Надворешна политика
Бесими дискутираше за Извештајот од ЕК и со претставниците на Стопанските комори
Вицепремиерот Фатмир Бесими во четвртокот оствари работна средба со претставници од Сојузот на стопански комори на Македонија, Стопанската комора на Македонија и претставници од Стопанската комора на северозападна Македонија, на која главна тема беше Извештајот на Европската комисија (ЕК) за напредокот на Македонија во 2014 година и Стратегијата за проширување со акцент на економските критериуми во Извештајот.
Вицепремиерот Фатмир Бесими во четвртокот оствари работна средба со претставници од Сојузот на стопански комори на Македонија, Стопанската комора на Македонија и претставници од Стопанската комора на северозападна Македонија, на која главна тема беше Извештајот на Европската комисија (ЕК) за напредокот на Македонија во 2014 година и Стратегијата за проширување со акцент на економските критериуми во Извештајот.
На средбата присутните разговараа за мерките за подобрување на конкурентноста на македонската економија преку обезбедување на правна сигурност, доквалификување на работната сила, согласно потребите на пазарот на трудот, поттикнување на иновации и подобрување на фискалната дисциплина и транспарентност.
Вицепремиерот истакна дека потврда за поволната бизнис клима во Македонија се Есенските економски прогнози за 2014 година на ЕК според кои проектираниот раст на БДП за Македонија изнесува 3,3 отсто за 2014 година, 3,4 проценти во 2015 година и 3,6 отсто во 2016 година, што ја рангира земјата на првото место во регионот и второто место во Европа.
Дополнително, истакнати беа и рангирањата во релевантните меѓународни извештаи од областа на конкурентноста. Според Извештајот Doing Business на Светската Банка, Република Македонија беше рангирана на 30 место во 2015 ,со што нашата земја беше највисоко рангирана во регионот на Западен Балкан. Исто така, Македонија забележа подобрување од 10 позиции и се рангираше на 63-тата позиција во Извештајот за Глобална Конкурентност за 2014-2015 година.
Во вториот дел од дискусијата фокусот беше ставен на ИПА 2 , каде за разлика од ИПА 1 беше истакнато спроведувањето на широк процес на консултација со различни заинтересирани страни меѓу кои и бизнис заедницата, што вроди со инкорпорирање на нивни предлози во Националниот стратешки документ за ИПА 2. Беа истакнати можностите кои ги нудат Програмите на Унијата Хоризонт 2020 и КОСМЕ, како и новоформираниот инструмент Western Balkans Enterprise Development & Innovation Facility (WB EDIF), преку кој околу 300 милиони евра ќе бидат достапни за компаниите во регионот.
Со цел подобра информираност и искористување на средствата од европските инструменти за финансиска поддршка, на иницијатива на вицепремиерот Бесими беше договорено одржување на јавни презентации и работилници во соработка со надлежните државни институции, претставници на Делегацијата на Европската унија во Скопје како и претставници од стопанските комори./крај/мф/бс
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
Средба на претседателите на Собранијата на Македонија и Украина, Митрески и Стефанчук
Претседателот на Собранието на Република Северна Македонија, Јован Митрески, во рамките на посетата на Киев по повод втората годишнина од почетокот на руската воена агресија врз Украина, оствари средба со претседателот на Врховната рада на Украина, Руслан Стефанчук.
Претседателот Митрески изрази благодарност за поканата и нагласи дека посетата претставува потврда на цврстата и непоколеблива поддршка на Република Северна Македонија за Украина, на сите полиња. Тој нагласи дека уште од самиот почеток силно ја осудуваме руската агресија против Украина, континуирано ја потврдуваме нашата поддршка за украинскиот територијален интегритет, суверенитет и целовитост и изразуваме целосна поддршка на правото на самоодбрана на земјата.
Претседателот на Собранието истакна дека Северна Македонија целосно се приклучи на сите рестриктивни мерки и санкции на ЕУ кон Руската Федерација, ко-спонзорираше бројни резолуции и иницијативи во однос на Украина, а упати и воена и хуманитарна помош за земјата.
Македонија
Средба Османи – Кулеба во ОН Њујорк: Европската Унија е наша заедничка иднина
Министерот за надворешни работи, Бујар Османи, на 23 февруари 2024 година, оствари средба со министерот за надворешни работи на Украина, Дмитро Кулеба, во седиштето на Обединетите нации во Њујорк, на маргините на 56. пленарен состанок на 78. седница на Генералното Собрание.
Средбата се одржа со цел да се даде поддршка на Украина на денот на одбележувањето на две-годишнината од почетокот на руската агресија во Украина, при што Османи потенцира дека е многу важно да продолжи поддршката на Украина, бидејќи ако Русија победи во Украина, тогаш ние сме следните.
Министерот Османи, на средбата, истакна дека денес Руската Федерација е најголемата закана за безбедноста на Европа, на Западен Балкан, но и на Република Северна Македонија.
“Важно е да имаме стратешка предвидливост во нашата држава, со цел конечно да кажеме “Не” за Русија и “Да” за интегративните европски процеси на Западниот Балкан и на Република Северна Македонија”, рече Османи.
Додека, Министерот Кулеба, истакнувајќи го фактот дека Северна Македонија цврсто застана зад Украина во текот на двете години агресија, упати благодарност до граѓаните на Северна Македонија, како и благодарност до Министерот Османи за неговото лидерство и поддршка.
“Нашата иднина е заедничка, таа иднина е Европската Унија, која воедно претставува и иднина за мир и просперитет, рече Кулеба.
Двајцата Министри имаа свои обраќња пред Генералното собрание на Обединетите нации, каде упатија јасни пораки против рускат агресија врз Украина.
Македонија
(Видео) Oсмани од ОН во Њујорк: Мораме да и кажеме не на Русија
Министерот за надворешни работи, Бујар Османи, денес се обрати од седиштето на Обединетите нации во Њујорк, на 56. пленарен состанок на 78-та седница на Генералното собрание, по повод две години од инвазијата на Русија врз Украина, кој се одржа на тема: Ситуацијата во привремено окупираните територии на Украина.
Османи, уште еднаш, ја повика Русија да ја прекине оваа бесмислена војна и да ги повлече своите трупи од суверената територија на Украина.
„Русија ги прекрши основните принципи на меѓународното право и започна целосна агресивна војна против Украина, земја членка на ОН’’, истакна Османи.
Воедно, министерот потенцираше дека Северна Македонија е исто така силно загрижена и ја осудува незаконската депортација на децата од Украина во Русија и Белорусија од страна на Руската федерација и ги повика да обезбедат нивно безбедно враќање дома.
„Мораме да и кажеме не на Русија! Правдата и одговорноста мора да надвладеат”, рече Османи, воедно додаде дека Северна Македонија им се придружи на другите 140 земји-членки за поддршка на суверенитетот и територијалниот интегритет на Украина во нејзините меѓународно признати граници од 1991 година.
Османи повика на обединетост во поддршката за Украина, не само за доброто на жртвите и нивните семејства, туку и како предуслови за избегнување на понатамошни агресии и неиспровоцирана употреба на сила во меѓународните односи.