Олеснување на визните процедури, отворање директна авионска линија, потпишување договор за избегнување на двојното оданочување на градежните работи се само дел од работите кои треба да се завршат за подобрување на македонско-руските односи, пишува Иван Стоиљковиќ, претседателот на Демократската партија на Србите во Македонија во поздравното писмо од средата до Сергеј Жељезнак, претседателот на Думата на Руската Федерација по победата на парламентарните избори на Единствена (Обединета) Русија.

„На овие избори со народна волја јасно е потврдена мудрата национална и државна политика, Руската Федерација на тој начин го продолжува континиутетот во зачувувањето и надградбата на најголемите православни и словенски вредности, што е од голема важност за земјите и народите на кои исто така им припаѓаат овие вредности“, пишува Стоиљковиќ, кој е и претседател на Комисијата за соработка на Собранието на Република Македонија и Думата на Руската Федерација.

„Во текот на минатата деценија, Русија под водството на Путин стана еден од најдоследните заштитници на слободата, меѓународното право и светскиот мир и стабилност, по што денеска ужива многу силен углед, посебно во изградбата на поправедни односи во светот. Вашата улога како секретар за меѓународна соработка во оваа поширока констелација на меѓународни односи се повеќе добива на значење, а сосема извесно станува клучна за нашиот регион“, додава Стоиљковиќ.

Потетува дека Русија е една од првите држави кои Република Македонија ја призна под нејзиното уставно име, и оти во односите меѓу двете земји не постојат никакви отворени политички прашања или нејаснотии, туку напротив постои исклучително меѓусебно уважување, како одлична појдовна точка од која треба да се тргне во понатамошната изградба на уште поквалитетни и поконструктивни односи на сите полиња.

„Цврсто верувам дека доаѓаат многу подобри денови за руско-македонските односи, не само во смисла на покренување на поактивен политички дијалог, туку и во остварување на конкретен напредок на културен, научен, економски и енергетски план. Народите на нашите држави ги поврзувааат повеќевековни духовни и историски врски, делиме многу заеднички вредности и имаме изразена културна блискост и почитување. Руската Федерација со години е меѓу првите десет трговски партнери на нашата држава“, забележуванатаму Стоиљковиќ.

Истакнува дека заживувањето на заедничкиот руско-турски проект „Јужен тек 2“ или попознат како „Турски тек“, има исклучително значење за Македонија и од економски и од безбедносен аопсект, имајќи предвид дека гасоводот преку Грција доаѓа во Македонија и понатаму оди за Србија. Стоиљковиќ оценува дека со реализација на овој проект Македонија се здобива со бенефитите кои ѝ припаѓаат како на земја транзитер на гас, но и државата и ѓраѓаните како конечни потрошувачи.

„Сосема сигурно вклучувањето на Македонија во сите енергетски проекти на Руската Федерација претставува исклучително добар стимуланс за развој на македонското стопанство, бидејќи со обезбедувањето на сигурен и ефтин извор на гасен енергент се отвораат перспективи за поголема конкурентност на македонските производи на светскиот пазар, што секако многу позитивно ќе се одрази на нашиот севкупен економски напредок… Неопходно ни е потребен договор за слободна трговија, договори од областа на културата, трудот, образованието, социјалната и даночна политика како и други договори кои ќе помогнат на нашите држави, и граѓаните да воспостават што подобра меѓусебна соработка“, смета Стоиљковиќ..

Според Стоиљковиќ, приоритети во наредниот период би требало да бидат олеснување на визните процедури, изработка на стратегијата за развој на транспортот, како и отворање директна авионска линија, потпишување на договор за избегнување на двојното оданочување на градежните работи, како и решавање на проблемот со непризнавањето на банкарските гаранции на македонските банки во Русија, кои се неопходни при склопување на инвестициони договори за настап на рускиот пазар…

„Демократската партија на Србите во Македонија како поединечен субјект на македонската политичка сцена не претставува одлучувачки фактор во политичкиот процес, но затоа како коалициски партнер во македонската влада ќе даде несебичен придонес, не само во остварувањето на соработката на Единствена Русија со најголемата владеачката македонска партија, туку и со другите учесници во политичкиот живот, со цел да се унапредат меѓусобните односи помеѓу нашите држави“, се додава во дописот на Стоиљковиќ до Жељезнак.

„Потпишувајќи ја Декларацијата за соработка со Единствена Русија, покажавме спремност и се обврзавме дека заеднички ќе ги бараме новите пристапи во осигурувањето на безбедноста во Европа, вклучувајќи ја и иницијативата за можно формирање на простор за воено неутрални и суверени држави во Југоисточна Европа и ќе вложиме сериозен напор да го искористиме секој слободен простор иницијативата да им ја претставиме на граѓаните на нашата држава“, додава.

На крајот Стоиљковиќ, како претствник на српскиот нарид во Македонија, изразува благодарност до Русија за сето она „што со векови го чини за српскиот народ, а посебно за нашите браќа на Косово и Метохија“, како и за зачувувањето суверенитетот и територијалниот интегритет на Република Србија./крај/мф/бс

Извор: Макфакс