Контакт

Надворешна политика

Интервју со Матс Стефансон, амбасадор на Шведска во Македонија: Ова се најважните избори за Македонија, народот гласаше за промени

Објавено пред

Овие се најважните избори откако Македонија стана независна држава. Секако, тие не ги решија сите македонски проблеми за во иднина, но мислам дека ги донесоа работите еден чекор напред, …. гласачите се изјаснија за промени, вели меѓу другото шведскиот амбасадор Матс Стефансон, во интервјуто за Макфакс.

Разговараше Билјана Богдановска

Макфакс: Како гледате на општите парламентарни избори што во неделата се случија во Македонија?
Амбасадор Стефансон: Мислам дека овие се најважните избори откако Македонија стана независна држава. Секако, тие не ги решија сите македонски проблеми за во иднина, но мислам дека ги донесоа работите еден чекор напред. Мислам дека изборитте воопшто беа одржани во фер атмосфера, што беше и заклучок во официјалниот извештај на Државната изборна комисија во понеделникот. Знаеме дека има поплаки од некои партии, кои се однесуваат на некои места во изборните единици број 2 и број 6. Ги поднесоа до Државната изборна комисија, и кога тоа ќе се реши ќе ги видиме финалните резултати. Но, сепак, ова е чекор во вистинска насока, што Македонија го направи со овие избори, што воглавно беа добри.

 
Макфакс: Кои се вашите очекувања, која партија ќе формира влада?
– Тоа е многу тешко за мене да кажам. Но, можам да кажам дека изборите многу јасно покажаа дека народот на оваа држава гласаше за промени. Тоа е е многу очигледно. Очигледно е дека народот сака некакви промени. Како тоа ќе изгледа во практика е многу тешко за мене како странски дипломат да коментирам. Но, важната работа, сега кога изборите завршија, е што ќе може да се креира влада која има моќ и можност да спроведе големи реформи за промена, кои Македонија мора да ги спроведе. Во годините што доаѓаат таква влада ќе се формира. Ќе треба да мине малку време, но ќе видиме влада која ќе може да преземе и да имплементира реформи.

 
Макфакс: Велите дека народот гласаше за промени, значи ли тоа дека ВМРО-ДПМНЕ која е на власт десет години, ќе треба да спроведе и некои внатрешни реформи во партијата?
– Не е мое да коментирам за тоа како некои партии треба да се реформираат внатрешно… Тоа е нивно. Но, мислам дека мапата на гласачи покажа јасно, што е невообичаено интересно, дека народот гласаше за двете водечки македонски партии речиси еднакво, но интересен е фактот што првпат, мислам, во Македонија видовме еден голем исчекор кај етничката поделеност, што е многу карактеристично за политичката слика, а тоа е дека многу етнички Албанци гласаа за неалбанска партија. Тоа е многу важно, многу важен чекор за еден ден земјата во која етничката поделеност нема да игра голема улога. Што ќе биде практичниот резултат од тоа во иднина е многу тешко да се предвиди. Но, сепак, е многу значаен развој.

 
Макфакс: Мислите ли дека овие избори ќе стават крај на двегодишната политичка криза?
– Не мислам дека овие избори ќе стават точка за завршување на кризата, но се надевам дека тоа е прв чекор во таа насока.

 

 
Макфакс: Како гледате на македонската евроинтеграција. Ќе има ли некаков напредок?
– Најпрво, очигледно е дека Македонија има огромна желба да стане членка на Европската унија и на НАТО. Има земји во светот каде јавното мислење е многу повеќе поделено, нема да ги именувам… Но има други геополитички опции, што не е случај со Македонија. Јасна е определбата на народот, без разлика дали се Албанци или Македонци или се припадници на друга етничка група, да се интегрира во НАТО и во ЕУ . Македонија еден ден ќе стане интегрирана во ЕУ и во НАТО. Проблемот не е само билатералниот спор со вашиот јужен сосед, тоа е само дел од проблемот. Главниот проблем е што Македонија се развиваше во погрешна насока неколку години и многу работи треба да се сменат на подобро за Македонија да се врати на вистинската патека. Затоа велам дека е многу важно да имате влада која ќе биде во состојба да ги спроведе сите потребни реформи за да ја врати земјата на вистинската патека. И за тоа може да сметате на поддршка од мојата земја, од Шведска. Ние цврсто стоиме зад вас. Ние не сме членка на НАТО, но ја поддржуваме трансатланската амбиција на Македонија. Но, мислам дека овие избори се добар чекор во таа насока. Следниот чекор е на народот на оваа земја, да ги преземе потребните чекори да се приодвижи земјата напред.

 
Макфакс: Како ја оценувате демократијата во Македонија сега?
– Многу работи се сменија, а тоа е очигледно Тоа е комплетно нов ветар во крилата на земјата. Каде тоа ќе ве одведе, не знам во моментов, но имам чувство дека промените почнаа. А тоа е важно, народот да почувствува… За жал, кога се работи за демократијата Македонија заостанува, што е многу трагично и тажно. На пример, во областите како медиумите каде Македонија беше еден од лидерите во регионот пред 20 години, падна во лоша ситуација, па Фридом хаус, која е важна американска институција и го мери нивото на слобофда во медиумите, неодамна ја стави Македонија во иста категорија со Русија, Белорусија и Турција. Тоа е се единствените земји од Европа кои спаѓаа во неслободни медиумски земји. Тоа е срамота за земја како Македонија, каде има многу талентирани луѓе, таленитрани новинари. Тоа мора да биде сменето и сигурен сум дека тоа ќе се смени.

 
Макфакс: Видовте ли некои промени за време на оваа политичка кампања во медиумите?
– Да, а и заклучокот на набљудувачите беше дека медиумската покриеност на овие избори беше многу подобра од претходините избори. Тоа е добар, позитивен чекор.

 


Макфакс: Како очекувате да продолжи со работа Специјалното јавно обвинителство по изборите?
– Кризата што Македонија ја имаше во претходните две години заради скандалот со прислушувањето, е скандал од нечуени размери во Европа. Секако, не е првпат во Европа, сме имале ситуации во кои политичари незаконски прислушувале луѓе, но бројката во толку мала земја е шокантна. Ова е огромен скандал и со него мора да се рачсисти. Затоа беше формирано Специјалното јавно обвинителство и тоа е многу важна институција. Многу сум разочаран што дл од општеството некои групи го обвинуваат СЈО дека е поткупено политички. Не мислам дека тоа е случај, воопшто. Мене ми се чини дека тие многу професионално си ја обавуваат работата. Треба да им се дозволи да ја работат својата работа. Важно е да им се дадат потребните ресурси и времето потребно да ја исполнат задачата. Затоа што ова е многу компромисна ситуација за змејата, ако не сте способни да се справите со тоа до крај скандалот ќе продолжи да влијае на развојот на земјата во следните години. Мора да биде расчистен овој хаос што е креиран. Во спротивно, ќе се врати како проблем по три, по пет години, по десет години. Затоа треба да им дадеме поддршка на специјалната јавна обвинителка и на нејзините колеги да ја завршат работата. Да им се дадат рсурси, поддршка и време потребни за завршување на работата?

 
Макфакс: Ни треба ли и специјален суд за спроведување на случаите од СЈО?
– Тешко е да кажам дали е потребен суд, но мислам дека треба да ѝ дадеме поддршка…

 
Макфакс: Шведска е една од главните дестинации за мигрантите, а Македонија беше тампон зона во последната мигрантска криза. Сега се очекуваат повторно мигранти по случувањата во Алепо и во Турција. Очекува ли Шведска и ЕУ Македонија да се справи со новиот бран бегалци?
– Најпрво, Шведска не е главна дестинација на мигрантите, тоа е Германија. Шведска лани прими 170.000 бегалци, што е многу голем број за земја како Шведска која има девет милиони жители. Тоа е многу голем број луѓе за една година. Мислам дека Македонија многу одговорно се снајде во оваа ситуација. Секако, очигледно е дека Македонија не е посакувана дестинација на бегалците , туку таа е само транзитна земја. Се снајдовте, а ние знаеме дека беше тешко за земјата затоа што вложивте многу ресурси, како полиција и други надлежни служби за да се справат со ситуацијата. Се надевам дека нема да видиме голем бран бегалаци кои повторно доаѓаа. Но мора да разбереме дека милиони луѓе има главно во Турција, кои доаѓаат од Средниот Исток. Исто, милиони се раселени во Сирија и во Африка. Ова е глобален проблем и мора со него да се справиме на глобален начин. На одговорен начин. Мора да покажеме меѓусебно солидарност. Шведска е многу разочарана што некои други земји во Европа не покажаа иста одговорност и желба да ги прифатат и да ги сместат бегалците. Не може само да подигнеш високи ѕидови. Исто така, мора да се справиш со проблемот на солидарен начин и да помогнеш во решавањето на овој голем проблем. Турција е во многу тешка ситуација. Огромна тежина има врз оваа земја да се справи со бегалците кои ги има во многу голем број. Не очекувам дека овој важен договор што го има Европската унија со Турција ќе се распадне. Сите мора да разбереме дека ова е голем проблем за Турција и треба да покажеме солидарност со Турција во начинот на кој се справува со бегалската криза.
Да, бегалската криза се чувствува во Шведска, доведе до зголемување на населението во Шведска и во други земји… но, сепак Шведска се уште има многу позитивен став кон проблемот и кај народот се уште има голема поддршка дека треба да помогнеме и да ги сместиме бегалците. Но мора да се направи тоа на многу поорганизиран начин. Шенген зоната не смее да се направи а ла карт, да дојдеш во Шенген зоната и да патуваш наоколу па да одбереш место и да останеш. Ние сите, како Европска унија, треба да покажеме солидарност. /крај/мф/бб

Македонија

Димитров утре во работна посета на Естонија

Објавено пред

Заменик-претседателот на Владата задолжен за европски прашања Никола Димитров утре ќе престојува во работна посета на Естонија.

Предвидени се средби со министерката за надворешни работи Ева-Марија Лииметс, со претставници на естонскиот парламент (Riigikogu) – Марко Микелсон, претседател на Комитетот за надворешни работи и Сиим Каалас, претседател на Комитетот за европски прашања, како и со претставници од кабинетот на премиерката Каја Калас, задолжени за европски прашања.

Вицепремиерот Димитров ќе се сретне и со директорот на Естонскиот центар за источно партнерство Герт Антсу.

По неодамнешните посети на Вилнус и Рига, со Талин, Димитров ја заокружува балтичката турнеја, надоврзувајќи се на серијата посети на главни градови на ЕУ земји членки, значајни за евроинтегративниот процес на Северна Македонија.

Во светло на поддршката за пробив на нашиот европски пат, Димитров ќе ја пренесе пораката за потребата од усвојување на преговарачката рамка и одржување на првата меѓувладина конференција на земјата со ЕУ што побрзо.

На средбите ќе се дискутира и за зајакнување на билатералната соработка меѓу Северна Македонија и Естонија, со особен фокус на процесот на дигитализација. Преку конкретна експертска поддршка, како една од најуспешните европски земји во однос на дигитализацијата, Димитров ќе разговара за пренесување на естонските искуства со е-влада, како и дигитализација на процесите и услугите за граѓаните и бизнис-заедницата.

Прикажи повеќе...

Македонија

Заев на средба со Шидер: Изразени очекувања од сите политички субјекти за ефикасен Парламент

Објавено пред

Премиерот Зоран Заев се сретна со Андреас Шидер, пратеник во Европскиот парламент од Република Австрија.

На состанокот се поздравени политиките на дијалог и е констатирано дека е потребно сите политички субјекти да овозможат ефикасност на Парламентот со цел реализација на реформските процеси важни за европските интеграции, како и решавање на потребите на граѓаните во здравството, економијата и други важни области, се истакнува во соопштението од владиниот кабинет.

Премиерот Заев информирал дека Владата е силно посветена на владеењето на правото и на неселективна борба против криминалот и корупцијата, како и на почитување на еднаквоста во државата во сите сегменти од општественото живеење.

Претседателот на Владата, Зоран Заев, изрази благодарност до Европскиот парламент, земјите членки на Европската Унија и до Република Австрија за поддршката што ѝ ја даваат на нашата држава во процесот на евроинтеграциските аспирации на Република Северна Македонија, велат од владиниот кабинет.

Прикажи повеќе...

Македонија

Средба Димитров – Шидер: ЕУ да покаже дека е сериозна кога зборува за проширување

Објавено пред

Потребно е да се упати јасна порака до граѓаните дека европската перспектива на државите од Западен Балкан е јасна, предвидлива и остварлива и дека ЕУ е сериозна кога зборува за проширувањето, порача вицепремиерот задолжен за европски прашања, Никола Димитров, на средбата со Андреас Шидер, европратеник и копретседавач со Мешовитиот парламентарен комитет на ЕУ за Северна Македонија.

На средбата, како што соопштија од кабинетот на Димитров, била изразена благодарност за континуираната и принципиелна поддршка на Европскиот парламент на политиката за проширување на ЕУ со земјите од Западен Балкан, при што вицепремиерот Димитров се осврнал на Резолуцијата на ЕП за Северна Македонија, што ги отсликува постигнатите реформи и демократските процеси на земјата и содржи позиција дека билатералните прашања не треба да го блокираат процесот на пристапување.

Притоа Димитров нагласил дека неодложно е потребно постигнување консензус за преговарачката рамка и одржување на првата меѓувладина конференција на Северна Македонија со ЕУ заради доследно спроведување на одлуката за почеток на пристапните преговори.

„Ги цениме заложбите на Европскиот парламент и вашите лични заложби за што побрзо официјално почнување на пристапните преговори, процес што мора да се одвива во европски дух, со почитување на европските вредности како основи на процесот. Успехот ќе значи дека и ЕУ ги реализира своите одлуки и ќе даде поттик за продолжување на реформите и јакнење на демократските институции не само во Северна Македонија туку во целиот регион“, истакна Димитров.

Тој изразил цврста заложба за натамошна посветеност на реформите што се дел од ЕУ-агендата не само заради натамошен напредок во евроинтегративниот процес туку, пред сѐ, заради подобрување на секојдневниот живот на македонските граѓани преку пренесување на европските стандарди дома.

Прикажи повеќе...

Најново

Македонија16 часа

Во Македонија 324 нови случаи на коронавирус, починаа 26 лица

Во последните 24 часа во Македонија се потврдени 324 нови случаи на коронавирус, а пријавени се 1.178 оздравени и 26...

Македонија18 часа

Антикорупциска утврдила дека парите платени на приватна фирма за кинески вакцини се вратени

Документот кој го објави ВМРО-ДПМНЕ за исплата на пари од Министерството за здравство, со цел набавка на кинески вакцини, го...

Македонија19 часа

Заев: Само со нови докази повторно отворање на случајот за крвавиот упад во Собранието

Отворање на случајот одново само доколку има нови докази и моменти. Ова е ставот на премиерот Зоран Заев за барањето...

Европа19 часа

Фон дер Лајен: Сите земји да дозволат извоз на вакцини

Претседателката на Европската комисија, Урсула фон дер Лајен, денеска изјави дека ЕУ е подготвена да го разгледа секој предлог што...

Македонија19 часа

(Видео) Премиерот Заев се вакцинираше со кинеската вакцина на „Синофарм“

Премиерот Зоран Заев се вакцинираше против коронавирус денеска на пунктот во спортската сала „Борис Трајковски“. Тој се вакцинираше со првата...

Македонија21 час

Вчера се вакцинирале 9.123 граѓани

Министерството за здравство соопшти дека вакцинацијата се одвива непречено на сите пунктови низ државата и дека интересот за вакцинација секојдневно...

Регион22 часа

(Видео) Редици во трговски центар во Србија, покрај вакцинирање даваат пари и ваучери

Денеска во 9 часот наутро е отворен пункт за вакцинација во Трговскиот центар Ушче во Белград. Секој што сака да...

Свет22 часа

Болсонаро: Коронавирусот е направен за да се води биолошка војна

Бразилскиот претседател Жаир Болсонаро изјави дека новиот коронавирус е можеби направен во лабораторија со цел да се води биолошка војна....

Свет22 часа

Најново истражување: „Фајзер“ штити повеќе од 95 проценти од коронавирус

Најголемата студија за ефикасноста на „Фајзер/Бионтек“ против коронавирусот кај општата популација покажа дека вакцината обезбедува повеќе од 95 проценти заштита...

Свет23 часа

Трета доза од вакцината на „Модерна“ штити од бразилскиот и јужноафриканскиот вид

Податоците од студија на 40 лица покажуваат дека дополнителната доза го зајакнува имунитетот против бразилскиoт и јужноафриканскиот вид на коронавирус....

Свет24 часа

ОН: Во светот недостигаат 900.000 акушерки

Светот во моментов се соочува со недостиг од 900.000 бабици и тоа е третина од потребните акушерки, се наведува во...

Македонија1 ден

Владата ги поддржува активностите на Општина Охрид за отстранување на бесправните градби

Владата ги поддржува активностите за отстранување на бесправните градби на охридското крајбрежје, кои ги изведува Општина Охрид, со што ги...

Македонија2 дена

Затворски казни за издавање лажни пасоши на странци со криминално досие

Четири затворски казни и една условна за лицата што признаа дека изработувале лажни пасоши на странци со криминално досие. Судечкиот...

Македонија2 дена

323 нови случаи на Ковид-19, починати се 24 лица

Министерството за здравство информира, во согласност со податоците од Институтот за јавно здравје, дека во последните 24 часа се направени...

Македонија2 дена

Филипче: Одлуката за полицискиот час не ја донесов сам, туку по телефонска консултација со членовите на Комисијата

Одлуката за скратување на полицискиот час и за продолжување на работното време не е политичка, изјави министерот за здравство, Венко...

Македонија2 дена

Министерство за здравство: Граѓаните кои добиле порака да се вакцинираат во друг град, сами ја згрешиле локацијата

Граѓаните при закажување на веб-страницата vakcinacija.mk сами направиле погрешен избор на локација каде сакаат да се вакцинираат и поради тоа...

Македонија2 дена

Заев: Не верувам дека Црвенковски ќе формира нова партија

Премиерот и претседател на СДСМ, Зоран Заев, не верува дека експретседателот на Социјалдемократскиот сојуз Бранко Црвенковски ќе формира нова партија....

Свет2 дена

Вакцините на „Фајзер“ и „Модерна“ ја намалуваат хоспитализацијата на стари лица за 94 проценти

Вакцинацијата со вакцините на „Модерна“ или на „Фајзер“ значително го намалува ризикот од хоспитализација на стари лица, покажуваат податоците на...

Регион2 дена

Вучиќ: Вакцинираните ќе добијат парична помош како награда

Претседателот на Србија, Александар Вучиќ, рече дека е донесена одлука за обезбедување дополнителна парична помош за оние кои се вакцинирани...

Свет2 дена

(Видео) Израел ја рaкетираше Сирија, има и жртви

Израел рано утрово ja ракетираше северозападна Сирија при што загина најмалку еден човек, а повредени се шестмина. Авиони на израелското...

Досие