Контакт

Надворешна политика

Груевски: Македонија нема да биде предводена од влада која е составена во Албанија

Објавено пред

 

Во интервју за хрватски Vecernji list, поранешниот премиер на Македонија и претседател на ВМРО-ДПМНЕ, Никола Груевски, зборува за политичката ситуација во земјава, ткн „Тиранска платформа“, одлуката на претседателот Ѓорге Иванов да не му го додели мандатот на лидерот на СДСМ, Зоран Заев и низа други прашања.

 

Запрашан околу тоа дали коалицијата на Заев и албанските држави претставува „државен удар“, Груевски вели дека „формирањето на новата влада е од особен интерес за тирана, која ги брани интересите на Албанците во Македонија“.

 

„Имам јасна потврда дека албанската платформа, која ги обедини СДСМ и албанските партии, е направена во Тирана. Албанските медиуми уште кон крајот на минатата година објавија дека официјална Тирана подготвува нацрт-документ за политичките партии на Албанците во Македонија. Тој документ, кој го составил албанскиот премиер Еди Рама, според оценките на медиумите во Албанија, ги обединува интересите на сите Албанци. Како што веќе и кажавме, формирањето на новата влада во Скопје е од особен интерес за Тирана која ги „брани интересите на Албанците во Македонија“. Има ли некаде во регионот и пошироко случај во кој странски влади подготвуваат платформа која би била основа за формирање некоја идна влада во некоја друга земја? Значи, таков став имаат само во соседна Албанија, но и партиите на Албанците во Македонија, што за нас е неприфатливо“, вели Груевски.

 

Околу преговорите кои ВМРО-ДПМНЕ ги водеше со ДУИ за формирањето на влада непосредно по завршувањето на предвремените парламентарни избори, Груевски вели дека тие пропаднале поради тоа што „не бил изнајден заеднички јазик и не биле подготвени да прифатат се што било поставено на маса“.

 

„Преговорите пропаднаа поради фактот што не изнајдовме заеднички јазик и не бевме подготвени да прифатиме сè што беше поставено на маса. Нашето начело беше дека сакаме да формираме влада, но не по секоја цена. Ние немаме ништо против зголемување на правата на етничките заедници, вклучувајќи го и јазикот на Албанците во општините каде што се над 20 отсто. Но имавме сериозни забелешки во однос на елементите што Македонија би ја редефинирале од мултиетничка во бинационална држава, која би се претворила во конфедерација“, вели Груевски во интервјуто за хрватскиот весник.

 

Осврнувајќи се на одлуката на претседателот Иванов кој не му го додели мандатот на лидерот на опозицијата Заев, иако тој му претстави 67 пратенички потписи, Груевски вели дека станува збор за „мудра одлука во корист на македонскиот народ“.

 

„Одлуката на претседателот Иванов е мудра, таа е во корист на македонскиот народ и не би смеела да доведе до подлабока криза. Тоа што гледаме дека ја турка земјата во криза е прифаќањето на платформата од Тирана, како основа за формирање на идната влада. Земјата влезе во криза поради договорот меѓу СДСМ и ДУИ, кои сакаат да ја редефинираат државата и да го поткопаат македонскиот идентитет. Луѓето поради тоа имаат право да бидат вознемирени бидејќи такво нешто како што е платформата и таквите услови не беа спомнувани пред изборите. Сега граѓаните се почувствуваа измамени и изманипулирани. Заев прифати во парламентот да се донесе одлука со која македонските власти би ги осудиле Србите за геноцид над Албанците, што за нас е неприфатливо“, додава Груевски.

 

Лидерот на ВМРО-ДПМНЕ во интервјуто исто така додава дека „сака да верува оти сонот за „голема Албанија“ е само минато и дека единственото обединување на целиот регион ќе се случи во рамките на границите на европското семејство“./крај/мф/бс

Македонија

Фон дер Лајен до Ковачевски: Лично сум подготвена да помогнам во процесот со Бугарија

Објавено пред

Премиерот Димитар Ковачевски попладневно остварил телефонски разговор со претседателката на Европската комисија, Урсула фон дер Лајен, која му го честитала изборот за претседател на Владата.

Ковачевски се заблагодарил на честитката и на поддршката што Фон дер Лајен ја дава на Северна Македонија.

Како што информираат од владината прес-служба, Ковачевски ја известил претседателката на ЕК дека европските интеграции остануваат еден од врвните приоритети на новата Влада.

Исто така тој ја запознал со активностите на Владата во периодот што следи, мерките и политиките што се преземаат во правец на надминување на енергетската криза, како и економските мерки.

„Во телефонскиот разговор стана збор и за неодамнешната посета на бугарскиот премиер Кирил Петков на Скопје, што соговорниците заеднички ја оценија како позитивен чекор во надминување на разликите и го поздравија фокусот во проекти и активности кои се важни за иднината“, се наведува во владиното соопштение.

Ковачевски, воедно, уште еднаш ги реафирмирал македонските позиции за македонскиот јазик и идентитет.

Фон дер Лајен го поздравила воспоставениот дијалог на ниво на премиери меѓу двете земји и истакнала дека Брисел силно го поддржува процесот и дека таа лично, но и целата Комисија се спремни да помогнат со цел што побрзо одржување на првата меѓувладина конференција со Северна Македонија.

Ковачевски и претседателката на ЕК исто така се договориле многу скоро да имаат директна меѓусебна средба во Брисел.

Прикажи повеќе...

Македонија

Маричиќ – Брнс: САД остануваат силен поддржувач на европската интеграција на Македонија

Објавено пред

Заменик-претседателот на Владата за европски прашања, Бојан Маричиќ, се сретна со амбасадорката на САД, Кејт Мери Брнс.

На средбата се разговараше за американската поддршка во процесот на европската интеграција на нашата земја, а беа нагласени и важноста и неопходноста од напредокот на Западен Балкан во процесот на евроинтеграциите. Вицепремиерот Маричиќ изрази уверување дека реформите остануваат во фокусот, но дека истовремено е потребен јасен и извесен исход за европската иднина на регионот.

Вицепремиерот Маричиќ во пресрет на заедничката седница со владата на Бугарија ѝ го претстави на амбасадорката Брнс начинот на кој ќе се формираат и на кој ќе функционираат работните групи во рамките на новиот пристап со Бугарија, од кои се очекува да го придвижат процесот за надминување на отворените прашања, но и да бидат добра основа за зајакнување на соработката помеѓу институциите, граѓанскиот и бизнис-секторите.

На крајот, вицепремиерот за европски прашања, Маричиќ, истакна дека јакнењето на соработката со Соединетите Американски Држави како наш стратешки партнер со кој негуваме долгогодишни блиски односи е од голема важност бидејќи САД остануваат еден од главните поддржувачи на реформската агенда на патот кон европската интеграција.

Амбасадорката Брнс на средбата упати честитки до вицепремиерот Маричиќ за новата функција изразувајќи доверба во неговиот личен ангажман дека ќе даде голем придонес во евроинтегративниот процес на земјата во рамките на мандатот.​

Прикажи повеќе...

Македонија

Ковачевски: Поддршката на Холандија за нашата евроинтеграција е силна мотивација

Објавено пред

Претседателот на Владата, Димитар Ковачевски, го прими амбасадорот на Холандија во нашата земја, Јан Дирк Коп, кој на премиерот и на новата Влада им посака успех во претстојниот мандат.

Премиерот Ковачевски на средбата ја истакна интензивната соработка меѓу Северна Македонија и Холандија на највисоко ниво во последните години, со што се зацврсти пријателството меѓу двете земји на билатерален план, како и на планот на поддршката на евроинтеграцискиот процес на нашата земја.

Заемното партнерство беше нагласено на средбата, се остварува на исклучително задоволително рамниште од двете страни, со постојано исполнување на Декларацијата за партнерство и соработка што двете земји ја потпишаа во 2017 година.

Амбасадорот Коп покажа посебен интерес за средбата на премиерот Ковачевски со својот колега Кирил Петков од Бугарија и изрази надеж дека обновената комуникација меѓу двете влади ќе го поттикне очекуваниот напредок во процесот за членство на Северна Македонија во ЕУ со одржување на првата меѓувладина седница за отворање на поглавјата.

Премиерот Ковачевски потенцира дека како земја што има стриктен пристап кон објективното вреднување на пристапните критериуми, поддршката на Холандија е потврда дека со посветеноста на европската реформска агенда Северна Македонија е целосно подготвена за отворање на преговорите.

Прикажи повеќе...

Најново

Македонија2 часа

Млад пациент доби срце, а кај двајца се трансплантираат бубрези од починат донор

Млад пациент доби срце, а кај двајца пациенти на дијализа се трансплантираат бубрезите од лице кое почина од мозочна смрт....

Регион4 часа

Почина Аки Рахимовски од „Парни Ваљак“

Пејачот на групата Парни Ваљак, Аки Рахимовски почина на 66-годишна возраст. Веста за смртта беше објавена и на официјалната страна...

Македонија5 часа

Стоилковски извади списоци: „Паркинг не плаќале стотици функционери од Демократскиот сојуз, СДСМ и ДУИ“

Стотици автомобили на функционери од власта и членови на Демократскиот сојуз, на СДСМ, на ДУИ биле ослободени од плаќање паркинг...

Македонија5 часа

Пецаков вели дека не се изолирал и на Водици излегол оти побарал тест заради патување

Градоначалникот на Охрид Кирил Пецаков вели дека не се изолирал по тестирањето за Ковид-19 и на Водици излегол да ја...

Македонија7 часа

Родители бараат укинување на задолжителното носење маски во училиштата

Иницијативата „Стоп за носењето маски во училиштата“ која обединува 12.000 родители, преку допис до медиумите тврди дека имаат поддршка од...

Свет7 часа

Првата пратка на американско оружје пристигна во Украина

Првата пратка оружје од американскиот пакет безбедносна поддршка за Украина во вредност од 200 милиони долари пристигна во Киев, соопшти...

Македонија8 часа

Спасовски и МВР му дадоа македонски пасош на Звицер кој сакал да изврши атентат врз Вучиќ, oбвини ВМРО-ДПМНЕ

Скандал го тресе МВР по информациите на Европол дека е откриен заговор за атентат врз претседателот на Србија, Александар Вучиќ, од...

Свет8 часа

СЗО: Повеќе од 340 милиони луѓе во светот се заразиле со коронавирус

Бројот на регистрирани случаи на зараза со коронавирус во светот надмина 340 милиони луѓе, соопшти Светската здравствена организација. Според информациите,...

Македонија9 часа

Во притвор е спроведен возачот кој ја усмрти 24-годишната радовишанка на „Партизанска“

Судот доцна синоќа му одреди 30-дневен притвор на 22-годишниот Јордан Ѓ. кој со автомобил „цитроен Ц4“ ја усмрти 24-годишната радовишанка...

Македонија23 часа

Регистрирани 2.071 нов случај на Ковид-19 и 11 починати

Министерството за здравство информира дека во последните 24 часа направени се 6.010 тестови, а регистрирани се 2.071 нов случај на...

Македонија1 ден

Комисијата за заразни болести со препорака периодот за изолација да се намали на 7 дена

Намалување на периодот на изолција од 10 на 7 дена за ковид-позитивните пациенти е ставот што произлезе од денешната вонредна...

Македонија1 ден

Фон дер Лајен до Ковачевски: Лично сум подготвена да помогнам во процесот со Бугарија

Премиерот Димитар Ковачевски попладневно остварил телефонски разговор со претседателката на Европската комисија, Урсула фон дер Лајен, која му го честитала...

Македонија1 ден

Опасност од одрон на карпа тешка 20 тони врз кањонот Матка – од ЦУК велат нема простор за паника

Центарот за управување со кризи доби известување од ЕВН за опасност од одрон на голема карпа над кањонот Матка. Директорот...

Регион1 ден

Петков: Бугарија сама одлучува за својата одбрана

Бугарија сама ќе одлучува за плановите за одбрана во координација со партнерите од НАТО, изјави денеска бугарскиот премиер Кирил Петков....

Свет1 ден

Лавров по средбата со Блинкен: Следната недела од САД ќе добиеме писмени одговори

САД ќе ѝ дадат писмени одговори на Русија на барањата за безбедносни гаранции следната недела, изјави рускиот министер за надворешни работи,...

Македонија1 ден

Плевнелиев: Не сакаме да ги внесеме Тито и Сталин во ЕУ

Северна Македонија не ги спроведе потребните реформи за почеток на преговорите со Европската Унија. Македонските тајни служби се разгранок на...

Топ1 ден

Нова трагедија кај Струма: возач загина во сообраќајна несреќа со македонски камион

Возач на автомобил загина по сообраќајна несреќа што се случила со македонски камион на патот помеѓу Благоевград и граничниот премин...

Македонија1 ден

ВМРО-ДПМНЕ и натаму инсистира на предвремени избори, од СДСМ велат дека барањето е од пуста желба за власт

Опозициската ВМРО-ДПМНЕ и денеска порача дека е неопходно да се одржат предвремени парламентарни избори. Тие инсистираат на брзи избори, без...

Македонија1 ден

Снег и забрана за товарни возила на дел од патиштата

Утрово, поради обилни врнежи од снег, воведена е забрана за тешки товарни возила кај планинскиот премини Стража, патниот правец Деве...

Свет1 ден

Властите во Калифорнија предлагаат тинејџерите да се вакцинираат без согласност од родителите

Калифорнија треба да дозволи вакцинација на деца на возраст од 12 и повеќе години без согласност од родителите, предложи синоќа...

Досие