– (Олег Шчербак, амбасадор на РФ во Македонија)

Русија се залага за одржување на стабилноста на Македонија, а според позициите на меѓународното право смета дека би било корисно да потенцира дека владите кои се избрани за време на избори мора да добиваат поддршка од меѓународната заедница, порачал рускиот амбасадор во Македонија Олег Шчербак во вторникот по врачувањето медал од страна на ректорот на Универзитетот „Св. Кирил и Методиј“, Велимир Стојковски.
 

Русија се залага за одржување на стабилноста на Македонија, а според позициите на меѓународното право смета дека би било корисно да потенцира дека владите кои се избрани за време на избори мора да добиваат поддршка од меѓународната заедница, порачал рускиот амбасадор во Македонија Олег Шчербак во вторникот по врачувањето медал од страна на ректорот на Универзитетот „Св. Кирил и Методиј“, Велимир Стојковски.

Овој медал на Шчербак му беше доделен во чест на 70-години од победата над фашизмот и за неговиот голем личен придонес во празнувањето на овој датум и за антифашистичко воспитување на младината.

„И покрај тоа дали некоја Влада на некој му се допаѓа или не, треба да се почитува, бидејќи претставува избор на македонскиот народ. Почитување на резултатите на изборите претставува најглавен принцип на демократијата. Резултатите на изборите беа признаени од страна на многу меѓународни набљудувачи, од страна на набљудувачи на Совет на Европа, ОБСЕ и други меѓународни организации“, изјавил Шчербак, нагласувајќи дека за промена на Владата во рамките на демократските постапки постојат избори.

„Постои систем кој е предвиден со Устав на одредена земја. Нашата поддршка за Република Македонија се базира врз основа на принципите на демократија и таа поддршка е отвоена. Од свое искуство знаеме дека дестабилизацијата е патот кон ништо и поради тоа нам ни е важна судбината на Република Македонија“, потенцирал рускиот амбасадор.

Шчербак додал дека Македонија како развиена држава ги има сите инструменти и капацитети да сфати од која страна и доаѓа заканата, а најбитно е, додаде, да ги утврди патишта за решавање на тој проблем.

„Русија како пријател на Македонија е загрижена поради обидите за дестабилизација земјата затоа што дестабилизацијата на Република Македонија не им одоговара на интересите на нејзините граѓани, ниту, пак, на  интересите на регионот и на целиот свет“, порачај тој.

Шчербак исто така додал не се согласува со изјавата на американскиот државен секретар Џон Кери дека Македонија се наоѓа на линија на огнот меѓу Истокот и Западот, односно на линија на огнот меѓу Русија и САД.

„Ние потполно ја демантираме ваквата конфронтациска логика. Ние тргнуваме од логиката за развој на соработката, на заемно корисните односи кои мора да се реализираат врз основа на еднаквоста. Исто како и во изминатите 20 години, или 18 или 16 години, Русија и сега се залага за унапредување на билатералните односи во Репубика Македонија и во трговско-економската, и во културна и во политичка област“, рекол Шчербак./крај/мф/бс

Извор: Макфакс