Контакт

Надворешна политика

Новоименуваните амбасадори на Иран, Јапонија, Мароко и Буркина Фасо ги предадоа акредитивните писма

Објавено пред

 

Претседателот на Република Македонија Ѓорге Иванов во четвртокот ги прими акредитивните писма на новоименуваните амбасадори на Иран, Јапонија, Мароко и Буркина Фасо.

 

На средбата со новоименуваниот амбасадор на Иран за Република Македонија, Хосеин Карими, претседателот Иванов го поздрави позитивниот тренд во односите меѓу двете земји и зголемениот интензитет на соработка којшто се бележи во изминатиот период. Македонскиот претседател истакна дека подигањето на нивото на политички дијалог помеѓу двете земји треба да придонесе кон искористување на потенцијалите за соработка во повеќе сфери од заеднички интерес.

 

Амбасадорот Карими истакна дека Иран како влијателна и решавачка сила во осетливиот регион на Блискиот Исток е посебно заинтересирана за унапредување на односите со Балканските земји, особено со Република Македонија. Во тој контекст, амбасадорот Карими посочи дека силна и вредна основа за проширување на идните односи се блиските политички ставови, јасните економски интереси, силното културно сродство и пријателството на владите на двете земји.

 

На средбата со новоименуваниот амбасадор на Јапонија за Република Македонија,  Кијоши Коинума, Иванов истакна дека двата народа и покрај географската оддалеченост го поврзува взаемното почитување и пријателство помеѓу двете земји за што говори и постојаната финансиско-техничка помош што Јапонија и ја доделува на Република Македонија по нејзиното осамостојување.

 

Според Иванов, со отворањето на резидентна амбасада на Република Македонија во Токио во 2013-та година, како и отворањето на амбасада на Јапонија во Република Македонија на почетокот од следната година, ќе се придонесе кон развојот на меѓусебните односи и збогатување на меѓусебната соработка во повеќе сфери од заеднички интерес, особено во областа на економијата и трговската размена.

 

Иванов на средбата со новоименуваниот амбасадор на Мароко, Закиа Ел Мидауи посочи дека постои искрена подготвеност  за унапредување на соработката  меѓу Република Македонија и Мароко особено во однос на збогатувањето на нормативно – правната рамка за уредување на билатералните односи, како и воспоставувањето на економска соработка.

 

На средбата по повод предавањето на акредитивните писма од новоименуваниот амбасадор на Буркина Фасо, Амаду Дико, македонскиот претседател истакна дека има потреба од унапредување на досегашната скромна соработка  меѓу двете земји. Во тој контекст, рече претседателот Иванов, значаен чекор за развивање на односите како на билатерален, така и  на мултилатерален план е запознавање на потенцијалите за воспоставување на соработка во сите сфери од заемен интерес.

 

Иванов на новоименуваните амбасадори им честита за функцијата и им посака успех во вршењето на одговорната дипломатска должност./крај/мф/бс

 



©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Македонија

(Видео) Атинската трговско-индустриска комора му додели одликување на премиерот Заев за унапредување на економските и политичките врски меѓу двете земји

Објавено пред

На претседателот на Владата, Зоран Заев денеска во Атина му е врачено одликување како признание за неговиот голем придонес во унапредувањето на економските и политичките врски меѓу Грција и Северна Македонија од страна на претседателот на Атинската трговско-индустриска комора, Константинос Михалос.

Претседателот на комората Михалос искажа голема благодарност за посветената работа на премиерот Заев и за неговите заложби за зацврстување и унапредување на економската соработка меѓу двете земји.

На средбата присуствуваа истакнати стопанственици, членови на комората од повеќе сектори како енергетика, индустрија, ИТ индустријата, фармацијата, кои искажаа интерес за инвестирање и за нови вложувања со партнери од Северна Македонија.

Премиерот Заев се заблагодари за честа за доделеното одликување и за укажаното признание и подвлече дека Владата на Северна Македонија континуирано се залага за подобрување на деловниот амбиент и за инвестициски вложувања. Посочи дека надворешно-трговската размена на Република Северна Македонија со Република Грција е значајна имајќи предвид дека Грција континуирано се наоѓа меѓу петте најголеми наши трговски партнери.

Со средбата во Атинската трговско-индустриска комора, премиерот Заев ја заокружи дводневната работна посета на Атина и учеството на Економскиот Форум Делфи.

Прикажи повеќе...

Македонија

Средба Џафери – Мази: Северна Македонија и Албанија делат заеднички интереси во надворешната политика

Објавено пред

Претседателот на Собранието на Република Северна Македонија, Талат Џафери, денеска се сретна со главниот преговарач за пристапување на Република Албанија во ЕУ, Зеф Мази.

Претседателот Џафери ги нагласи одличните односи меѓу Република Северна Македонија и Република Албанија, со интензивен политички дијалог и соработка на сите нивоа и се заложи за натамошно продлабочување на соработката во многубројни области од заемен интерес. Тој се осврна на внатрешните состојби во земјата, како и посветеноста за надминување на децениските спорови со Грција и Бугарија, што придонесе Северна Македонија да добие членство во НАТО и зелено светло од страна на Советот на Европската Унија за почнување преговори за членство во Европската Унија. Претседателот Џафери се осврна на парламентарната дипломатија и улогата на Собранието во процесот на пристапување кон ЕУ, пред сè, преку измените на законите и донесувањето ново законодавство за реформските процеси.

Главниот преговарач Мази се осврна на пристапните процеси на Албанија кон ЕУ и истакна дека ги следи и вреднува резултатите на Република Северна Македонија во процесот на европска интеграција. Тој ја нагласи виталната улога на парламентите во спроведувањето надзор над владините чекори во преговорите и градењето на државните позиции во текот на преговорите. Мази изрази надеж дека по конституирањето на собранието на Република Албанија, ќе продолжи успешната соработка меѓу парламентите на двете земји бидејќи таа го помага процесот на евроинтеграција.

Џафери и Мази се согласија дека Северна Македонија и Албанија споделуваат заеднички интереси на надворешнополитички план во рамките на ЕУ и НАТО, регионалната соработка и посветеноста за сеопфатен развој на Западен Балкан. За земјите од регионот не постои алтернатива, нивната иднина е во ЕУ. Процесот на проширување не треба постојано да се одложува и Унијата треба да понуди конкретни перспективи за европската интеграција, а пред сè, одржување на првите меѓувладини конференции за Република Северна Македонија и Република Албанија, со кои ќе го означиме формалниот почеток на преговорите, се согласија двајцата соговорници.

Прикажи повеќе...

Македонија

Димитров – Вархељи: Невозможно е да се одржува европска перспектива ако ЕУ не си ги исполнува ветувањата

Објавено пред

Во рамките на дводневната работна посета на Атина, заменик-претседателот на Владата задолжен за европски прашања, Никола Димитров, имаше обраќање на економскиот форум „Делфи“ заедно со еврокомесарот за добрососедска политика и проширување, Оливер Вархељи.

Во рамките на дебатата посветена на ЕУ и Западен Балкан беа отворени прашања за спроведување на минатогодишната одлука на ЕУ со која се даде зелено светло за почеток на пристапните преговори на Северна Македонија со ЕУ, сценариото за раздвојување на портфолијата, односите помеѓу Бугарија и Северна Македонија и последиците од постизборната неизвесност за деблокирање на процесот, како и одразот на сите овие прашања врз кредибилитетот и интегритетот на ЕУ во регионот и глобално.

Вицепремиерот Димитров го нагласи значењето за остварување на долгоочекуваното, но и заслужено официјално почнување на процесот на пристапување на Северна Македонија кон ЕУ, како сериозен тест за иднината на европската перспектива на целиот регион, но и сериозноста на ЕУ кога станува збор за процесот на проширување.

„Процесот на пристапување треба да биде процес заснован на заслуги, процес базиран на перформанси и мислам дека, конечно, го достигнавме времето кога треба да почне одамна задоцнетиот пристапен процес. Станува невозможно за нас да ја одржиме и да продолжиме да зборуваме за европската перспектива пред граѓаните на Северна Македонија. Мислам дека ова се одразува до одреден степен и во другите земји во регионот. Има голем влог и за ЕУ затоа што беа дадени ветувања и ако ветувањата не се исполнат, тоа испраќа многу негативна порака“, истакна Димитров.

Навраќајќи се на спорот со Бугарија, Димитров истакна дека би било сосема природно соседите, кои се исто така земји членки на ЕУ, да имаат најголем интерес за европска Северна Македонија, за успешна приказна во нивното соседство.

„И мислам дека од оваа перспектива треба да му пристапиме и да го ревитализираме ангажманот со Софија. Tреба да се обидеме да го искористиме моментот, да најдеме начин да ја надминеме пречката и ова го гледам како сценарио за заедничка победа или заеднички пораз. Немаме сценарио во кое Бугарија победува, а Северна Македонија губи. Обете држави сме губитници или обете победници, а и ЕУ е во ист кош“, рече Димитров.

Во тој контекст Димитров потенцира дека процесот на обединување на европскиот континент мора да биде заокружен со интеграција на Северна Македонија и регионот на Западен Балкан како регион што геофрафски е опкружен со земји членки на ЕУ, но и поради заемните економски, политички и безбедносни интереси.

„На сите ќе ни биде подобро – на земјите членки, луѓето од Европа и луѓето од регионот, кои се исто така Европејци на многу начини, ако овој регион е целосно усогласен, целосно интегриран и ако инвестираме за да има економска конвергенција и за овие држави да бидат големи европски демократии, со економски просперитет“, потенцира тој.

Еврокомесарот Вархељи ја повтори позицијата на Европската комисија дека Северна Македонија ги исполни сите услови за почеток на пристапните преговори со ЕУ и дека процесот на проширување мора одлучно да се движи напред.

Прикажи повеќе...

Најново

Македонија10 часа

Се исфрла мајонезот од исхраната во градинките, по труењето на децата во кумановската градинка

Министерството за труд и социјална политика соопшти дека ќе направи целосна ревизија на нормативите и стандардите за исхрана и оброци...

Македонија12 часа

Починатата 33 – годишна пациентка имала четири операции, а не една како што било заведено во отпусното писмо

Семејството на 33-годишната пациентка, на која ѝ беше изваден миом од матката, го објави отпусното писмо и јавно бара одговорност...

Свет12 часа

Русија официјално ги прогласи Чешка и САД за непријателски земји

Руската влада денеска официјално ги означи Чешка и САД како „непријателски земји“. Како што беше објавено на официјалниот портал за...

Свет13 часа

СЗО со порака до богатите земји: Наместо да ги вакцинирате децата, дајте ги вакцините на сиромашните

Светската здравствена организација денеска ги повика богатите земји да ги преиспитаат плановите за вакцинирање на деца против Ковид-19 и наместо...

Македонија17 часа

16 починати и 30 нови случаи на Ковид-19 од 1.658 тестирања

Министерството за здравство информира дека во последните 24 часа се направени 1.658 тестирања, а регистрирани се 30 нови случаи на...

Македонија18 часа

Грчките гранични служби го отворија преминот Евзони за македонските граѓани

Од 13 часот е почнато да се пропуштаат возила кон Грција на граничниот премин Евзони. По застојот што настана изутринава...

Македонија18 часа

Пендаровски не го потпиша указот за легализација на бесправно изградените објекти

Претседателот Стево Пендаровски го извести претседателот на Собранието на Република Северна Македонија, Талат Џафери, дека одлучи да не го потпише...

Македонија19 часа

Филипче: Помладите ќе почекаат за вакцинација

Пријавените за вакцина преку vakcinacija.mk најдоцна до понеделник ќе добијат термини за вакцинација, рече денес министерот за здравство, Венко Филипче....

Европа21 час

Германски виролог предупредува на опасност од четврти бран на вирусот

Германскиот виролог Хендрик Штрек очекува дека ситуацијата во врска со коронавирусот сигурно ќе се влоши наесен и дека е можен...

Свет23 часа

Борел: Европската Унија не е способна да го запре Израел

Жосеп Борел, високиот комесар на ЕУ за надворешна и безбедносна политика, изјави дека Европската Унија не е во состојба да...

Свет23 часа

Во Индија повеќе од 24 милиони заразени од коронавирус, индискиот сој се шири во целиот свет

Бројот на пријавени случаи на Ковид-19 во Индија се искачи на повеќе од 24 милиони лица, а индискиот сој на...

Свет24 часа

Се разгорува воениот конфликт на Блискиот Исток, стотици мртви и ранети

Израелската армија ги засили нападите врз Газа, а од Газа веќе петти ден по ред и натаму се лансираат ракети...

Македонија2 дена

Варвициотис: Не поддржуваме раздвојување на Северна Македонија и Албанија на патот кон ЕУ

Заменик претседателот на Владата задолжен за европски прашања Никола Димитров утрово во Атина го започна своето учество на 6-от Економски...

Македонија2 дена

Пендаровски: Во регионот сè уште има премногу историја што не држи на задните седишта во Европа

Претседателот Стево Пендаровски денеска се обрати на виртуелната конференција „Пред иднината – Подготовки за НАТО 2030“ во организација на Атлантскиот...

Свет2 дена

Нова опасност во Индија, смртоносната „Црна Габа“ се појави кај заразените со коронавирус

Се поголем број пациенти во Индија кои се наоѓаат во тешка здравствена состојба поради коронавирусот, добиваат ретка инфекција, т.н. „Црна...

Македонија2 дена

Муслиманите го слават Рамазан Бајрам

Муслиманите во земјава, како и во целиот свет, денеска го слават Рамазан Бајрам. По едномесечниот пост, во кој верниците се...

Македонија2 дена

Од полноќ стапува на сила скратен полициски час

Од полноќ стапува на сила скратениот полициски час кој ќе трае до 4 часот наутро. Олабавување на рестриктивните мерки ќе...

Свет2 дена

(Видео) Состојбата на Блискиот Исток се разгорува, Израел ја разгледува можноста за копнен напад на Газа

Дури и по полноќ, конфликтот меѓу израелските и палестинските сили не стивна. Проектили летаа од двете страни со несмален интензитет....

Свет2 дена

Нетанјаху: Ова е само почеток!

Израелскиот премиер Бенјамин Нетанјаху потврди дека се ликвидирани неколку команданти на Хамас и се закани со досега невиден напад на...

Регион2 дена

Европратеникот Џамбаски до Србија: Омразата кон Бугарите нема да ве однесе во ЕУ

Бугарскиот член на Европскиот парламент од партијата ВМРО БНД, Ангел Џамбаски ја предупреди Србија дека пристапувањето во ЕУ е можно...

Досие