Надворешна политика
МНР ги објави 11-те мерки за јакнење на меѓусебната доверба меѓу Скопје и Атина
Македонија и Грција договориле 11 мерки за јакнење на меѓусебната доверба, како што соопштија претходно во средата на заедничката прес-конференција во Скопје, шефовите на дипломатиите на двете земји, Никола Попоски односно Никос Коѕијас, кои се однесуваат на политичката и сферата од доменот на Европската унија, но и во низа други области, како што се образованието, културата, правото …
Министрите Попоски и Коѕијас договорија заеднички активен пристап за градење на клима на зајакната доверба меѓу двете држави преку интензивирање на севкупната билатерална соработка и водење активен дијалог за отворените прашања, со крајна цел заеднички придонес за надминување на разликите во духот на европските вредности и заедничките интереси. Ваквиот пристап е содржан и во одредбите на Времената спогодба од 1995, чиј потенцијал треба активно да се искористи.
Договорена беше листа од 11 конкретни мерки за практична соработка во области од заемен интерес, која во иднина може да биде дополнувана. Областите вклучуваат образование и култура, правда и внатрешни работи, економија и трговија, инфраструктурна поврзаност, енергетика, здравство. Исто така, беше договорено редовно одржување на политички консултации меѓу министерствата за надворешни работи за актуелни прашања од заемен интерес, како и дијалог за прашања поврзани со ЕУ и регионалната соработка. „Денеска заедно направивме нов чекор – со заемен активен пристап за поттикнување на практичната соработка да ја зајакнеме меѓусебната доверба. Очекувам ваквата пракса на дијалог на високо политичко ниво да продолжи и во иднина, за што постои заедничка волја и подготвеност. Довербата меѓу двете земји никогаш не била на доволно високо ниво. Но, денес направивме чекор за јакнење на оваа најслаба алка меѓу двете земји со цел најсилната алка, бизнисот и соработката, уште повеќе да се интензивираат. Денешната средба е доказ дека ќе ја подобриме взаемната соработка и ќе создадеме клима за приближување на ставовите во решавањето на спорот околу името. Двете земји, надвор од овој спор имаат голем заеднички интерес, како од билатерален, така и од меѓународен аспект. Првиот чекор мора да се направи”, рече министерот за надворешни работи на Република Македонија Никола Попоски.
А. Политички и ЕУ работи1. Политички консултации меѓу Министерствата за надворешни работи по меѓународни, мултилатерални, регионални, хоризонтални, безбедносни и конзуларни прашања, како и за иницијативи за регионална соработка /План за годишни консултации. 2. Билатерален дијалог за ЕУ работи и зајакнување на билатералната соработка во рамките на ИПА2 програмите, имајќи ги предвид приоритетните области, како што е утврдено во Стратегискиот документ и годишните програми. Соработка во прекуграничните програми, твининг и таекс.3.Соработка на Националниот центар за јавна администрација во Атина со Агенцијата за администрација во Скопје.
B.Образование и култура4. Соработка меѓу универзитетите, истражувачки центри и институти.5. Размена на универзитетски стипендии.6. Поттикнувачки мерки за културна соработка и размена.
C. Трговија и економска соработка 7.Зацврстување на економските, трговските и стопанските врски – бизнис форуми.
D. Поврзаност8.Подобрување на енергетската поврзаност/гасоводна линија. 9.Подобрување на железничката врска Битола-Лерин.
Е. Правда и внатрешни работи10.Консултации меѓу претставници на надлежните министерства за внатрешни работи, гранична полиција и царинска администрација со цел размена на информации и зајакнување на борбата против организираниот криминал, корупцијата, тероризмот, нелегалната миграција и нарко-трафикот.
F. Разнo 11. Соработка во здравството./крај/мф
Извор: Макфакс
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
Средба на претседателите на Собранијата на Македонија и Украина, Митрески и Стефанчук
Претседателот на Собранието на Република Северна Македонија, Јован Митрески, во рамките на посетата на Киев по повод втората годишнина од почетокот на руската воена агресија врз Украина, оствари средба со претседателот на Врховната рада на Украина, Руслан Стефанчук.
Претседателот Митрески изрази благодарност за поканата и нагласи дека посетата претставува потврда на цврстата и непоколеблива поддршка на Република Северна Македонија за Украина, на сите полиња. Тој нагласи дека уште од самиот почеток силно ја осудуваме руската агресија против Украина, континуирано ја потврдуваме нашата поддршка за украинскиот територијален интегритет, суверенитет и целовитост и изразуваме целосна поддршка на правото на самоодбрана на земјата.
Претседателот на Собранието истакна дека Северна Македонија целосно се приклучи на сите рестриктивни мерки и санкции на ЕУ кон Руската Федерација, ко-спонзорираше бројни резолуции и иницијативи во однос на Украина, а упати и воена и хуманитарна помош за земјата.
Македонија
Средба Османи – Кулеба во ОН Њујорк: Европската Унија е наша заедничка иднина
Министерот за надворешни работи, Бујар Османи, на 23 февруари 2024 година, оствари средба со министерот за надворешни работи на Украина, Дмитро Кулеба, во седиштето на Обединетите нации во Њујорк, на маргините на 56. пленарен состанок на 78. седница на Генералното Собрание.
Средбата се одржа со цел да се даде поддршка на Украина на денот на одбележувањето на две-годишнината од почетокот на руската агресија во Украина, при што Османи потенцира дека е многу важно да продолжи поддршката на Украина, бидејќи ако Русија победи во Украина, тогаш ние сме следните.
Министерот Османи, на средбата, истакна дека денес Руската Федерација е најголемата закана за безбедноста на Европа, на Западен Балкан, но и на Република Северна Македонија.
“Важно е да имаме стратешка предвидливост во нашата држава, со цел конечно да кажеме “Не” за Русија и “Да” за интегративните европски процеси на Западниот Балкан и на Република Северна Македонија”, рече Османи.
Додека, Министерот Кулеба, истакнувајќи го фактот дека Северна Македонија цврсто застана зад Украина во текот на двете години агресија, упати благодарност до граѓаните на Северна Македонија, како и благодарност до Министерот Османи за неговото лидерство и поддршка.
“Нашата иднина е заедничка, таа иднина е Европската Унија, која воедно претставува и иднина за мир и просперитет, рече Кулеба.
Двајцата Министри имаа свои обраќња пред Генералното собрание на Обединетите нации, каде упатија јасни пораки против рускат агресија врз Украина.
Македонија
(Видео) Oсмани од ОН во Њујорк: Мораме да и кажеме не на Русија
Министерот за надворешни работи, Бујар Османи, денес се обрати од седиштето на Обединетите нации во Њујорк, на 56. пленарен состанок на 78-та седница на Генералното собрание, по повод две години од инвазијата на Русија врз Украина, кој се одржа на тема: Ситуацијата во привремено окупираните територии на Украина.
Османи, уште еднаш, ја повика Русија да ја прекине оваа бесмислена војна и да ги повлече своите трупи од суверената територија на Украина.
„Русија ги прекрши основните принципи на меѓународното право и започна целосна агресивна војна против Украина, земја членка на ОН’’, истакна Османи.
Воедно, министерот потенцираше дека Северна Македонија е исто така силно загрижена и ја осудува незаконската депортација на децата од Украина во Русија и Белорусија од страна на Руската федерација и ги повика да обезбедат нивно безбедно враќање дома.
„Мораме да и кажеме не на Русија! Правдата и одговорноста мора да надвладеат”, рече Османи, воедно додаде дека Северна Македонија им се придружи на другите 140 земји-членки за поддршка на суверенитетот и територијалниот интегритет на Украина во нејзините меѓународно признати граници од 1991 година.
Османи повика на обединетост во поддршката за Украина, не само за доброто на жртвите и нивните семејства, туку и како предуслови за избегнување на понатамошни агресии и неиспровоцирана употреба на сила во меѓународните односи.