. Гледавме како реформите стануваат козметика, а законите се менуваат побрзо од календарот. Додека институциите брзаа со ‘итни’ и ‘скратени’ постапки, вистинското подобрување на животот на граѓаните остана во чекалната. Администрацијата е изгубена во хаос поради брзи неусогласени закони, судството во лажни ветувања, а довербата – е во колективна амнезија“, пишува Зајкова во својата објава.
„Во 2026 година, посакувам: храброст – да не се навикнуваме на ненормалното; достоинство – да не бидеме само бројка во нечиј експеримент и правда – која не се купува и не се договара во 5 до 12. Нека новата година не биде уште една ‘скратена постапка’. Заслужуваме држава со вредности, а не само со процедури“, додава Зајкова.
„Среќна и борбена Нова 2026 година! Да ве служи сите добро здравје, среќа и да… со Македонија да се гордееме на Светското првенство во фудбал“, завршува Зајкова во својата честитка до граѓаните.

