Во понеделник и втроник април 2012 година, во Скопје во организација на амбасадата на Република Полска во Македонија и полскиот воено-индустриски концерн „Бумар“ ќе се одржи билатерална полско-македонска политичка и воено-експертска конференција на тема „Модернизација на македонската Армија со корис

Цел на конференцијата е споделување на искуствата коишто Република Полска ги има акумулирано низ процесите на политичка и воена интеграција во НАТО и Европската унија, како и искуствата што Полска ги има стекнати низ процесите на модернизација на сопствените вооружени сили и нивното учество во меѓународни воени мисии предводени од НАТО и ЕУ. За остварување на целите на конференцијата, истата ќе биде поделена во два работни панели: политичи и воено-експертски.

Политичкиот панел ќе биде фоуксиран на политичката димензија од процесот на модернизација на вооружените сили на Полска во период по распадот на Варшавскиот договор со посебен акцент на искуствата стекнати низ развојот на капацитети, системи и опрема за приоритетните потреби на националната одбрана на Република Полска како и за потребите на нејзиното партиципирање во меѓународни воени мисии предводени од НАТО и ЕУ. Во рамки на овој панел ќе биде дискутирано и за можностите за примена на концептот за „Паметна одбрана“ во соработката меѓу Полска и Македонија.

Воено-експертскиот панел на конференцијата ќе се фокусира на капацитетите на полскиот воено-индустриски комплекс „Бумар“ кој обединува 25 компании со различна специјализирана дејност, а кои вработуваат 9.500 лица и остваруваат годишен обрт од над една милијарда американски долари. Во рамки на воено-експертскиот панел ќе бидат акцентирани искуствата на вооружените сили на Полска стекнати во меѓународни мисии при што на македонската страна ќе и бидат презентирани полските искуства од борбената употреба во Авганистан на современиот полски оклопен транспортер на тркала „Росомак“ како и искуствата од борбената употреба на полските воени хеликоптери Ми-8/17 и Ми-24, а со посебен осврт кон полските национални капацитети за обезбедување сеопфатна логистичка поддршка и продолжување на животниот век за споменатите типови на летала. Воено-експертскиот панел ќе биде одлична прилика македонските офицери и експерти да се запознаат во детаљи и со најновите достигнувања на полската воена индустрија во делот на современи мобилни средства за набљудување и заштита на воздушниот простор и современи мобилни артилериските орудија какви што се „Краб“ и „Лангуста“.

Воено-експертскиот панел ќе им овозможи на учесниците на конференцијата увид во капацитетите на Република Полска за комплексна и сеопфатна поддршка на процесите на модернизација на македонската Армија со современи оклопни транспортери, мобилни средства за набљудување и заштита на воздушниот простор, мобилни самоодни артилериски орудија од голем калибар како и во капацитетите за сеопфатна логистичка поддршка и модернизација на најразлични борбени средства и системи со кои е опремена АРМ какви што се хеликоптерите Ми-8/17/24, тенковите Т-72, артилериските орудија БМ-21, итн.

Во рамки на конференцијата на македонската страна ќе и биде овозможено да се запознае со два приоритетни проекти за националната одбрана на Република Полска а на кои активно работи „Бумар“: проектот „Полски штит“ кој има за цел изградба на комплексен систем за противвоздушна и противракетна одбрана на Полска и проектот „Војник на иднината“ кој е проект за опремување на полскиот војник со современо персонално вооружување, униформи, опрема и системи кои ќе му овозможат супериорност на модерното војувалиште. За време на конференцијата ќе бидат изложени и дел од личното вооружување и опрема кои ги произведува „Бумар“.

Во пресрет на Самитот на НАТО во Чикаго и во согласност со политиката на НАТО на „отворени врати“ оваа конференција ќе ги потврди заложбите на Република Полска за инклузивна и сеопфатна евро-атлантска заедница во која секоја земја го пронаоѓа своето место и се чувствува сигурно. Овој настан ќе претставува прилика за реафирмација на заложбите на Полска за целосно евро-атлантско интегрирање на Република Македонија како и реафирмација на силната и континуирана полска поддршка на Македонија во процесите на модернизација на АРМ низ ефикасно планирање и трошење на буџетот за одбрана како и умна приоритизација на проектите од областа на одбраната и безбедноста.

На конференцијата ќе учествуваат министерот за одбрана на Република Македонија, високи претставници на Министерството за одбрана и вооружените сили на Република Полска, воени експерти од Полска, претставници на Владата на Република Македонија, експерти од Министерството за одбрана и Армијата на Република Македонија, експерти од македонското Министерство за внатрешни работи и Полиција, Министерството за надворешни работи, собраниската Комисија за одбрана и безбедност и други.

Свеченото отварање на Билатерална полско-македонска конференција ќе се случи во 10.00 часот на во вторник во Сала 3 на скопскиот хотел „Александар Палас“. Свеченото затварање на конференцијата и прес конференција по однос на истата ќе се случи во периодот од 12. до 13 часот во вторникот во хотелот „Стоун Бриџ“. /крај/со/мф