Контакт

Надворешна политика

Претстадателот Иванов го прими новите мбасадори на Нов Зеланд и Талјанд

Објавено пред

Македонскиот претседтел Ѓорге Иванов денеска ги прими акредитивните писма на новоименуваниот амбасадор на Нов Зеланд за Република Македонија, со седиште во Рим,  Доналд Тревор Матесон, и на новоименуваниот амбасадор на Кралството Тајланд за Република Македонија, со седиште во Анкара, Тарит Чарунгват. 

На средбата со амбасадорот Матесон, претседателот Иванов потенцираше дека односите меѓу Република Македонија и Нов Зеланд се развиваат во духот на пријателството, меѓусебното разбирање и заемното почитување. „Минатата година одбележавме значаен јубилеј во нашата заедничка историја – 20 години од воспоставувањето на дипломатските односи. Верувам дека со заеднички ангажман, во наредниот период, ќе придонесеме во нивно значително проширување во многу сфери од заеднички интерес. Постои голем простор за зголемување на активностите и иницијативите во економската сфера и во договорната состојба, за што се надевам за време на Вашиот мандат ќе биде ставен посебен акцент“, рече македонскиот претседател. Претседателот Иванов истакна дека двете земји се географски оддалечени една од друга, но истовремено силно поврзани, што несомнено влијае врз подоброто запознавање и зацврстувањето на билатералните односи. Големиот број државјани на Нов Зеланд со потекло од Република Македонија, играат важна улога на мост меѓу двете земји, што според претседателот Иванов, ќе помогне во остварувањето на заедничките цели. Амбасадор Матесон изрази надеж дека за време на неговиот мандат ќе придонесе за развојот на билатералните односи, истовремено оценувајќи дека во изминатите две децении Македонија покажала дека е кредибилен партнер во меѓународната заедница и земја која што има важна улога во стабилизирањето на регионот во Југоисточна Европа. „Ваша Екселенцијо, пријателските односи меѓу Македонија и Нов Зеланд ги одбележува континуирана соработка и меѓусебна доверба. Владата на Нов Зеланд со нетрпение ги очекува идните можности за унапредување на нашите билатерални односи, во политичката, економската, трговската и културната сфера“, истакна амбасадорот Матесон, додавајќи дека Нов Зеланд и посакува успех на Македонија и во нејзините аспирации да стане земја-членка на Европската унија и на НАТО. На средбата со амбасадорот Чарунгват, претседателот Иванов му посака добредојде и успех во извршувањето на одговорната должност и истакна дека Република Македонија е заинтересирана за унапредувањето на севкупните односи со Кралството Тајланд. „Следната година, нашите две земји ќе одбележат десетгодишнина од воспоставувањето на дипломатските односи. Верувам дека овој значаен јубилеј ќе претставува можност да ги трасираме насоките на нашата идна соработка, во сите области од заемен интерес, а особено во доменот на економијата“, рече македонскиот претседател. Амбасадорот Чарунгват изрази волја за натамошно зајакнување на меѓусебните врски, особено на политичко и економско ниво. „Во економските односи, доверено ми е да изнајдам начини и средства за зголемување на меѓусебната размена и инвестициите, обезбедувајќи го приватниот сектор на двете страни со можности меѓусебно да ги осознаат потенцијалите, кои што се од клучно значење да се постигне тоа“, истакна амбасадорот Чарунгват, додавајќи дека ќе ги охрабрува тајландските инвеститори да ги истражуваат потенцијалите на Република Македонија како 36-та по ред најдобра бизнис дестинација според Forbes, оценета според монетарната и трговската слобода, даночните олеснувања и инвестициската заштеда. Македонскиот претседател на двајцата амбасадори им посака успешно извршување на одговорната дипломатска функција и им изрази поддршка во вршењето на должноста./крај/мф/ач

Извор: Макфакс



©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Македонија

Секоја година во чест на договорот со Грција во Преспа ќе се одржува меѓународен форум

Објавено пред

Министрите Едмонд Адеми и Никола Димитров денеска го претставија проектот ЕУ за Преспа, финансиран од ЕУ, како и „Преспа форумот за дијалог“.

„Во септември минатата година, Владата формираше работна група за поддршка на Преспанскиот регион, а честа да ја водам групата ми припадна мене“, нагласи министерот без ресор задолжен за дијаспора, Адеми, кој додаде дека вкупната сума на проектот е 18 милиони евра и средствата ќе бидат обезбедени од ИПА фондовите за 2021 година.

Објасни дека целта на проектот е да му понуди на регионот долгорочна и одржлива економска перспектива, а со тоа и задржување на младите во самиот регион.

Адеми исто така го претстави „Преспа форумот за дијалог“ и рече дека тојсе појавува како резултат на подобрениот меѓународен имиџ на државата, по потпишаниот Преспански договор и одблокираниот евро-атлантски процес.

„Планот ни е, традиционално, секој 17 јуни, кога е потпишан е Преспанскиот договор, да организираме меѓународен форум за дијалог и соработка, на кој би поканиле што поголем број на светски и регионални државници и јавни личности. За тоа, следните месеци, по изборите, ќе ги дефинираме деталите, согласно претходната одлука на Владата”, рече Адеми.

Министерот за надворешни работи, Димитров нагласи дека планирано е „Преспа форумот за дијалог“ да биде сместен во мултимедијалниот центар, кој ќе биде изграден како дел од проектот ЕУ за Преспа.

Визуелниот изглед на центарот беше претставен од архитектот Ивана Белчева.

 

 

Прикажи повеќе...

Македонија

Спасовски: На прагот сме на процес што ќе ни овозможи европските стандарди да ги примениме дома

Објавено пред

Премиерот Оливер Спасовски во своето обраќање на прес-конференција по повод утврдената преговарачка рамка за преговори со ЕУ, заедно со министерот за надворешни работи, Никола Димитров, истакна дека со тоа е остварена успешно уште една многу важна етапа во процесот на пристапување.

„Со оваа одлука се потврдува дека нема отстапувања од процесот што е утврден. Поставени се рамките на патот што ја прават Северна Македонија уште поблиску до членство во Унијата. Интеграцијата на нашата земја во ЕУ го добива заслуженото забрзување за да се придружи кон семејството народи обединети околу европската идеја“, нагласи Спасовски и додаде дека оваа доаѓа по одлуката на Европскиот совет за почеток на преговорите од 26 март годинава.

Спасовски додаде дека во земјата ќе почне процес што ќе помогне европските стандарди во сите области да ги оствариме и применуваме дома.

Министерот за надворешни работи, Никола Димитров, во своето обраќање нагласи дека Европската комисија ја исполнила својата задача и врз основа на новата методологија предложила преговарачка рамка, која е поконкретна, подинамична и поверодостојна.

„По усогласувањето на преговарачката рамка и нејзиното усвојување од страна на Советот, односно земјите членки, следува првата меѓувладина конференција, која е првиот конкретен чекор и реформски дијалог меѓу Северна Македонија и Европската Унија. За ова е потребна влада со политички мандат“, потенцира Димитров.

Прикажи повеќе...

Македонија

Димитров: Европската комисија го усвои предлогот на Преговарачката рамка

Објавено пред

Европската комисија го усвои предлогот на Преговарачката рамка и од денес таа е во рацете на земјите членки, соопшти министерот за надворешни работи, Никола Димитров.

Како што покјасни тој, Преговарачката рамка од страна на ЕК е прилагодена врз основа на новата методологија за пристапниот процес.

„Суштината на предложената Преговарачка рамка, за којашто, според последните информации, веќе следната недела во Брисел ќе се разговара од страна на земјите членки на експертско работно ниво е европските стандарди да си ги донесеме дома. Пред се’ демократските принципи и вредности поврзани со владеењето на правото, како и економските реформи“, посочи министерот.

Тој додаде дека ова се случува токму на денот кога претседавањето со Советот на ЕУ го презема Берлин и изрази уверување дека со германска поддршка во следниве месеци ќе биде отвориме првата Меѓувладина конференција.

„Во тој момент започнува конкретното одвивање на пристапниот процес преку завршување на скрининг процесот и отворање на првиот кластер наречен – Основни вредности кој ги третира клучните реформски области од Поглавјето 23 – Правосудство и фундаментални права, Поглавјето 24 – Правда, слобода и безбедност, Економските критериуми, Функционирањето на демократските институции, Реформата на јавната администрација, Поглавјето 5 – Јавни набавки, Поглавјето 18 – Статистика и Поглавјето 32 – Финансиска контрола“, појасни Димитров.

Прикажи повеќе...

Најново

Македонија56 минути

Заев: САД се нашиот најголем партнер во градењето на стабилна, демократска држава

Претседателот на СДСМ Зоран Заев, испрати честитка по повод 4 јули, Денот на независноста на Соединетите Американски Држави. Во честитката...

Свет1 час

Осумгодишно момче убиено во пукање во САД

Осумгодишно момче загина, а тројца други се повредени во пукање во трговски центар во Алабама, објави АП. Полицијата сè уште...

Свет2 часа

Русија ќе подготви 70 милиони дози вакцини за Ковид-19, привичните тестови се успешни

Две недели откако започнаа клиничките тестирања врз група волонтери на руската вакцина против Ковид-19, нема никакви негативни ефекти, со што...

Свет3 часа

За коронавирус тестирани 10 милиони луѓе во Кина

Градските власти во Пекинг објавија дека 10,4 милиони луѓе, или околу половина од жителите на кинеската престолнина,се тестирани за присуство...

Свет3 часа

Четири лица загинаа, а 97 се повредени во експлозијата во Турција

Четири лица загинаа, а 97 од 186 вработени се повредени при експлозијата во фабрика за пиротехника во Турција. Фабриката е...

Свет3 часа

Првите резултати од лекот против Ковид-19 се очекуваат за две недели

Светската здравствена организација ги очекува во следните две недели првичните резултати од клиничкото тестирање на лекови кои би можеле да...

Регион13 часа

Се запали авион со 164 патници и членови на екипаж, принудно слета во Грција

Авион на ирската компанија „Рајанер“ со 164 патници и членови на екипаж принудно слета на аеродромот во Солун, бидејќи во...

Свет14 часа

Тенгел: Наместо да се смеетe на шведскиот модел, научете нешто од нас

Наместо да се смеете на нашиот модел на борба против Ковид-19, подобро би било да научите нешто од нашето искуство,...

Свет15 часа

СЗО: Засега Ковид-19 нема мутација што го прави посилен

Вирусот Ковид-19 досега нема мутации што ќе го направат посилен или ќе доведат до потешка болест, вели главниот епидемиолог на...

Топ19 часа

Во Охридското Езеро се удави 49-годишен маж

Во водите на Охридското Езеро денеска околу 14.30 часот е пронајдено безживотно тело на плажа на кејот Македонија. На местото...

Македонија20 часа

Регистрирани 165 новозаразени – починаа 7, а оздравеа 128 лица

Министерството за здравство информира дека во последните 24 часа се направени 1454 тестирања, а регистрирани се 165 нови случаи на...

Европа21 час

Во ЕУ дозволен прв лек против Ковид-19

Европската комисија издаде условна дозвола за ставање во промет на лекот ремдесивир, кој стана првиот медикамент за лекување на Ковид-19...

Македонија21 час

Јовановски поднесува кривични пријави за триесеттина лица, бара вклучување на меѓународните институции

Осудениот во случајот „Рекет“ Бојан Јовановски  продолжи со поднесување кривични пријави во скопското обвинителство поврзани со предметите „Рекет“ и „Меѓународен...

Топ22 часа

Вработен во МВР станал и советник во Општина Арачиново – внатрешна контрола го разгледува случајот

Одделот за внатрешна контрола, криминалистички истраги и професионални стандарди поднесе иницијатива за поведување постапка за утврдување дициплинска одговорност против Ф.Х....

Свет23 часа

(Видео) Најмалку 41 повреден во експлозија во фабрика за огномети во Турција

Најмалку 41 лице е повредено по експлозијата во фабрика за огномети во северозападната турска провинција Сакарија, пренесува „Хуриет дејли њуз“....

Македонија23 часа

Засега нема затворање на границите со Србија и Косово

Границите со Србија и Косово остануваат отворени, откако Комисијата за заразни болести не даде препорака тие да бидат затворени поради...

Свет1 ден

Научниците докажаа: Нова верзија на коронавирус се шири низ целиот свет, до 6 пати позаразна

Мутирана верзија на новиот коронавирус што предизвикува Kовид-19, која е распространета денес во светот, во лабораторија се покажа дека е...

Македонија1 ден

Принуден карантин за поранешната манекенка Накова, која место во самоизолација била на базен

Поранешната манекенка Александра Накова-Гајдаџиев вчера попладне била уапсена на базен во Гевгелија бидејќи не го почитувала решението за самоизолација, потврдија...

Македонија1 ден

Директорката на кумановската болница е позитивна на коронавирус

Директорката на Општа болница Куманово, Снежана Захариева, утрово на социјалните мрежи објави дека е позитивна на Ковид-19. „Како за добро...

Регион1 ден

Прогласена вонредна состојба во Белград

Во Белград денеска е прогласена вонредна состојба како резултат на влошената епидемиолошка состојба. Ваквата одлука е донесена на седницата на...

Досие