Надворешна политика
САД веруваат дека Македонија во иднина ќе стане членка на НАТО
Иако на претстојниот самит на НАТО во Велс нема да има ново проширување, САД се убедени дека Македонија во иднина ќе стане членка на НАТО, истакна американскиот амбасадор Пол Волерс во вторникот на конференцијата „Идното НАТО – Предизвици и очекувања“.
Волерс потенцираше дека САД ја поддржуваат политиката на Алијансата за отворени врати, додавајќи дека Македонија, како важен партнер игра голема улога во Алијансата и е постојан сојузник во сите мировни операции на НАТО.
Според британскиот амбасадор Чарлс Гарет пак, претстојниот самит ќе биде прв што се одржува во Велика Британија по пауза од повеќе од две децении, односно од 1990 година, и ќе има огромно значење за Алијансата.
„Важно е да се изгради стабилност во светот и има три основни цели: да се земат предвид долгорочните импликации на руско-украинската криза и промената во геостратешките приоритети на границите на НАТО. Британија ќе се потруди да осигура дека ова ќе води до смирување на страстите и да се одбијат понатамошните руски напади. Второ, да се согласиме на следното поглавје НАТО-врската со Авганистан и трето, да се осигура дека НАТО се обраќа кон новите закани и предизвици како што се сајбернападите, ние исто ќе се потрудиме да ги зголемиме инвестициите во безбедноста и да понудиме иницијативи за интероперабилност. Конечно ќе се потрудиме да дојдеме до согласност за вооружените сили и за фер третман на членовите на овие воени сили и нивните семејства“, изјави британскиот амбасадор.
Според него, доколку самитот во Велс ги постигне своите цели, тогаш тој ќе донесе битни сигурносни придобивки за Македонија и ќе покаже дека НАТО е цврста алијанса која има многу партнерства низ светот.
Шефот на НАТО Канцеларијата во Македонија, Румен Радев порача дека иднината на глобалниот мир и безбедноста зависат во голема мера од акцискиот план и ангажманите на НАТО, а преку зголемувањето на поддршката на земјите-партнери на НАТО, ќе се постигне поголема интероперабилност со Алијансата.
Продеканот на Воената академија „Генерал Михајло Апостолски“, Методи Хаџи Јанев смета дека земјите од НАТО мора да најдат начин како да ги избегнат билатералните прашања, кои би можеле да станат препрека кон поголемата кауза.
„Не знам дали Македонија е кредибилен партнер, но сигурно сме лојални, тоа сме покажале многу пати. Регионалните земји коишто не се членки на НАТО и коишто се уште не се дел од НАТО, мора исто така да се адаптираат, многу да бидат поактивни, мора да бидат агилни и има неколку нешта што мора да ги земеме во предвид“, порача Хаџи Јанев.
Според него, НАТО мора да ја искористи иницијативата и да ги оствари своите улоги не само како колективен бранител, туку и како колективен обликувач на безбедноста во околина која постојано се менува./крај/мф/бс
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
Средба на претседателите на Собранијата на Македонија и Украина, Митрески и Стефанчук
Претседателот на Собранието на Република Северна Македонија, Јован Митрески, во рамките на посетата на Киев по повод втората годишнина од почетокот на руската воена агресија врз Украина, оствари средба со претседателот на Врховната рада на Украина, Руслан Стефанчук.
Претседателот Митрески изрази благодарност за поканата и нагласи дека посетата претставува потврда на цврстата и непоколеблива поддршка на Република Северна Македонија за Украина, на сите полиња. Тој нагласи дека уште од самиот почеток силно ја осудуваме руската агресија против Украина, континуирано ја потврдуваме нашата поддршка за украинскиот територијален интегритет, суверенитет и целовитост и изразуваме целосна поддршка на правото на самоодбрана на земјата.
Претседателот на Собранието истакна дека Северна Македонија целосно се приклучи на сите рестриктивни мерки и санкции на ЕУ кон Руската Федерација, ко-спонзорираше бројни резолуции и иницијативи во однос на Украина, а упати и воена и хуманитарна помош за земјата.
Македонија
Средба Османи – Кулеба во ОН Њујорк: Европската Унија е наша заедничка иднина
Министерот за надворешни работи, Бујар Османи, на 23 февруари 2024 година, оствари средба со министерот за надворешни работи на Украина, Дмитро Кулеба, во седиштето на Обединетите нации во Њујорк, на маргините на 56. пленарен состанок на 78. седница на Генералното Собрание.
Средбата се одржа со цел да се даде поддршка на Украина на денот на одбележувањето на две-годишнината од почетокот на руската агресија во Украина, при што Османи потенцира дека е многу важно да продолжи поддршката на Украина, бидејќи ако Русија победи во Украина, тогаш ние сме следните.
Министерот Османи, на средбата, истакна дека денес Руската Федерација е најголемата закана за безбедноста на Европа, на Западен Балкан, но и на Република Северна Македонија.
“Важно е да имаме стратешка предвидливост во нашата држава, со цел конечно да кажеме “Не” за Русија и “Да” за интегративните европски процеси на Западниот Балкан и на Република Северна Македонија”, рече Османи.
Додека, Министерот Кулеба, истакнувајќи го фактот дека Северна Македонија цврсто застана зад Украина во текот на двете години агресија, упати благодарност до граѓаните на Северна Македонија, како и благодарност до Министерот Османи за неговото лидерство и поддршка.
“Нашата иднина е заедничка, таа иднина е Европската Унија, која воедно претставува и иднина за мир и просперитет, рече Кулеба.
Двајцата Министри имаа свои обраќња пред Генералното собрание на Обединетите нации, каде упатија јасни пораки против рускат агресија врз Украина.
Македонија
(Видео) Oсмани од ОН во Њујорк: Мораме да и кажеме не на Русија
Министерот за надворешни работи, Бујар Османи, денес се обрати од седиштето на Обединетите нации во Њујорк, на 56. пленарен состанок на 78-та седница на Генералното собрание, по повод две години од инвазијата на Русија врз Украина, кој се одржа на тема: Ситуацијата во привремено окупираните територии на Украина.
Османи, уште еднаш, ја повика Русија да ја прекине оваа бесмислена војна и да ги повлече своите трупи од суверената територија на Украина.
„Русија ги прекрши основните принципи на меѓународното право и започна целосна агресивна војна против Украина, земја членка на ОН’’, истакна Османи.
Воедно, министерот потенцираше дека Северна Македонија е исто така силно загрижена и ја осудува незаконската депортација на децата од Украина во Русија и Белорусија од страна на Руската федерација и ги повика да обезбедат нивно безбедно враќање дома.
„Мораме да и кажеме не на Русија! Правдата и одговорноста мора да надвладеат”, рече Османи, воедно додаде дека Северна Македонија им се придружи на другите 140 земји-членки за поддршка на суверенитетот и територијалниот интегритет на Украина во нејзините меѓународно признати граници од 1991 година.
Османи повика на обединетост во поддршката за Украина, не само за доброто на жртвите и нивните семејства, туку и како предуслови за избегнување на понатамошни агресии и неиспровоцирана употреба на сила во меѓународните односи.