Декларацијата од Москва предвидува јасна намера на потписниците да го промовираат зачувување на духовните и хумани вредности и заштита на христијанските свети места – спомениците на духовното и културно наледство на светската цивилизација, а тоа особено значајно поради изобилието од христијанското православно наследство на територијата на Македонија, но никој не обрна внимание на отворените бенефити кои се спомнуваат во Декларацијата, туку се обидуваат таа да ја претстават само како отворено спротивставување на идејата за натамошното проширување на НАТО на Балканот, рече во разговорот со неколку македонски медиуми Иван Стоиљковиќ, претседател на Демократската партија на Србите во Македонија, кој кон крајот на јуни во својство на гостин присуствуваше на 15-от Конгрес на владејачката партија Единствена Русија
 

Декларацијата од Москва предвидува јасна намера на потписниците да го промовираат зачувување на духовните и хумани вредности и заштита на христијанските свети места – спомениците на духовното и културно наледство на светската цивилизација, а тоа особено значајно поради изобилието од христијанското православно наследство на територијата на Македонија, но никој не обрна внимание на отворените бенефити кои се спомнуваат во Декларацијата, туку се обидуваат таа да ја претстават само како отворено спротивставување на идејата за натамошното проширување на НАТО на Балканот, рече во разговорот со неколку македонски медиуми Иван Стоиљковиќ, претседател на Демократската партија на Србите во Македонија, кој кон крајот на јуни во својство на гостин присуствуваше на 15-от Конгрес на владејачката партија Единствена Русија

Демокраската партија на Србите во Македонија, како што истакнува Стоиљковиќ, имаше чест да ја добие поканата да биде гостин на 15-ти Конгрес на партијата Единствена Русија, од којашто доаѓаат претседателот Владимир Путин и премиерот Дмитриј Медведев.

Челникот на ДПСМ оценува дека поканата претставува „мошне јасен показател’ дека нивната партиска работа и активност во Македонија предизвикала поширока заинтересираност, па дури и од најважните светски политички субјекти

„Ја искористивме оваа прилика од Москва да донесеме малку светлина во темнината на новонастанатата бесперспективност на Балканот. За нас е најважно дека со потпишувањето на Декларацијата за соработка со Единствена Русија повеќезначно го зголемивме нашиот меѓународен капацитет и отворивме допопнителен простор за зголемување и подобрување на векторот на политичкото влијание во Македонија“, вели Стоиљковиќ

Како претседател на Комисијата на македонското Собрание за саработка со Државната Дума на Руската Федерација, Стоиљковиќ имал средба на највисоко ниво од страна на Сергеј Наришкин, председателот на Државната Дума. На средбата го запознал Наришкин со актуелната политичка ситуација во Македонија, и пошироко на Балканот, како и со можностите за заживување на собраниската комуникација меѓу двете држави. Притоа Стоиљковиќ остварил бројни меѓународни контакти со функционери на присутните партии од целиот свет, особено со оние од регионот, при што ја издвоил средбата со поранешниот бугарски претседател Георги Прванов.

„Со потпишувањето на Декларацијата ја потврдивме заинтересираноста за развојот на заемно корисни односи на нашите држави со Евроазијската економска унија во областа на трговијата, економската соработка, како и соработката на финансиските и енергетски сектори, како и за севкупното проширување на мултилатералната соработка во овие области. Ја констатиравме сериозноста на предизвиците кои му се закануваат на цивилизираниот и мирен развој на Евроазискиот континент и потребата да се имплементира политиката на ново попуштање на меѓународните тензии. Изразивме подготвеност за барање на заеднички пристап во осигурувањето на безбедноста во Европа, вклучувајки ја и иницијативата за разговори околу можното формирање простор за суверени воено неутрални држави во југоисточна Европа“ појаснува Стоиљковиќ.

Меѓутоа, како што вели, за истакнување е што речиси никој не обрна внимание на отворените бенефити кои се спомнуваат во Декларацијата, туку се обидуваат таа да ја претстават само како отворено спротивставување на идејата за натамошното проширување на НАТО на Балканот.

„Како тоа да е единствениот проблем за кој балканските народи треба да размислуваат и да го решаваат, како други проблеми и интереси да не постојат. Да се разбереме, еднаш засекогаш, проширувањето на ЕУ на преостанатите балкански држави не зависи од балканските држави, туку сосема спротивно! Па зарем и американскиот претседател Барак Обама, пред само неколку дена не кажа дека Brexit е предизвикан од фактот дека ЕУ неконтролирано одела во проширивање?!“, смета Стоиљковиќ.

„Неоспорен факт е дека геополитичката квадратура на кругот на Балканот, која сериозно е закомпликувана со отворениот интервенционизам на странскиот фактор во нашата држава Република Македонија, крајно перфидната и уценувачка игра со Србија во врска со Косово и Метохија, обидите за промена на Дејтонскиот мировен договор во БиХ, на штета на Република Српска, безпризорното вовлекување на Црна Гора во внатрешен конфликт, избегнувањето на политички дијалог со Србите во Црна Гора и организираната антисрпска хистерија која српскиот народ го држи надвор од институциите на системот веќе две децении, бара итни решенија. Затоа .заложбите од Деларацијата треба да се согледуваат, пред сé, како гаранција за безбедноста на балканските држави од страна на САД и Русија, бидејќи долгогодишната мантра сосема е истрошена и веќе ризично контрапродуктивна“, порачува челникот на ДПСМ.

Стоиљковиќ е убеден дека „за измачените граѓани на балканските држави“, иницијативата претставува суштински спас од натамошните понижување и страдање, по системот на компромис на интереси.

„Таа не ги исклучува ниту Албанците, ниту муслиманите од регионот. Напротив! Но веќе на сите треба да им е сосема јасно дека проектот на обединување на регионот на антисрпски основи, во новонастанатите услови сé повеќе станува опасен. Одговорни влади и политичари мора да изнајдат начин што поскоро да излезат од него, без оглед на ризикот по сопствениот опстанок, кој во многу нешта и зависи од центрите на моќ кои истиот го осмислија и континуирано го спроведуваат“, вели Стоиљковиќ./крај/мф/сн

Извор: Макфакс