Надворешна политика
Европарламентарците задоволни од сработеното, очекуваат фер и кредибилни избори
Бриселската тројка Иво Вајгл, Едуард Кукан и Кнут Флекенштајн во петокот порача дека подготовките за предвремените парламентарни избори течат според планираното и дека нивните очекувања се дека по изборите новата влада веднаш ќе се посвети на Итните реформски приоритети и враќањето на Македонија на евроатланскиот пат.
„Сите состаноци кои ги имавме тука покажуваат дека партиите се подготвени и дека изборите може да се одржат во една атмосфера на доверба и транспарентност. Се сретнавме и со специјалната јавна обвинителка Јанева и ја потврдивме нашата поддршка за работата на оваа институција, нагласувајќи дека е важно на СЈО да не се гледа како на тело што зазема нечија страна за време на изборниот процес. Исто така слушнавме дека помеѓу партиите има дух на соработка со кои би се избегнале инцидентите за време на кампањата и имаме добра причина да веруваме дека изборите на 11-ти декември ќе бидат фер и транспарентни и дека ова ќе значи нов почеток за Македонија. По изборите е важно резултатите да бидат признаени и да се продолжи со реформите кои беа дефинирани во Пржинскиот договор, со консензус од страна на сите политички партии“, порача словенечкиот европратеник и известувач за Македонија при Европарламентот, Иво Вајгл.
Неговиот колега, европратеникот Кнут Флекенштајн, пак, додаде дека европратениците се импресионирани од страна на набљудувачката мисија на ОБСЕ и ОДИХР и дека се надеваат оти многу граѓани ќе излезат да гласаат на изборите. Според европратеникот Едуард Кукан, подготовките за изборите досега се добри и тој се надева дека вака ќе остане и понатаму, со што во земјата ќе се одржат фер и кредибилни избори.
„Досега сé е добро, да се надеваме дека вака ќе остане и дека ќе имаме кредибилни избори, прифатени од страна на сите политички актери. Новата влада потоа треба веднаш ќе започне со исполнување на Итните реформски приоритети, бидејќи ова е најдобриот начин да се потврди посветеноста кон евроинтеграциите и дека конечно вашата земја ќе започне да се движи кон оваа насока“, порача Кукан.
Во заедничката изјава на тројката европарламентарци, пак, тие потенцираат дека се задоволни поради тоа што „четирите главни политички партии колективно ги разбираат и почитуваат своите обврски и истовремено ги охрабруваме да обезбедат одржување на овие избори под условите неопходни за демократско изразување на волјата на граѓаните“.
„Веруваме дека резултатите од кредбилните избори ќе бидат прифатени и граѓаните ќе дадат мандат на нова владата која треба да се фокусира на имплементација на потрените реформи со кои земјата ќе се врати на евроатланскиот пат“, потенцираат тројцата европратенции./крај/мф/бс
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
Средба на претседателите на Собранијата на Македонија и Украина, Митрески и Стефанчук
Претседателот на Собранието на Република Северна Македонија, Јован Митрески, во рамките на посетата на Киев по повод втората годишнина од почетокот на руската воена агресија врз Украина, оствари средба со претседателот на Врховната рада на Украина, Руслан Стефанчук.
Претседателот Митрески изрази благодарност за поканата и нагласи дека посетата претставува потврда на цврстата и непоколеблива поддршка на Република Северна Македонија за Украина, на сите полиња. Тој нагласи дека уште од самиот почеток силно ја осудуваме руската агресија против Украина, континуирано ја потврдуваме нашата поддршка за украинскиот територијален интегритет, суверенитет и целовитост и изразуваме целосна поддршка на правото на самоодбрана на земјата.
Претседателот на Собранието истакна дека Северна Македонија целосно се приклучи на сите рестриктивни мерки и санкции на ЕУ кон Руската Федерација, ко-спонзорираше бројни резолуции и иницијативи во однос на Украина, а упати и воена и хуманитарна помош за земјата.
Македонија
Средба Османи – Кулеба во ОН Њујорк: Европската Унија е наша заедничка иднина
Министерот за надворешни работи, Бујар Османи, на 23 февруари 2024 година, оствари средба со министерот за надворешни работи на Украина, Дмитро Кулеба, во седиштето на Обединетите нации во Њујорк, на маргините на 56. пленарен состанок на 78. седница на Генералното Собрание.
Средбата се одржа со цел да се даде поддршка на Украина на денот на одбележувањето на две-годишнината од почетокот на руската агресија во Украина, при што Османи потенцира дека е многу важно да продолжи поддршката на Украина, бидејќи ако Русија победи во Украина, тогаш ние сме следните.
Министерот Османи, на средбата, истакна дека денес Руската Федерација е најголемата закана за безбедноста на Европа, на Западен Балкан, но и на Република Северна Македонија.
“Важно е да имаме стратешка предвидливост во нашата држава, со цел конечно да кажеме “Не” за Русија и “Да” за интегративните европски процеси на Западниот Балкан и на Република Северна Македонија”, рече Османи.
Додека, Министерот Кулеба, истакнувајќи го фактот дека Северна Македонија цврсто застана зад Украина во текот на двете години агресија, упати благодарност до граѓаните на Северна Македонија, како и благодарност до Министерот Османи за неговото лидерство и поддршка.
“Нашата иднина е заедничка, таа иднина е Европската Унија, која воедно претставува и иднина за мир и просперитет, рече Кулеба.
Двајцата Министри имаа свои обраќња пред Генералното собрание на Обединетите нации, каде упатија јасни пораки против рускат агресија врз Украина.
Македонија
(Видео) Oсмани од ОН во Њујорк: Мораме да и кажеме не на Русија
Министерот за надворешни работи, Бујар Османи, денес се обрати од седиштето на Обединетите нации во Њујорк, на 56. пленарен состанок на 78-та седница на Генералното собрание, по повод две години од инвазијата на Русија врз Украина, кој се одржа на тема: Ситуацијата во привремено окупираните територии на Украина.
Османи, уште еднаш, ја повика Русија да ја прекине оваа бесмислена војна и да ги повлече своите трупи од суверената територија на Украина.
„Русија ги прекрши основните принципи на меѓународното право и започна целосна агресивна војна против Украина, земја членка на ОН’’, истакна Османи.
Воедно, министерот потенцираше дека Северна Македонија е исто така силно загрижена и ја осудува незаконската депортација на децата од Украина во Русија и Белорусија од страна на Руската федерација и ги повика да обезбедат нивно безбедно враќање дома.
„Мораме да и кажеме не на Русија! Правдата и одговорноста мора да надвладеат”, рече Османи, воедно додаде дека Северна Македонија им се придружи на другите 140 земји-членки за поддршка на суверенитетот и територијалниот интегритет на Украина во нејзините меѓународно признати граници од 1991 година.
Османи повика на обединетост во поддршката за Украина, не само за доброто на жртвите и нивните семејства, туку и како предуслови за избегнување на понатамошни агресии и неиспровоцирана употреба на сила во меѓународните односи.