Македонската парламентарна делегација при Парламентарното Собраните на Советот на Европа во Стразбур во четвртокот попладне учествува во расправата што се води за извештајот од постмониторинг дијалогот на ПССЕ со нашата земја, изработен од британскиот парламентарец Роберт Валтер.

Сите членови на македонската парламентарна делегацијата, Александар Николоски, Игор Ивановски, Ермира Мехмети – Деваја и Александар Спасеновски, очекуваат извештајот и препораката да бидат усвоени. За извештајот е поднесен еден амандман, а се очекува најверојато уште еден што ќе биде претставен усно за време на дебатата.

„Имаме навистина еден позитивен извештај, кој што реално ги отсликува состојбите во Република Македонија и тој дава комплетна слика за неа“, изјави за МИА шефот на македонската делегација, Александар Николоски.

Извештајот, според него, се однесува и на нашите соседи.

„Во пресрет на утрешната одлука, што треба да ја донесе ЕУ дали да почнеме преговори или не и се поизвесното петто грчко вето за почеток на преговори за членство во ЕУ, многу сум задоволен што во точката два од извештајот јасно стои дека Грција го блокира членството на Македонија во НАТО и почетокот на преговорите со ЕУ и не ја почитува одлуката на Европскиот суд на правдата за да не се блокираат евроинтегративните процеси. Исто така се бара Грција да има пофлексибилен приод кон ова прашање“, рече Николовски.

Шефот на македонската делегација посебно е задоволен што во целиот текст на извештајот се користи термиот Македонија и придавката македонски.

„Тоа значи дека имаме една исклучително позитивен документ. Тоа би сакал да го поздравам исто како и храброста на известувачот. Истоврмено тој во документот го констатира и напредокот кој Република Македонија го постигнала во различни сектори: владеењето на правото, борбата против корупцијата меѓуетничките односи итн. А нотирани се и слабостите кои во иднина треба да се поправат“, посочува Николоски.

Инаку во говорот, Николоски споменува дека му претставува задоволство како „шеф на македонската делегација да го поддржам извештајот за пост-мониторинг дијалогот со Македонија. Мислам дека извештајот е одраз на реалната состојба во земјата, во регионот, односите во земјата и со нашите соседи. Тоа е причината зошто сакам да му честитам на репортерот Роберт Валтер за неговиот извештај и се надевам дека ние ќе работиме заедно и во блиска иднина тој ќе презентира извештај со предлог за затворање на пост-мониторинг дијалогот со Македонија“.

Тој смета дека овај извештај треба да е добар патоказ како да се однесуваат и ЕУ и европските иснтитуции и како да се однесува Грција.

Игор Ивановски, член во делегацијата од редовите на опозициската СДСМ, исто така очекува да биде усвоен извештајот и препораката на Роберт Волтер.

„Во него се нотирани голем број сериозни забелешки и критики за голем број области во Република Македонија. Македонија останува и натаму под мониторинг на Советот на Европа, а Советот на Европа ќе го зголеми своето присуство пеку отворање на канцеларија во Скопје што ќе треба да и’ помогне на државата, токму во промената на голем број забелешки и проблеми во областите битни за граѓаните“, нагласува Ивановски во изјавата за МИА.

Се ПССЕ очекува да предложи отворање на канцеларија на Советот на Европа во Република Македонија.

Следува интегралниот текст од подготвениот говор на Александар Николоски во Парламентарното собрание на Советот на Европа.

„… Јас го поддржувам извештај поради тоа што јасно се кажува: “Собранието смета дека напорите на македонски власти да обезбедат спроведување на Охридскиот рамковен договор од 2001, да се продолжат реформите во областа на демократијата, човековите права и владеењето на правото, и да се продолжи со агендата за европската интеграција треба да бидат целосно поддржан од страна на Советот на Европа и нејзините земји-членки.

Јас го поддржувам извештајот, исто така, бидејќи во извештајот се вели дека сериозни реформи се прават во насока на зајакнување на владеењето на правото, се имплементира вработување заснована на заслуги во јавната администрација, постои силна борбата против корупцијата, се имплементираше декриминализација на клеветата, со спроведувањето на Охридскиот рамковен договор се подобруваат односи меѓу сите етнички заедници во Македонија.

Јас исто така би сакал да ја поздравам идејата на известувачот на зајакнато присуството на Советот на Европа во Македонија, и сакам да замолам ниедна страна нити политичка сила да не ја злоупотреби оваа идеја. Ова не значи дека Македонија оди чекор назад или нешто слично, напротив тоа значи зголемување соработка која треба да доведе до затворање на пост-мониторинг дијалогот….

…. Македонија во овие 22 години независност се соочува со големи предизици во односот со нашиот сосед Грција. Како што добро знаете Грција стави вето на членство на Македонија во НАТО и почеток на преговори со ЕУ, барајќи од земјата да го смени името и именувањето на идентитетот на мнозинскиот народ кој живее во земјата. Не постои вториот пример во светската историја сосед да побара од својот сосед да го промени името на својата држава и народ, тоа е основното право на самоидентификација. Грција прави тоа! Грција се уште го практикува одамна напуштеното кредо дека: “силните го направи она што тие сакаат, а послабите она што мораат“. Спротивно на ова, ние сметаме дека во Европа треба да бидеме пријатели и да соработуваме. Два милиони луѓе во Македонија сакаат земјата да е член во НАТО и ЕУ, но Грција се спротиставува на тоа и го блокира. Тоа е зошто го поздравувам и давам поддршка на јасениот пристап на репортерот Роберт Валтер за користење на “Македонија“ и “македонски“ во извештајот, при тоа јасно велејќи во став 2 од Извештајот за Македонија дека: “Собранието жали што прашањето за името продолжува да го одложува отворањето на пристапните преговори со Европската унија, иако за тоа има препорака од страна на Европската комисија од 2009 година секоја година, како и обидот на Македонија да се приклучат на Северно-атлантската договорна организација (НАТО), и покрај пресудата на Меѓународниот суд на правдата (МСП) од 5 декември 2011 година. Собранието се надева дека Грција ќе има и примени пофлексибилен пристап кон ова прашање.

Знам дека многу од Вас тука ја поддржувате нашата борба за самоидентификација. Ве повикувам, одете во вашите Парламенти зборувајте за Македонија и Македонците, кажете им на вашите пратеници што се Грција прави. Затоа што ако се направи правило на овој грчки пристап утре Вашата земја може да биде следната. Ако со вето Грција ја уценува Македонија, утре со истиот пристап може да биде уценета Велика Британија, Франција, Германија, Италија, Полска, Русија, Украина, Романија, Србија, Бугарија, Турција, Азербеџан или било која друга земја. Драги грчки пријатели знаеме дека утре на самитот на ЕУ ќе ставите повторно вето на отворање на преговорите на ЕУ со Македонија, тоа ќе биде петто вето, од 2009 година кога Европската комисија првпат предложи отварање преговори. Но, не правете грешка, Македонија ќе преживее и ќе продолжи да оди напред, Македонците исто така, и ние ќе продолжиме со нашите реформи, нашите луѓе да живеат подобро и да бидат посреќни. И не правете грешка, ние ќе го исполниме сонот на нашите предци и основачи на македонската држава кои се бореа за слобода, а тоа е Македонија демократска, слободна, дел од европскиот и евро-атлантскиот свет“./крај/