– (Иванов на средба со шпанската делегација предводена од кралот Фелипе VI

Македонскиот претседател во Ѓорге Иванов, на маргините на 69-то Генерално собрание на Обединетите нации, покрај повеќето билатералн исредби што ги имаше со своите колеги светски челници, во петокот се сретна и со претседателот на Арапската Република Египет, Абдел Фатах ал-Сиси, што претставуваше прва средба на ниво на претседатели во 20-годишните дипломатски односи меѓу двете земји.
 

Македонскиот претседател во Ѓорге Иванов, на маргините на 69-то Генерално собрание на Обединетите нации, покрај повеќето билатералн исредби што ги имаше со своите колеги светски челници, во петокот се сретна и со претседателот на Арапската Република Египет, Абдел Фатах ал-Сиси, што претставуваше прва средба на ниво на претседатели во 20-годишните дипломатски односи меѓу двете земји.

Двајцата претседатели изразија подготвеност за натамошното зајакнување на севкупните односи меѓу Македонија и Египет. Како прв чекор во таа насока, беше договорено во наредниот период да се зајакнат политичките контакти на сите нивоа. Претседателот Иванов ја прифати поканата за негова посета на Египет. Како приоритетни сфери на кои треба да биде ставен акцентот беа посочени, соработката во економската сфера, зголемување вкупниот обем на трговската размена, соработката во сферата на културата и образованието, и унапредување на договорната сфера меѓу двете земји. Претседателот Иванов и претседателот ал-Сиси разменија мислења за случувањата во регионот на Југоисточна Европа и на Блискиот исток. Двајцата челници изразија подготвеност за соработка меѓу двете држави и на мултилатерален план. Претходно во четвртокот Претседателот Иванов оствари средба и со претседателот на Полска, Бронислав Коморовски. Двајцата соговорници констатираа притоа дека односите меѓу двете земји се пријателски, без отворени прашања, и со плодна соработка во сите сфери од заеднички интерес. Иванов го реафирмираше интересот за развој и унапредување на економската соработка во контекст на зголемени контакти на бизнис заедниците и граѓаните на двете земји, како и за интензивирање на соработка во областа на образованието и културата.

Македонскиот претседател, исто така, искажа задоволство од континуираниот политички дијалог, и воедно изрази благодарност за отворената поддршка од Полска во однос на евроатлански пат на земјата, додавајќи дека очекува истата да продолжи и во иднина.

Иванов апелираше за почетокот на преговорите со Македонија да биде на дневен ред на декемвриските состаноци на Советот на ЕУ со цел да се донесе одамна заслужената и долгоочекувана одлука за нашата држава. Во контекст на НАТО, Македонија бара почитување на меѓународното право, меѓународните договори и пресудата на Меѓународниот суд на правдата, и во таа насока очекува поддршка од Полска, истакна Иванов.

„Ширењето на зоната на слобода и стабилност во регионот на Балканот, особено денес, кога сите земји се соочуваат со сериозни закани и предизвици, е придобивка и за Алијансата и за нашиот регион“ нагласи Иванов, додавајќи дека во контекст на ЕУ, Македонија очекув аи во нејзинито случај да се применат позитивните примери од регионот, на паралелно движење во интеграцијата и надминувањето на билатералните прашања.

Претседателот Коморовски од своја страна истакна дека Македонија може во Полска да гледа како на земја партнер и поддржувач во однос на нашите севкупни евро-атлантски интегративни процеси, дополнувајќи дека процесот на проширување на ЕУ и НАТО мора да продолжи со државите од западен балкан.

Иванов средбата ја искористи да упати честитки за изборот на полскиот премиер Доналд Туск за претседател на Европскиот совет. Двајцата соговорници разменија мислења и за актуелните случувања во Украина, при што претседателот Иванов истакна дека Македонија се залага за деескалација на тензиите, и ги поддржува сите напори за мирно решавање на кризата. Иванов во Обединетите нации имаше средба и со претседателот на Латвија, Андрис Берзин, при што побара поддршка за Република Македонија за време на латвиското претседавање со Европската унија. На средбата, двајцата претседатели разговараа за продлабочување и унапредување на билатералните и економските односи, како и за европските и евроатланските интеграции на Македонија.

Иванов изрази задоволство од достигнатото ниво на односите меѓу двете земји, во контекст на политичката соработка кое се традиционално добри и пријателски. Македонскиот претседател се заблагодари за досегашната поддршка и помош којашто Латвија ја дава за македонското интегрирање во евро-атланските структури, и изрази надеж дека таа ќе продолжи и во иднина, особено кога Латвија ќе го преземе претседавањето со ЕУ од јануари 2015.

Во тој контекст македонскиот претседател истакна дека Република Македонија предолго го чека заслуженото членство во Алијансата, како и следната фаза во интеграцијата во ЕУ. „Македонија бара почитување на меѓународното право и на меѓународните обврски, и во таа насока очекува поддршка од Латвија и од земјите членки на ЕУ, кои воедно се и членки на НАТО“, рече Иванов дополнувајќи дека е потребно и во македонскиот случај да се применат позитивните примери од регионот, на паралелно движење на преговорите.

Латвискиот претседател Берзин нагласи дека проширувањето ќе биде високо на агендата на латвиското претседателство, и дека дава целосна поддршка по однос на евро-атлантските интеграции на Република Македонија Во една од бројните средби што ги оствари македонскиот претседател во Њујорк, во четвртокот беше и онаа шпанскиот крал Фелипе VI, при што Иванов го покани шпанскиот суверен да ја посети Македонија.

На средбата, исто така, беше изразено задоволство од позитивниот развој на билатералните односи меѓу Република Македонија и Кралството Шпанија. Претседателот Иванов истакна дека во наредниот период потребно е зголемување на политичкиот дијалог и размена на посети на сите нивоа. Во тој контекст македонскиот претседател додаде дека отворањето на македонската амбасада во Мадрид и шпанската амбасада во Скопје е добар чекор за зголемување на политичките односи, и воедно упати отворена покана до кралот Фелипе VI за посета на Македонија.

Иванов изрази подготвеност за искористување на сите можности за натамошно продлабочување на односите во сфери од заеднички интерес, со посебен акцент на можностите за развој на економската и соработката во културата. Воедно македонскиот претседател додаде дека Република Македонија е дел и придонесува со свој влог во Алијансата на цивилизациите, каде основачи се Шпанија и Турција. Претседателот на Република Македонија, оствари и неформална средба со јапонскиот премиер Шинзо Абе. Претседателот Иванов и премиерот Абе изразија задоволство од развојот на билатералните односи меѓу двете земји кои оваа година ја бележат својата 20-годишнина, особено од нагорниот тренд во политичкиот дијалог. Иванов изрази надеж дека Јапонија наскоро ќе отвори своја амбасада во Скопје, со што севкупната соработка меѓу двете земји би се зголемила и продлабочила. Двајцата соговорници констатираа дека односите ги карактеризира пријателство и меѓусебно разбирање, но и дека постои огромен неискористен потенцијал за натамошно унапредување и продлабочување на соработката во сите области од заеднички интерес, а особено во економската сфера. Во оваа прилика, претседателот Иванов изрази благодарност за досегашната техничка-економска соработка и за бројните донации и реализирани проекти, и изрази подготвеност за реализација на нови проекти. Иванов на маргините на 69-то Генерално собрание на ОН ја имаше и својата прва средба со новоизбраниот претседател на Словачка, Андреј Киска, при што беше истакнато дека Братислава ја поддржува евроатлантската интеграција на Македонија

На средбата беа потврдени добрите билатералните односи и континуираниот политички дијалог помеѓу Република Македонија и Словачката Република, засновани на долги традиционални врски на пријателство и меѓусебно разбирање. Соговорниците констатираа дека меѓусебната билатерална соработка континуирано се продлабочува, но дека истовремено постои голем неискористен потенцијал за поинтензивна соработка во голем број области од заемен интерес, а особено на полето на економијата, инвестициите, образованието, културата и туризмот. Претседателот Иванов го информираше соговорникот за состојбата со реализацијата на нашите стратешки цели,членството во ЕУ и НАТО, како и за процесот кој се води во рамките на ОН за надминување на билатералната разлика со Грција. Претседателот Киска истакна дека Словачка како и досега ќе продолжи со поддршката на стратешките цели на Македонија, нагласувајќи дека ги подржуваат позитивните примери на паралелно движење во интеграцијата во ЕУ и надминувањето на билатералните проблеми во ЗБ.

На средбата која беше прва со новоизбраниот словачки претседател, беа разменети мислења и информации за состојбите во регионот на Балканот, а претседателот Иванов упати отворена покана кон својот колега за реализација на официјална посета на Македонија./крај/мф/ач

Извор: Макфакс