Во повеќето земји ширум светот, значително помалку јавни ресурси се користат за образованието на децата кои претставуваат најсиромашни 20 проценти во општеството, отколку нивните соученици кај најбогатите 20 проценти, покажуваат наодите на најновиот извештај кој во четврток го објави УНИЦЕФ. Таа разлика може да изнесува дури 18 пати.

Инвестирањето за образование и еднаквост говори дека во просек 46 проценти од јавните ресурси за образование во земјите со ниски приходи даваат директни придобивки за 10 проценти од учениците кои се наобразовани. Во земјите со средни приходи таа бројка изнесува 26 проценти. Овој дисбаланс непропорционално им оди во прилог на децата од најбогатите домаќинства кои вообичаено се стекнуваат со највисокиот степен на образование. Извештајот, прв во серијата која ќе ја објавува УНИЦЕФ оваа година со поддршка на фондацијата Бил и Мелинда Гејтс, силно се застапува за порамноправно трошење за образованието. Притоа, владите се повикуваат да постават приоритети за потребите на најмаргинализираните деца – сиромашните, девојчињата, етничките и јазичните малцинства, децата со попреченост и оние кои живеат во конфликтни зони. „Во светот денеска има околу 1 милијарда деца на возраст за основно и средно училиште. Тоа се 1 милијарда причини за да се инвестира во образованието,” рече Јока Брандт, заменик извршен директор на УНИЦЕФ. „Голем број од овие деца не добиваат квалитетно образование заради сиромаштија, конфликти и дискриминација заснована на род, попреченост и етничка припадност. За да го промениме тоа, потребно е радикално да ги ревидираме тековните практики со тоа што ќе се обезбедуваат повеќе ресурси и истите ќе се распределуваат поправично” додаде Брандт.Во извештајот, исто така се потенцира и продолжената сериозна криза во образованието. Напредокот во зголемувањето на пристапот до образование забележува застој – со 58 милиони деца на возраст на основно училиште кои не посетуваат училиште, јасно е дека Милениумската развојна цел 2 (да се постигне универзално основно образование) нема да биде исполнета. Покрај тоа, повеќето деца од оние кои посетуваат настава всушност не учат. Податоците откриваат дека 130 милиони деца кои стигнале до 4-то одделение ја немаат усвоено основата за читање и аритметика.Ваквата состојба ќе се влошува бидејќи популацијата на деца на училишна возраст е во пораст. За да се постигне универзално основно образование, ќе биде потребно да се запишат на училиште дополнителни 619 милиони деца на возраст помеѓу 3 и 15 години до 2030 во светот, а тоа претставува зголемување од 57 проценти на денешните податоци. Покрај тоа, јавните ресурси за образование се намалуваат. Постои годишен јаз во финансирањето на годишно ниво од 26 милијарди американски долари за обезбедување универзално основно образование во 46 земји со ниски приходи, а од 2009 официјалната развојна помош за образованието е намалена за 10 проценти. За да се земе тоа предвид, само 5 проценти од годишните профити на 15 компании со најголема заработувачка во светот би го елиминирале овој јаз во ресурсите.УНИЦЕФ ги поттикнува владите и донаторите да го зголемат трошењето за образованието и да обезбедат дека средствата се користат поефикасно и се распределуваат поправично. Приватниот сектор, исто така има суштинска улога во мобилизирањето ресурси за образованието, според наодите на извештајот.„Веќе подолго време, знаеме дека образованието може да го прекине циклусот на трајна сиромаштија и обесправеност за децата, семејствата и државите. Меѓутоа, за да се направи тоа, потребно е владите и приватниот сектор не само да вложуваат повеќе, туку тоа да го прават многу помудро во образованието,” рече Брандт./крај/мф