Надворешна политика
Родс: Прерано е да се каже дека вратата на НАТО за Македонија ќе биде отворена во јули
САД ја поддржуваат политиката на „отворени врати“ на НАТО, но да се каже дека вратата на Алијансата уште во јули годинава ќе биде отворена за Македонија е прерано, констатираше Бен Родс, главниот советник за надворешна политика на американскиот претседател Барак Обама во администрацијата на Белта куќа, на брифингот во средата вечерта со странските новинари во Вашингтон.
Изјавата Родс ја дал, како што пренесува агенцијата ТАСС, на барањето да ја коментира средбата во понеделникот во Белата куќа на американскиот потпретседател Џозеф Бајден и македонскиот премиер Никола Груевски, при што се констатира дека македонските новинари новинарите очигледно предвид го имале јулскиот самит на НАТО кој ќе се одржи во полската престолнина на Варшава.
„НАТО ги поддржува аспирациите на земјите коишто ги исполнуваат критериумите за членство. Но, што се донесува до Македонија и одлуката во јули, тоа би било некој мошне забрзан распоред. Сметам дека овој процес ќе трае уште извесно време“, рекол Родс без да ги прецизира причините, иако е познато дека нерешениот спор за името со Грција е главниот фактор за закочениот долгогодишен процес на влез на земјата во НАТО.
Родс во средата навел дека, на пример, во случајот на Црна Гора тој процес траел „повеќе години“, но, сепак, изразил убеденост дека во Варшава ќе биде дискутирано за аспирациите на Македонија.
На почетокот од ноември македонскиот министер за одбрана Зоран Јолевски неколку дена престојуваше во Варшава каде учествуваше на Безбедносниот форум, каде се дискутираше стратегијата за Самитот на НАТО јули годинава, при што имаше средба со заменикот генерален секретар на НАТО, Александар Вершбоу. Тогаш покрај настапот на Форумот, Јолевски имаше работен ручек со Роберт Копјецки, тогашен потсекретарот во полското министерство за одбрана, задолжен за организација на следниот Самит на НАТО, американскиот амбасадор во Варшава, Пол Џонс и потпретседателот на Атлантскиот совет и поранешен советник во Белата куќа, Дејмон Вилсон.
„Повеќе од две декади Македонија функционира како демократска земја во која се почитуваат меѓународните вредности и принципите на еднаквост. Демократијата е базата врз која градиме просперитетна држава чии стратегиски цели се полноправното членство во НАТО и ЕУ. Нашата посветеност кон мирот, демократијата и безбедноста е видлива и преку учеството на припадниците на АРМ во меѓународните мировни мисии предводени од НАТО, ЕУ и ОН“, рече тогаш Јолевски, во своето обраќање како еден од клучните говорници на Безбедносниот форум во Варшава.
Изјавите на советникот на Белата куќа за надворешни работи од средата се во контекстот на односите меѓу Вашингтон и Москва во врска со проширувањето на НАТО на Балканот, поради што и дописникот од Босна и Херцеговина побарал и неговата земја да биде земена во составот на Алијансата, наведувајќи ја изјавата на рускиот вицепремиер Дмитриј Рогозин кој претходно седмицава во Белград изјави дека Русија ќе ја разгледа можноста за испорака на Србија на противоздушните ракетни системи С-300. Сепак, изјавата на Рогозин беше дадена во контекстот на српските реакции на најавите на соседна Хрватска, членка на НАТО, дека ќе купува балистички проектили со среден дострел.
Родс одговорил дека САД, се разбира, го подржуваат правото на секоја земја самостојно да одлучуваат за нивните односи со НАТО и ЕУ, но додал дека „искрено говорејќи, не мислам дека е во интерес на регионот да се создава впечатокот дека тој се стреми кон некоја незначајна игра, во духот на ‘студената војна’ меѓу САД и Русија“.
„Според нашето мислење, овој пристап за вашиот регион е неконструктивен“, порачал советникот на Белата куќа.
Родс прецизирал дека прашањето за членство во НАТО на некоја земја не се решава во контекстот на односите или ривалството со Русија и дали земјите кандидатки се со или се против неа, туку дека Алијансата има определени критериуми кои треба да ги исполнат потенцијалните членки на планот на борбената способност, како и на „политичката и општествената поддршка за членството во НАТО“.
Тие критериуми ќе ги водат САД и во иднина, порачал претставникот на Белата куќа и повторил дека е „Важно да се избегне таквиот впечаток, дека станува збор за САД и Русија или, пак, за НАТО и Русија. Станува збор за безбедноста на конкретни земји, за безбедноста на трансатлантската заедница“, заклучил Родс./крај/мф/сн
Извор: Макфакс
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
Средба на претседателите на Собранијата на Македонија и Украина, Митрески и Стефанчук
Претседателот на Собранието на Република Северна Македонија, Јован Митрески, во рамките на посетата на Киев по повод втората годишнина од почетокот на руската воена агресија врз Украина, оствари средба со претседателот на Врховната рада на Украина, Руслан Стефанчук.
Претседателот Митрески изрази благодарност за поканата и нагласи дека посетата претставува потврда на цврстата и непоколеблива поддршка на Република Северна Македонија за Украина, на сите полиња. Тој нагласи дека уште од самиот почеток силно ја осудуваме руската агресија против Украина, континуирано ја потврдуваме нашата поддршка за украинскиот територијален интегритет, суверенитет и целовитост и изразуваме целосна поддршка на правото на самоодбрана на земјата.
Претседателот на Собранието истакна дека Северна Македонија целосно се приклучи на сите рестриктивни мерки и санкции на ЕУ кон Руската Федерација, ко-спонзорираше бројни резолуции и иницијативи во однос на Украина, а упати и воена и хуманитарна помош за земјата.
Македонија
Средба Османи – Кулеба во ОН Њујорк: Европската Унија е наша заедничка иднина
Министерот за надворешни работи, Бујар Османи, на 23 февруари 2024 година, оствари средба со министерот за надворешни работи на Украина, Дмитро Кулеба, во седиштето на Обединетите нации во Њујорк, на маргините на 56. пленарен состанок на 78. седница на Генералното Собрание.
Средбата се одржа со цел да се даде поддршка на Украина на денот на одбележувањето на две-годишнината од почетокот на руската агресија во Украина, при што Османи потенцира дека е многу важно да продолжи поддршката на Украина, бидејќи ако Русија победи во Украина, тогаш ние сме следните.
Министерот Османи, на средбата, истакна дека денес Руската Федерација е најголемата закана за безбедноста на Европа, на Западен Балкан, но и на Република Северна Македонија.
“Важно е да имаме стратешка предвидливост во нашата држава, со цел конечно да кажеме “Не” за Русија и “Да” за интегративните европски процеси на Западниот Балкан и на Република Северна Македонија”, рече Османи.
Додека, Министерот Кулеба, истакнувајќи го фактот дека Северна Македонија цврсто застана зад Украина во текот на двете години агресија, упати благодарност до граѓаните на Северна Македонија, како и благодарност до Министерот Османи за неговото лидерство и поддршка.
“Нашата иднина е заедничка, таа иднина е Европската Унија, која воедно претставува и иднина за мир и просперитет, рече Кулеба.
Двајцата Министри имаа свои обраќња пред Генералното собрание на Обединетите нации, каде упатија јасни пораки против рускат агресија врз Украина.
Македонија
(Видео) Oсмани од ОН во Њујорк: Мораме да и кажеме не на Русија
Министерот за надворешни работи, Бујар Османи, денес се обрати од седиштето на Обединетите нации во Њујорк, на 56. пленарен состанок на 78-та седница на Генералното собрание, по повод две години од инвазијата на Русија врз Украина, кој се одржа на тема: Ситуацијата во привремено окупираните територии на Украина.
Османи, уште еднаш, ја повика Русија да ја прекине оваа бесмислена војна и да ги повлече своите трупи од суверената територија на Украина.
„Русија ги прекрши основните принципи на меѓународното право и започна целосна агресивна војна против Украина, земја членка на ОН’’, истакна Османи.
Воедно, министерот потенцираше дека Северна Македонија е исто така силно загрижена и ја осудува незаконската депортација на децата од Украина во Русија и Белорусија од страна на Руската федерација и ги повика да обезбедат нивно безбедно враќање дома.
„Мораме да и кажеме не на Русија! Правдата и одговорноста мора да надвладеат”, рече Османи, воедно додаде дека Северна Македонија им се придружи на другите 140 земји-членки за поддршка на суверенитетот и територијалниот интегритет на Украина во нејзините меѓународно признати граници од 1991 година.
Османи повика на обединетост во поддршката за Украина, не само за доброто на жртвите и нивните семејства, туку и како предуслови за избегнување на понатамошни агресии и неиспровоцирана употреба на сила во меѓународните односи.