Пред падот на авионот во којшто загина поранешниот македонски претседател Борис Трајковски немало ниту експлозија, ниту пожар и нема траги кои би упатувале на диверзија или терористички акт, јави во вторникот вечерта Федералната телевизија на Босна и Херцеговина.

За разлика од првата истрага во којашто како причина за падот на авионот е наведена грешка на пилотите, новата комисија по двегодишна истрага утврди системски пропусти коишто индиректно довеле до несреќата. За СФОР во новиот извештај нема никаква одговорност.Причини за несреќата, според најновиот извештај на Истражната комисија за загинувањето на Трајковски, се серија критични пропусти, случувања и услови. Како директна причина за несреќата наведено е спуштањето на авионот под минимално пропишаното ниво.Фактори кои довеле до пад на авионот се, -недоволна, неквалитетна и непотполна подготовка за приод и слетување-игнорирањето на информациите на контролорите на летот за моменталната метеоролошка состојба-погрешното одредување на финалната точка за приод, што довело до тоа авионот да почне порано да спушта-исклучување на автопилотот во фазата на приодот-недоволна тимска работа на членовите на екипажот-неодржување на хоризонталниот лет на пилотот и несоодветна реакција на копилототЕкипажот на авионот бил променет 15 дена пред летот, но не бил доволно подготвен. Пилотот и копилотот биле само делумно запознаени со временската состојба, а авионот, иако имал дозвола за летање, сепак не бил подготвен за летање.Во извештајот се наведува дека „црната кутија“, која ги бележи клучните параметри за летот, не била исправна, а екипажот не ја направил стандардната подготовка за непрецизен приод.Доколку автопилотот не бил исклучен во завршната фаза на слетување, авионот наместо да падне ќе прелетал на висина од 68,72 метри.Наведено е и дека Управата за цивилна и воздушна пловидба на Македонија не била стручно, кадровски и организационо оспособена, како и Секторот за авионски превоз и одржување на авиони при Службата за општи и заеднички работи на Владата на Македонија.Во извештајот пишува дека авионските власти довеле до тоа да се намали нивото на безбедност на целиот систем на цивилно воздухопловство во Македонија. Кај персоналот кој летал имало пропусти во системот на обуки за посебни овластувања кои се запишуваат во летачките дозволи. Персоналот не одел на редовни годишни проверки на симулатор, а откриени се и чести прекини во континуитетот на летање. Тоа се одразило на безбедноста и непосредно придонело за несреќата.Како индиректни причини за несреќата комисијата ги наведува и сложената метеоролошка состојба и несигурно навигациско средство во Мостар, кое на одредени места го губи сигналот поради конфигурацијата на почвата.Претходно имаше и обвинувања за СФОР, според кои војниците од оваа мисија во БиХ коишто беа задолжени и за воздухопловниот сообраќај пет часа ја криеле локацијата на паднатиот авион. Меѓутоа, во новиот извештај не се споменува никаква одговорност за СФОР.СФОР бил надлежен за вкупната состојба и функционирањето на аеродромот во Мостар. Во тој контекст бил одговорен и за контролата на летот, воспоставување, изработка на процедурата и точноста на податоците во процедурите на слетување. Исто така, системот на комуникација бил под надзор и организација на СФОР. Услуги на контролата за летање пружале воени контролори за летање на Француската воздухопловна единица, кои не поседуваат цивилни дозволи за летање.Ова беше втора истрага за авионската несреќа во којашто загина Трајковски и уште осум лица. Патуваа на меѓународна конференција во Мостар на 26-ти февруари 2004 година. Авионот се сруши на Матича брдо кај Мостар, кај местото Ротимље, само неколку километри од аеродромот.Првичната истрага за несреќата во која беа утврдени низа пропусти констатираше дека причина за уривањето се пропусти на екипажот направени во процедурата за приоѓање на аеродромот во Мостар во услови на густа магла и облачност.Остатоците на авионот кој се урна на 26 февруари 2004 година во близина на Мостар беа најдени 24 часа по несреќата. Истрагата беше обновена на барање на македонските власти коишто доставија нови докази./крај/мф/ффс