Контакт

Надворешна политика

Преку посилно граѓанско општество до целосна интеграцијата на Балканот во ЕУ

Објавено пред

Решавањето на билатералните прашања, миграцијата, климатските промени, младинската соработка и демократското владеење беа централните теми на кои се дискутираше на Форумот на граѓанското општество кој се оддржа во понеделникот во Париз, организиран паралелно со Третиот самит за Западен Балкан во рамките на Берлинскиот процес.

dobivaj vesti na viber

Од Париз за Макфакс, Бојан Стојковски

 

Учесниците на Форумот формулираа и препораки во однос на темите на кои беше разговарано, а кои потоа беа предадени до австрискиот министер за надворешни работи Себастијан Курц и францускиот државен секретар за европски прашања, Харлем Десир. Во рамките на работилницата за билатерални прашања, на која учествуваше и Макфакс, беа формулирани повеќе препораки во однос на тоа како да се помогне овие прашања да бидат решени што поскоро, се со цел повеќе да нема блокади на патот кон ЕУ.

„Сметаме дека улогата на граѓанското општество е поддржувачка, тоа може да понуди експертизи, да создаде позитивна атмосфера и средина каде што може да се постигне помирување помеѓу општествата во решавањето на прашањата. Практично, сметаме дека форматот на Западен Балкан треба да биде проширен и со уште неколку земји членки за да се забрза решавањето на билатерланите прашања, односно земји како што се Грција, Бугарија, Романија. Второ, го поддржуваме создавањето на Фондот за Западен Балкан, кој доколку би бил формиран би понудил средства и услуги за организациите од граѓанското општество кои се вклучени во решавањето на билатералните прашања. Потоа имаме и предлог до ЕУ да назначи специјален координатор за решавањето на билатералните прашања“, изјави Сенада Сабиќ, координатор на работилницата и аналитичар во Институтот за развој и меѓународни односи.

Во дебатата учествуваа и европарламентарците Ричард Ховит, Тања Фајон, Алојз Петерле и Улрика Луначек, а според кои повеќе од јасно е дека граѓанското општество има силна улога во евроинтеграциите на Западен Балкан.

„Верувам дека неопходно треба да го засилиме граѓанското општество особено во регионот,  поради тоа што таму има слаби парламенти и слаби демократии, и мора граѓаните да се мобилизираат многу повеќе отколку претходно. По Брексит, мораме да бидеме искрени за реалноста, ЕУ не е иста како што беше порано. Живееме во период на несигурност и неопходна е трансформација, исто така и во поглед на проширувањето на ЕУ. Едно нешто е сигурно, а тоа е дека проширувањето и треба на Унијата“, изјави словенечката европратеничка Тања Фајон.

Според британскиот европратеник и поранешен известувач за Македонија во Европскиот парламент, Ричард Ховит, кога се работи за билатералните прашања, многу е важно тие да не бидат и мултилатерални  прашања, односно земјите кандидати да не бидат заложници на ваквите спорови.

„Делумно се работи за историјата наспроти иднината, бидејќи историјата е особено силна мотивација во политиката, но нормално е препрека за одењето напред. Поместувањето на историјата од минатото во иднината е важен начин за да се помести контекстот во кој ќе се решат овие прашања. Второ, билатералните прашања се билатерални, а не мултилатерални, и затоа тие треба да бидат надвор од процесот за проширувањето, со што ниедна земја не би била заложник на овие прашања. Во поглед на посредувањето, сметам дека е добра идеја, но постојат проблеми во поглед на ресурсите и политичката волја бидејќи некои од билатералните прашања вклучуваат и земји членки така што на претставниците од ЕУ им е тешко да им зборуваат на членките дека се виновни за тоа. Можеби е потребна некаква независна улога, постои голема потреба за ова. Постојат и начини за да се зголеми мотивацијата за решавањето на овие прашања, како на пример отворањето повеќе поглавја. Како политичари понекогаш треба да бидете доста цврсти, а понекогаш да покажете лидерство и да направите избори, а граѓанското општество може да помогне во ова, да создадат средина  каде што на политичарите ќе им биде полесно да ги донесат овие одлуки“, порача Ховит.

Европската унија не се наоѓа во моменталната состојба поради проширувањето, постојат многу други прашања за тоа, смета словенечкиот европратеник  Алојз Петерле.

„Многумина од моите колеги не сакаат повеќе да го користат терминот „проширување“, сакаат да се промени терминологијата, но за мене е битно да не заврши перспективата и процесот, не ја менувајте терминологијата, менувајте ја динамиката. Исто така не треба да се дозволи две асиметрични слики, бидејќи статусот на земјите од Западен Балкан е различен, така што имате една земја која веќе 10 години е целосно блокирана, други две се во ветувачка состојба и сметам дека овие асиметрични слики не се добри за земјите членки но и за иднината на регионот. Проширувањето е само одложен дел од историското проширување кое настана во 2004-та година. Сметам дека во овој период релевантоста на Западен Балкан е уште поважна. Проблемите со кои ЕУ се соочува сега не беа предизивкани од проширувањето, постојат други причини за тоа а проширувањето во многу аспекти имаше лековит ефект врз Унијата“, вели Петерле.

За австриската европратеничка и потпретседател на Европскиот парламент, Улрике Луначек, вклученоста на граѓанското општество во решавањето на билатералните прашања ќе се добие и гаранција за спроведувањето на сите евентуални решенија на овие проблеми.

„Доколку сакате да одите напред не можете минатото едноставно да го оставите назад, но исто така важно е да се помирите со тоа што се случило. Сметаме дека има потреба да се решат билатералните прашања, а доколку во процесот навремено е вклучено и граѓанското општество, тогаш тоа ќе биде гарант дека решенијата ќе биде спроведени од страна на сите.

Австрискиот министер за надворешни работи Себастијан Курц, пак, ги повтори заложбите на неговата земја за европската перспектива на регионот, потенцирајќи ја улогата на граѓанското општество.

„Јасно е дека иднината на Западен Балкан е во ЕУ, нема сомневања за ова и резултатите од Brexit треба да претставуваат предупредување за сите нас да ги имплементираме неопходни реформи на европско ниво, и нема да ги промени нашата посветеност кон европската перспектива на Западен Балкан. Граѓанското општество има силна улога во ова, за да се постигне напредок во понекогаш тешките реформи и во одбраната на демократијата и човековите права“, порача Курц.

Францускиот министер Десир, пак, потенцираше дека за интеграцијата на Балканот во Унијата е потребно и силно граѓанско општество, а пак безбедноста на ЕУ ја поврза со соработката со балканските држави, бидејќи „ЕУ никогаш нема да биде комплетна без целосната интеграцијата на Западниот Балкан“./крај/мф/бс

Македонија

Муцунски во прва работна посета на Брисел на средби со генералниот секретар на НАТО и високи претставници на ЕУ

Објавено пред

Министерот за надворешни работи и надворешна трговија, Тимчо Муцунски, од Луксембург продолжува во прва работна посета на Брисел, во чии рамки ќе се сретне со генералниот секретар на НАТО, Јенс Столтенберг, како и високи претставници на Европската Унија.

dobivaj vesti na viber

Во фокусот на разговорите ќе бидат евроинтегративниот процес на државата, реформските процеси, како и активностите во рамките на НАТО, со посебен фокус на претстојниот аамит на алијансата, што ќе се одржи идниот месец во Вашингтон.

Посетата на Муцунски на Брисел на почетокот на мандатот како министер за надворешни работи и надворешна трговија е показател за цврстата определба на земјата за што побрзо членство во Европската Унија и посветениот придонес кон глобалниот мир и регионалната стабилност како кредибилна земја членка на НАТО.

Прикажи повеќе...

Македонија

Муцунски се сретна со Вархељ: Новата Влада е силно посветена на реформската агенда и европските интеграции

Објавено пред

Министерот за надворешни работи и надворешна трговија, Тимчо Муцунски, се сретна со еврокомесарот за соседство и проширување, Оливер Вархељ, во Луксембург.

dobivaj vesti na viber

Во фокусот на разговорите беа приоритетите и активностите на новата Влада, како и актуелностите поврзани со европското досие на земјата.

„Новата Влада е силно посветена на реформската агенда и европските интеграции, а во периодот што следува ќе преземеме низа активности во насока на забрзување на нашиот евроинтегративен процес. Политиката на проширување на ЕУ е најдобрата алатка за поттикнување на реформските и демократските процеси, но истовремено е и клучна геостратешка инвестиција во мир, стабилност и економски развој на земјите од регионот, но и Европа како целина“, нагласи Муцунски.

Соговорниците разменија мислења и за планот за раст на ЕУ оценувајќи го како силна поддршка од страна на ЕУ за економско зајакнување на земјите од Западен Балкан, поттикнување на регионалната соработка, но и доближување на земјите од регионот поблиску до ЕУ и пред формалното членство.

Прикажи повеќе...

Македонија

Средба на претседателите на Собранијата на Македонија и Украина, Митрески и Стефанчук

Објавено пред

Претседателот на Собранието на Република Северна Македонија, Јован Митрески, во рамките на посетата на Киев по повод втората годишнина од почетокот на руската воена агресија врз Украина, оствари средба со претседателот на Врховната рада на Украина, Руслан Стефанчук.

dobivaj vesti na viber

Претседателот Митрески изрази благодарност за поканата и нагласи дека посетата претставува потврда на цврстата и непоколеблива поддршка на Република Северна Македонија за Украина, на сите полиња. Тој нагласи дека уште од самиот почеток силно ја осудуваме руската агресија против Украина, континуирано ја потврдуваме нашата поддршка за украинскиот територијален интегритет, суверенитет и целовитост и изразуваме целосна поддршка на правото на самоодбрана на земјата.

Претседателот на Собранието истакна дека Северна Македонија целосно се приклучи на сите рестриктивни мерки и санкции на ЕУ кон Руската Федерација, ко-спонзорираше бројни резолуции и иницијативи во однос на Украина, а упати и воена и хуманитарна помош за земјата.

Прикажи повеќе...

Најново

Македонија5 часа

„Прогласена е кризна состојба“ – СМС порака која стигна до граѓаните е тест за масовно известување во кризни состојби

Во текот на попладневните часови, дел од граѓаните добија СМС порака со следната содржина: „Ве известуваме дека има прогласена кризна...

Македонија8 часа

Спасовски: СДСМ ги повлекува сите амандмани, бараме средства за справување со пожарите и настраданите во Кочани

Координаторот на пратеничката група на СДСМ, Оливер Спасовски, на денешната прес-конференција најави дека СДСМ и коалицијата ќе ги повлечат сите...

Македонија8 часа

МНР го осуди говорот на министерот Георг Георгиев, бугарскиот амбасадор повикан на разговор

Министерството за надворешни работи и надворешна трговија најостро ги осудува навредливите изјави упатени кон претседателот на Владата и институциите на...

Македонија9 часа

Ангелов со апел до граѓаните: Пријавете на 112 ако видите сомнително однесување поврзано со пожарите

Директорот на Дирекцијата за заштита и спасување, Стојанче Ангелов, денеска упати силен апел до граѓаните да пријават какво било сомнително...

Македонија11 часа

Не само што се сомневаме, туку имаме и докази дека пожарите се подметнати, рече Мицкоски

Не само што се сомневаме, туку имаме и докази, изјави премиерот, Христијан Мицкоски одговарајќи на новинарско прашање во однос на...

Македонија12 часа

(Видео) Филипче: ВМРО-ДПМНЕ ветуваше подобра преговарачка позиција, донесе единствено понижувања на државата

По преземањето на власта, ВМРО-ДПМНЕ наследи стабилна и јасна позиција во евроинтегративниот процес со загарантиран македонски јазик во Европската Унија...

Македонија12 часа

Зачуван статусот на Охридското Езеро како светско природно и културно наследство

Министерот за надворешни работи и надворешна трговија, Тимчо Муцунски, денеска на прес-конференција во Владата информира дека статусот на Охридското Езеро...

Македонија12 часа

Се испитуваат причините за пожарот во Визбегово, побаран притвор за двете лица што нападнаа новинарска екипа

Постапувајќи во врска со вчерашниот пожар во Визбегово, скопското Обвинителство поведе итна постапка против две лица – маж и жена...

Македонија14 часа

Димитриевски: Македонија мора да се обедини доколку сака да се зачува и да опстане

Претседтелот на Движењето ЗНАМ – За Наша Македонија, Максим Димитриевски на денешната прес-конференција рече дека вчерашниот ден, на прв поглед,...

Македонија16 часа

Успеавме да спречиме ЕП да се користи за домашна политичка пропаганда на Мицкоски, вели бугарскиот шеф на дипломатијата

„Успеавме да спречиме Европскиот парламент да се користи за домашна политичка пропаганда на Мицкоски. Северномакедонскиот премиер очигледно не е возбуден...

Македонија16 часа

СДС се сити на пожарите, постојано се подметнуваат, а тие шират политички хаос и прават политички маркетинг, велат од ВМРО-ДПМНЕ

Според партијата на власт, во СДС ништо не се менува и СДС продолжува со истата политичката матрица секогаш кога има...

Македонија16 часа

„Вреди“ до ДУИ: Доста со лаги, Албанците не се бројки за манипулација, ниту нули за игнорирање

Секојдневно, ДУИ шири ниски и бесрамни лаги против владењето на „Вреди“, обидувајќи се да ја измами јавноста со празни тврдења...

Македонија16 часа

Активни девет пожари во државата: сè уште гори во Чучер-Сандево, Визбегово, Дојран, Македонски Брод

Центарот за управување со кризи информира дека во моментов се активни девет пожари, меѓу нив и пожарот на депонијата во...

Спорт17 часа

Вимблдонска приказна што треба да ја прочитаат Сиљановска и Мицкоски: Чилеанец со македонско потекло, кој се гордее со тоа

Од специјалниот известувач од Вимблдон По скандалите со доделувањето на македонски пасоши на белосветски криминалци и нарко-босови, вистински потег на...

Свет18 часа

Рубио денес ќе се сретне со Лавров

Американскиот државен секретар Марко Рубио ќе се сретне со рускиот министер за надворешни работи Сергеј Лавров на маргините на состанокот...

Европа19 часа

(Видео) Експлозии одекнуваат во Киев, во тек е масовен руски напад, има жртви

Русија изврши масовен воздушен напад врз Украина втора ноќ по ред, а Киев беше најтешко погоден, каде што експлозиите одекнуваа...

Македонија19 часа

Сообраќајот од клучката Орман до клучката Мирковци е пуштен за редовен сообраќај

Сообраќајот на потегот од Клучка Орман до Клучка Мирковци е пуштен за редовен сообраќај, исто така и на потегот Скопје-ГП...

Македонија1 ден

(Фотогалерија) Армијата вклучена во гаснењето на пожарите

Армијата согласно одлуката на претседателката Гордана Сиљановска-Давкова за учество на дел од припадниците на Армијата во гаснењето на пожарите и...

Македонија1 ден

Тошковски: Пожарите можеби се дел од поинакво сценарио, истрагите за подметнувања се во тек

Министерот за внатрешни работи, Панче Тошковски, изјави дека денеска бил тежок ден со вкупно 20 пожари ставени под контрола, а...

Македонија1 ден

Ангажирани 60 војници за пожарот кај Ѓорче Петров, грчките канадери упатени кај Дојран

По барање на Центарот за управување со кризи, грчки канадери веќе дејствуваат на пожарот кај селото Николиќ, во близина на...