Надворешна политика
Иванов: Македонија е жртва на неодлучноста на ЕС
Македонија е жртва на неодлучноста на Европскиот совет, на одлуките на некои кои не мислеле на последиците од нивните одлуки, порача македонскиот претседател Ѓорге Иванов на сесијата „Балканска шаховска табла: Дали влогот е целосна и слободна Европа“, којашто заврши доцна ноќта кон саботата, во рамки на безбедносниот форум што се одржува во Братислава, а меѓу главните теми беше и Република Македонија.
„Време е да ги користиме вистинските зборови за да ги опишеме состојбите. Република Македонија е жртва на неодлучноста на Европскиот совет, на одлуките на некои кои не мислеле на последиците од нивните одлуки. Во голема мера денешните состојби се резултат на предолгото држење на Македонија во чекалницата. Не барам алиби за состојбите, и кај нас има вина“, истакан претседателот Ѓорге Иванов
Иванов потсети дека Република Македонија има добиено шест позитивни препораки за членство во Евроспакта унија, а со 16-те Акциски планови за членство во НАТО, македонската е најпроверената армија во историјата .
„Во услови на криза и вакви состојби мора да има друг начин на носење одлуки. Има недостиг од солидарност во поглед на поддршка за интеграција во Регионот, има и недостиг од соработка и доверба меѓу безбедносните служби во Регионот. Целата доверба што се градеше со години, поради несоработката на Косово но и на други 17 служби, е разнишана“, рече меѓу другото Иванов алудирајќи на неговата изјава во врска со судирот меѓу македонската полиција и терористичката група од почетокот на мај во кумановската Дива населба, кога по состанокот на Советот за безбедност на шефот на државата, рече дека македонските власти со месеци очекувале одговори од пријателските разузнавачк и служби во врска со активностите на споменатата група.
Иванов, покрај другото, потсети и дека ланскиот ептември во Советот за безбедност на Генералното собрание на ОН, побара на Балканот да се создаде центар за антитероризам, затоа што земјите членки во НАТО и во ЕУ од Балканот имаат информации и соработуваат.
„Ние земјите коишто сме надвор од НАТО и од ЕУ немаме доверба меѓу себе, не ги разменуваме информациите и не знаеме како да се спротивставиме на тоа што ни се заканува“, истакна Иванов. Според македонскиот претседател „во геополитичка смисла не смее да постои вакум“.
„Ако ЕУ и НАТО не го пополнат вакумот на Балканот, тоа ќе го направи некој друг. НАТО и ЕУ ја немаат завршено работата на Балканот. Чекалницата е најнеупотребливото место. Безбедноста на Балканот не треба да се зема како готова работа. Може да се повтори минатото. Потребни се похрабри пораки и појасна перспектива од ЕУ за Балканот“, се вели во заедничкиот заклучок на претседателите на Македонија и на Хрватска, Ѓорге Иванов и Колинда Грабар, министерот за надворешни работи на Унгарија Петер Сијарто и поранешниот еврокомесар за проширување Штефан Фуле, по сесијата „Балканска шаховска табла: Дали влогот е целосна и слободна Европа“.
Според министерот Сијарто направена е голема грешка за Република Македонија со тоа што не се започнати пристапните преговори за полноправно членство во ЕУ. „Шест години ја држиме во чекалната, имаме проблем со кредибилитет, не го почитуваме и адресираме прогресот на Република Македонија“, истакна Сијарто./крај/мф/ач
Извор: Макфакс
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
Средба на претседателите на Собранијата на Македонија и Украина, Митрески и Стефанчук
Претседателот на Собранието на Република Северна Македонија, Јован Митрески, во рамките на посетата на Киев по повод втората годишнина од почетокот на руската воена агресија врз Украина, оствари средба со претседателот на Врховната рада на Украина, Руслан Стефанчук.
Претседателот Митрески изрази благодарност за поканата и нагласи дека посетата претставува потврда на цврстата и непоколеблива поддршка на Република Северна Македонија за Украина, на сите полиња. Тој нагласи дека уште од самиот почеток силно ја осудуваме руската агресија против Украина, континуирано ја потврдуваме нашата поддршка за украинскиот територијален интегритет, суверенитет и целовитост и изразуваме целосна поддршка на правото на самоодбрана на земјата.
Претседателот на Собранието истакна дека Северна Македонија целосно се приклучи на сите рестриктивни мерки и санкции на ЕУ кон Руската Федерација, ко-спонзорираше бројни резолуции и иницијативи во однос на Украина, а упати и воена и хуманитарна помош за земјата.
Македонија
Средба Османи – Кулеба во ОН Њујорк: Европската Унија е наша заедничка иднина
Министерот за надворешни работи, Бујар Османи, на 23 февруари 2024 година, оствари средба со министерот за надворешни работи на Украина, Дмитро Кулеба, во седиштето на Обединетите нации во Њујорк, на маргините на 56. пленарен состанок на 78. седница на Генералното Собрание.
Средбата се одржа со цел да се даде поддршка на Украина на денот на одбележувањето на две-годишнината од почетокот на руската агресија во Украина, при што Османи потенцира дека е многу важно да продолжи поддршката на Украина, бидејќи ако Русија победи во Украина, тогаш ние сме следните.
Министерот Османи, на средбата, истакна дека денес Руската Федерација е најголемата закана за безбедноста на Европа, на Западен Балкан, но и на Република Северна Македонија.
“Важно е да имаме стратешка предвидливост во нашата држава, со цел конечно да кажеме “Не” за Русија и “Да” за интегративните европски процеси на Западниот Балкан и на Република Северна Македонија”, рече Османи.
Додека, Министерот Кулеба, истакнувајќи го фактот дека Северна Македонија цврсто застана зад Украина во текот на двете години агресија, упати благодарност до граѓаните на Северна Македонија, како и благодарност до Министерот Османи за неговото лидерство и поддршка.
“Нашата иднина е заедничка, таа иднина е Европската Унија, која воедно претставува и иднина за мир и просперитет, рече Кулеба.
Двајцата Министри имаа свои обраќња пред Генералното собрание на Обединетите нации, каде упатија јасни пораки против рускат агресија врз Украина.
Македонија
(Видео) Oсмани од ОН во Њујорк: Мораме да и кажеме не на Русија
Министерот за надворешни работи, Бујар Османи, денес се обрати од седиштето на Обединетите нации во Њујорк, на 56. пленарен состанок на 78-та седница на Генералното собрание, по повод две години од инвазијата на Русија врз Украина, кој се одржа на тема: Ситуацијата во привремено окупираните територии на Украина.
Османи, уште еднаш, ја повика Русија да ја прекине оваа бесмислена војна и да ги повлече своите трупи од суверената територија на Украина.
„Русија ги прекрши основните принципи на меѓународното право и започна целосна агресивна војна против Украина, земја членка на ОН’’, истакна Османи.
Воедно, министерот потенцираше дека Северна Македонија е исто така силно загрижена и ја осудува незаконската депортација на децата од Украина во Русија и Белорусија од страна на Руската федерација и ги повика да обезбедат нивно безбедно враќање дома.
„Мораме да и кажеме не на Русија! Правдата и одговорноста мора да надвладеат”, рече Османи, воедно додаде дека Северна Македонија им се придружи на другите 140 земји-членки за поддршка на суверенитетот и територијалниот интегритет на Украина во нејзините меѓународно признати граници од 1991 година.
Османи повика на обединетост во поддршката за Украина, не само за доброто на жртвите и нивните семејства, туку и како предуслови за избегнување на понатамошни агресии и неиспровоцирана употреба на сила во меѓународните односи.