Надворешна политика
Груевски и Орбан за унапредување на економската соработка меѓу двете држави
Зголемување на билатералната економска соработка, можностите за превенција и минимизирање на заканите од глобалниот тероризам и механизмите за справување со предизвиците и ефектите од мигрантската криза беа дел од темите на средбата на македонскиот и унгарскиот премиер, Никола Груевски и Виктор Орбан, што се одржа во петокот во Будимпешта.
Зголемување на билатералната економска соработка, можностите за превенција и минимизирање на заканите од глобалниот тероризам и механизмите за справување со предизвиците и ефектите од мигрантската криза беа дел од темите на средбата на македонскиот и унгарскиот премиер, Никола Груевски и Виктор Орбан, што се одржа во петокот во Будимпешта.
Како што соопшти прес службата на македонската влада, на средбата станало збор и за интеграциите на Република Македонија во Европската Унија и НАТО.
Од страна на двајцата премиери биле поздравени одличните политички односи кои постојат помеѓу двете земји во сите сфери од взаемен интерес, кои се карактеризираат со континуиран и интензивен дијалог на највисоко ниво.
Беше истакната заложбата за унапредување на економската соработка, трговската размена и соработката на полето на инвестициите, за што двајцата премиери ги истакнаа активностите што двете влади ги прават во тој контекст. Заеднички се констатираше дека има простор за зголемување на обемот на трговската размена и потенцијалот за инвестирање.
„Со оглед на нагласената економска димензија на посетата, најмногу простор во разговорот посветивме на можностите за дополнително интензивирање и продлабочувањето на билатералната економска соработка и на напорите што двете влади треба да ги направат во тој контекст. Се согласивме дека трендот на развој на економската соработка во последните години е позитивен, ветувачки, но и дека ни претстои уште доста работа, и има уште многу простор за интензивирање на економската соработка, и во смисла на поголема трговска размена и во смисла на повеќе инвестиции“, изјави Груевски.
Унгарскиот премиер Виктор Орбан на прес-конференцијата даде позитивна оценка за економските политики кои ги спроведува Република Македонија, истакнувајќи дека е потребно зголемување на економската соработка помеѓу двете земји.
„Европската Унија може да ја смета Македонија како една од најстабилните држави на Балканот. Од година во година нашата економска активност во Македонија се подобрува, но тоа се уште е под потенцијалите кои постојат во соработката помеѓу двете држави и се надеваме дека седницата на унгарско-македонскиот економски комитет на крајот на годинава ќе даде поттик за економската соработка, бидејќи знаеме дека политиката придонесува за соработка помеѓу бизнисмените на двете држави“, изјави Орбан.
Двајцата премиери разговараа и за европската интеграција на Република Македонија во светло на неодамна објавениот Извештај на Европската Kомисија и фактот дека веќе седум години по ред Македонија чека подготвена да ги отпочне пристапните преговори со ЕУ.
Премиерот Груевски истакна благодарност за поддршката која Република Унгарија ја овозможува за интеграција на нашата земја во Европската Унија и во НАТО.
„На денешната средба нагласив дека исклучително ја цениме и сме благодарни за отворената поддршка од Унгарија за членство на Македонија во ЕУ и НАТО. Унгарија е еден од нашите најголеми подржувачи за членство во НАТО и ЕУ и тоа е видливо на сите значајни настани каде што се зборува за Република Македонија, и тоа е нешто што ние високо го цениме и очекуваме заедно со нашите напори и заедно со напорите на другите наши пријатели во иднина да даде позитивен резултат“, изјави премиерот Груевски.
Тој истакна и дека Република Македонија ќе остане посветена на спроведување на преостанатите клучни реформски приоритети.
Премиерот на Унгарија Виктор Орбан истакна дека поддршката за реализацијата на европските и евроатланските интеграции на Република Македонија ќе продолжи и понатаму.
„Членството на Македонија во НАТО и во Европската Унија е севкупен европски интерес и покрај тоа што за сите нас е познат спорот кој цел овој процес го блокира. Унгарија отсекогаш била против тоа да вакви блокади успешно функционираат, наше мислење е дека перформансите на една држава треба да се проценат врз основа на заслугите и еден постоечки политички спор помеѓу една држава членка на ЕУ и една кандидатка за членка во ЕУ не смее да го попречи редот на преговорите кои се врз основа на заслуги. А Македонија има голем број на значајни заслуги гледајќи ги изминатите неколку години, спремна е да влезе како член во Европската Унија, има значаен економски раст, а некаде и го надминува европскиот просек, значи Европската Унија има потреба од оваа држава“, изјави премиерот Орбан.
Тој додаде дека интерес на Унгарија е сите држави на балканската територија помеѓу Унгарија и Грција да бидат членки на НАТО и на Европската Унија.
Соговорниците разменија погледи и информации поврзани со најголемата закана на денешницата – тероризмот, при што од двете страни беше осуден грозоморниот терористички напад во Париз. Беше потенцирано дека за поефикасна превенција и минимизирање на терористичките закани е потребна континуирана и сеопфатна акција на глобално ниво, за која двете земји даваат силна поддршка.
Мигрантската криза и последиците од неа врз Македонија, Унгарија и останатите земји од регинот, кои се наоѓаат на мигрантската рута, но и врз целиот европски континент, исто така беа тема на разговор на двајцата премиери.
Тие констатираа дека по одлуките на европските земји за обезбедување на проток на мигранти само и исклучиво од земји кои се загрозени од воени конфликти, се создава нова ситуација која создава нови предизвици за кои се потребни механизми за надминување на предизвиците.
„Го запознав премиерот Орбан, дека мигрантската криза предизвикува огромен притисок врз човечките, материјалните и финансиските капацитети на Република Македонија. Сите надлежни државни институции вложуваат огромни напори за хуман и достоинствен третман и премин за мигрантите и бегалците. Повикуваме на интензивирање на координацијата со институциите на ЕУ, зголемена присутност на терен особено на македонско-грчката граница“, изјави Груевски.
Орбан истакна дека Унгарија дава поддршка на Македонија за справување со овој предизвик.
„На принципиелни основи разговаравме за кризата со мигрантите со која се соочуваат двете земји, при што разменивме информации за фактичката состојба на терен и предизвиците со кои се соочуваме“, изјави Орбан. /крај/
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
Средба на претседателите на Собранијата на Македонија и Украина, Митрески и Стефанчук
Претседателот на Собранието на Република Северна Македонија, Јован Митрески, во рамките на посетата на Киев по повод втората годишнина од почетокот на руската воена агресија врз Украина, оствари средба со претседателот на Врховната рада на Украина, Руслан Стефанчук.
Претседателот Митрески изрази благодарност за поканата и нагласи дека посетата претставува потврда на цврстата и непоколеблива поддршка на Република Северна Македонија за Украина, на сите полиња. Тој нагласи дека уште од самиот почеток силно ја осудуваме руската агресија против Украина, континуирано ја потврдуваме нашата поддршка за украинскиот територијален интегритет, суверенитет и целовитост и изразуваме целосна поддршка на правото на самоодбрана на земјата.
Претседателот на Собранието истакна дека Северна Македонија целосно се приклучи на сите рестриктивни мерки и санкции на ЕУ кон Руската Федерација, ко-спонзорираше бројни резолуции и иницијативи во однос на Украина, а упати и воена и хуманитарна помош за земјата.
Македонија
Средба Османи – Кулеба во ОН Њујорк: Европската Унија е наша заедничка иднина
Министерот за надворешни работи, Бујар Османи, на 23 февруари 2024 година, оствари средба со министерот за надворешни работи на Украина, Дмитро Кулеба, во седиштето на Обединетите нации во Њујорк, на маргините на 56. пленарен состанок на 78. седница на Генералното Собрание.
Средбата се одржа со цел да се даде поддршка на Украина на денот на одбележувањето на две-годишнината од почетокот на руската агресија во Украина, при што Османи потенцира дека е многу важно да продолжи поддршката на Украина, бидејќи ако Русија победи во Украина, тогаш ние сме следните.
Министерот Османи, на средбата, истакна дека денес Руската Федерација е најголемата закана за безбедноста на Европа, на Западен Балкан, но и на Република Северна Македонија.
“Важно е да имаме стратешка предвидливост во нашата држава, со цел конечно да кажеме “Не” за Русија и “Да” за интегративните европски процеси на Западниот Балкан и на Република Северна Македонија”, рече Османи.
Додека, Министерот Кулеба, истакнувајќи го фактот дека Северна Македонија цврсто застана зад Украина во текот на двете години агресија, упати благодарност до граѓаните на Северна Македонија, како и благодарност до Министерот Османи за неговото лидерство и поддршка.
“Нашата иднина е заедничка, таа иднина е Европската Унија, која воедно претставува и иднина за мир и просперитет, рече Кулеба.
Двајцата Министри имаа свои обраќња пред Генералното собрание на Обединетите нации, каде упатија јасни пораки против рускат агресија врз Украина.
Македонија
(Видео) Oсмани од ОН во Њујорк: Мораме да и кажеме не на Русија
Министерот за надворешни работи, Бујар Османи, денес се обрати од седиштето на Обединетите нации во Њујорк, на 56. пленарен состанок на 78-та седница на Генералното собрание, по повод две години од инвазијата на Русија врз Украина, кој се одржа на тема: Ситуацијата во привремено окупираните територии на Украина.
Османи, уште еднаш, ја повика Русија да ја прекине оваа бесмислена војна и да ги повлече своите трупи од суверената територија на Украина.
„Русија ги прекрши основните принципи на меѓународното право и започна целосна агресивна војна против Украина, земја членка на ОН’’, истакна Османи.
Воедно, министерот потенцираше дека Северна Македонија е исто така силно загрижена и ја осудува незаконската депортација на децата од Украина во Русија и Белорусија од страна на Руската федерација и ги повика да обезбедат нивно безбедно враќање дома.
„Мораме да и кажеме не на Русија! Правдата и одговорноста мора да надвладеат”, рече Османи, воедно додаде дека Северна Македонија им се придружи на другите 140 земји-членки за поддршка на суверенитетот и територијалниот интегритет на Украина во нејзините меѓународно признати граници од 1991 година.
Османи повика на обединетост во поддршката за Украина, не само за доброто на жртвите и нивните семејства, туку и како предуслови за избегнување на понатамошни агресии и неиспровоцирана употреба на сила во меѓународните односи.