Надворешна политика
Grand Prize за Цветковиќ на дипломатскиот конкурс за фотографии „Јапонија низ очите на дипломатите“
Првиот резидентен амбасадор на Македонија во Јапонија, Андријана Цветковиќ ја освои првата наградата Grand Prix на дипломатскиот конкурс за фотографии „Јапонија низ очите на дипломатите” кој го огранизира јапонското Министерството за надворешни работи, а под покровителство на Нејзиното Империјално Височество Принцезата Такамадо.
Овогодинешниот конкурс е 19-ти по ред, и на истиот се натпреваруваа 500 фотографии од 100-тина дипломати од 150 земји, при што фотографијата на Амбасадорот Цветковиќ насловена „Кругот на животот” беше избрана како најдобра.
Свечената церемонија за доделување на наградите се одржа на 4-ти октомври на која присуствуваше и принцезата Такамадо, која е почесен претседател на Жирито и на овој културно-дипломатски настан. На амбасадорот Андријана Цветковиќ наградата и беше врачена од страна на поранешниот министер за надворешни работи и син на еден од најистакнатите јапонски премиери, екселенцијата Хирофуми Накасоне.
Веста за освоената награда на амбасадорката Цветковиќ беше објавена на социјалните мрежи на јапонското министерство, како и беше медиумски покриена од сите поголеми јапонски весници, при што нашата земја секогаш беше претставена со уставното име-Република Македонија.
На свечената церемонија амбасадорот Андријана Цветковиќ се обрати пред присутните заблагодарувајќи се за доделената награда на почесното жири, при тоа го елаборираше значењето на наградената фотографија. Истакна дека името „Кругот на животот” на одреден начин го симболизира постојаното повторување историјата со конфликти и страдања во светот, и изрази надеж дека ќе се стави крај на таквите историски циклуси и дека со помош на меѓусебно поврзување на нациите и културите човештвото ќе навлезе во нов круг на репетиција кој ќе биде круг на љубовтта, почитта и разбирање преку културната размена.
Доделената награда на амбасадорот Андријана Цветковиќ е од големо значење за подигнувањето на визибилитетот на Република Македонија во Јапонија, имајќи предвид дека на настанот присуствуваа претставници на империјалното семејство, многу амбасадори, како и еминентни фигури од политичкиот, општествениот и бизнис секторот во Јапонија.
Останатите награди беа доделени на амбасадорот на Германија, заменикот шеф на Мисија на САД (наградата ја прими Амбасадорот Каролајн Кенеди), амбасадор на Гватемала, Канада и Тонга.
„Јапонија низ очите на дипломатите” е годишна изложба на фотографии направени од страна на членовите на дипломатскиот кор во Јапонија, која датира уште од 1998 година. Оваа година на изложбата ќе бидат претставени фотографии од 72 дипломати од 42 земји, секоја од нив претставувајќи уникатна перспектива на Јапонија. Изложбата ќе биде отворена од 4-ти до 10-ти октомври во Токио, по што истата ќе пропатува низ земјата и ќе се одржи и во Нагоја, Кобе и Хокаидо./крај/мф/бс
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
Средба на претседателите на Собранијата на Македонија и Украина, Митрески и Стефанчук
Претседателот на Собранието на Република Северна Македонија, Јован Митрески, во рамките на посетата на Киев по повод втората годишнина од почетокот на руската воена агресија врз Украина, оствари средба со претседателот на Врховната рада на Украина, Руслан Стефанчук.
Претседателот Митрески изрази благодарност за поканата и нагласи дека посетата претставува потврда на цврстата и непоколеблива поддршка на Република Северна Македонија за Украина, на сите полиња. Тој нагласи дека уште од самиот почеток силно ја осудуваме руската агресија против Украина, континуирано ја потврдуваме нашата поддршка за украинскиот територијален интегритет, суверенитет и целовитост и изразуваме целосна поддршка на правото на самоодбрана на земјата.
Претседателот на Собранието истакна дека Северна Македонија целосно се приклучи на сите рестриктивни мерки и санкции на ЕУ кон Руската Федерација, ко-спонзорираше бројни резолуции и иницијативи во однос на Украина, а упати и воена и хуманитарна помош за земјата.
Македонија
Средба Османи – Кулеба во ОН Њујорк: Европската Унија е наша заедничка иднина
Министерот за надворешни работи, Бујар Османи, на 23 февруари 2024 година, оствари средба со министерот за надворешни работи на Украина, Дмитро Кулеба, во седиштето на Обединетите нации во Њујорк, на маргините на 56. пленарен состанок на 78. седница на Генералното Собрание.
Средбата се одржа со цел да се даде поддршка на Украина на денот на одбележувањето на две-годишнината од почетокот на руската агресија во Украина, при што Османи потенцира дека е многу важно да продолжи поддршката на Украина, бидејќи ако Русија победи во Украина, тогаш ние сме следните.
Министерот Османи, на средбата, истакна дека денес Руската Федерација е најголемата закана за безбедноста на Европа, на Западен Балкан, но и на Република Северна Македонија.
“Важно е да имаме стратешка предвидливост во нашата држава, со цел конечно да кажеме “Не” за Русија и “Да” за интегративните европски процеси на Западниот Балкан и на Република Северна Македонија”, рече Османи.
Додека, Министерот Кулеба, истакнувајќи го фактот дека Северна Македонија цврсто застана зад Украина во текот на двете години агресија, упати благодарност до граѓаните на Северна Македонија, како и благодарност до Министерот Османи за неговото лидерство и поддршка.
“Нашата иднина е заедничка, таа иднина е Европската Унија, која воедно претставува и иднина за мир и просперитет, рече Кулеба.
Двајцата Министри имаа свои обраќња пред Генералното собрание на Обединетите нации, каде упатија јасни пораки против рускат агресија врз Украина.
Македонија
(Видео) Oсмани од ОН во Њујорк: Мораме да и кажеме не на Русија
Министерот за надворешни работи, Бујар Османи, денес се обрати од седиштето на Обединетите нации во Њујорк, на 56. пленарен состанок на 78-та седница на Генералното собрание, по повод две години од инвазијата на Русија врз Украина, кој се одржа на тема: Ситуацијата во привремено окупираните територии на Украина.
Османи, уште еднаш, ја повика Русија да ја прекине оваа бесмислена војна и да ги повлече своите трупи од суверената територија на Украина.
„Русија ги прекрши основните принципи на меѓународното право и започна целосна агресивна војна против Украина, земја членка на ОН’’, истакна Османи.
Воедно, министерот потенцираше дека Северна Македонија е исто така силно загрижена и ја осудува незаконската депортација на децата од Украина во Русија и Белорусија од страна на Руската федерација и ги повика да обезбедат нивно безбедно враќање дома.
„Мораме да и кажеме не на Русија! Правдата и одговорноста мора да надвладеат”, рече Османи, воедно додаде дека Северна Македонија им се придружи на другите 140 земји-членки за поддршка на суверенитетот и територијалниот интегритет на Украина во нејзините меѓународно признати граници од 1991 година.
Османи повика на обединетост во поддршката за Украина, не само за доброто на жртвите и нивните семејства, туку и како предуслови за избегнување на понатамошни агресии и неиспровоцирана употреба на сила во меѓународните односи.