По повод претстојниот Париски Самит, како дел од Берлинскиот процес, во средата во Скопје одржа конференција Париз – Балкан 2016 , околу односите ЕУ-Балкан и предизвиците и очекувањата за следниот период, а на која се обратија министерот за надворешни работи Никола Попоски, француската амбасадорка Лоренс Оер и амбасадорот Антоан Грассан, кој е задолжен од страна на француската влада за реализација на Парискиот самит.

„Предизвикувачки е што сме во период кога за ЕУ е многу позначајно да работи на продлабочување и зацврстување на меѓусебните односи внатре во Унијата отколку на прашањето за проширување, чиј квалитет ќе стане видлив години подоцна, но ние мора да се интегрираме во оваа реалност, да се фокусираме на конкретни инфраструктурни проекти. Добра вест е  што имаме ангажман за мобилизирање на средстваво вид на грантови и кредити. За нас е значајно да има фер дистрибуција на средтсвата.

Исклучително важна димензија на целиот овој процес и самит е  отворањето на канцеларија за мобилност на младите од регионот. Иднината на земјите од Балканот е во ЕУ, но иднината на нашите млади се во нашите земји“, нагласи Попоски во своето обраќање.

„Значаен аспект е и миграцијата, борбата против тероризмот и радикализмот, што не не тангира само нас, земјите од регионот туку ги тангира и земјите од ЕУ. Покажавме солиден резултат од соработката меѓу земји кандидати и земји членки на ЕУ – најсвеж пример за тоа е справувањето мигрантската криза. Најбитно е да покажеме одлучност-цел за ЕУ членство кој што претставува благороден  и најуспешен мировен договор во Европа“, додаде Попоски.

Амбасадорката Оер ја истакна значајноста на парискиот самит кој претставува продолжување на Берлинскиот процес, додека амбасадорот Грассин се задржа на презентација на организационите аспекти. Свои обраќања имаа и амбасадорите на Австрија, Рената Коблер, на Германија, Кристина Алтхаузер и на Италија, Ернесто Масимо Белели.

„Договорот за основање на регионална канцеларија за соработка за младите претходи на Берлинскиот процес а ќе биде потпишан во Париз, чија мисија ќе биде поддршка на младите од земјите од Западен Балкан и подобра поврзаност“, рече амбасадорката на  Германија, Кристина Алтхаузер

„На Самитот во Виена 2015 се воспостави иницијатива за разрешување  на отворените билатерални прашања (меѓу земјите од ЗБ6, а и останатите од ЕУ, а неодамна беше одржана и Виенска конференција за билатерланите спорови , декларацијата за соработка што беше потпишана во Виена и двата веќе склучени договори за демаркација се веќе значајни резултати. Од решени билатерални спорови зависат добро-соседските односи кои што имаат влијание врз стабилноста на регионот“, порача амбасадорката на Австрија, Рената Коблер.

Италијанскиот амбасадор Белели се задржа на континуитетот на целиот процес, во контекст на организирање на следниот самит после Парискиот од страна на Италија. „Италија се придружи на Берлинскиот процес за економски развој и зацврстување на соработката во регионот. Сакаме да го продолжиме овој процес и да работиме на поврзаноста, безбедноста и младите, со искористување на сите расположливи инструменти“, рече Белели.

Свое обраќање имаше и државниот секретар при МНР , Елена Кузмановска во однос на енергетиката и инфраструктурните проекти. Попоски, пак, ја затвори конференцијата со нагласување на четирите заклучоци, поенти од целокупниот процес : справување со очекувањата, регионална сопственост, самоодржива соработка и сет на достигнување на европски стандарди./крај/мф/бс