Македонија
Нешкоски најави секојдневни протести за оставка на Јанкулоска
Целта на овие протести коишто ќе се одржуваат следните денови секој ден во 18 часот е оставката на министерка за внатрешни работи Гордана Јанкулоска, како и таа да понесе и командна одговорност, изјавија во средата навечер пред собраните граѓани пред Собранието на РМ, братот на убиениот Мартин Нешкоски, Александар, и граѓанскиот активист Џелал Хоџиќ .
Двајцата, исто така, повикаа на мирни протести и апелираа демонстрантите „да не наседнуваат“, како што рекоа „на провокациите на полицијата“.
„Бараме министерката Јанкулоска да поднесе оставка“, изјави Хоџиќ и ги повика граѓаните да седнат на земја и да ги кренат рацете во вис – „за да се види дека не сме во мал број“.
Уште еднаш апелираше присутните на протесниот собир да не наседнуваат „на провокациите од страна на полицијата“, бидејќи, како што рече, „таа сака да испровоцира немири“.
„Не бараме ништо повеќе, само командна одговорност и оставката од министерката“, рече Александар Нешкоски, чиј тогаш 22-годишен брат Мартин на 5-ти јуни 2011 година бил претепан до смрт од полициски службеник на плоштадот „Македонија“ во центарот на Скопје, по прославувањето на изборната победа на ВМРО-ДПМНЕ.
„Видовме од ‘бомбите’ (прислушуваните телефонски разговори на владини функционери кои во вторникот ги објави опозицискиот СДСМ) дека целата врхушка била вмешана во обидот да се прикрие одговорноста за убиството на Мартин, но ние тоа не им го дозволивме“, додаде Нешкоски.
Повика и во четврток во истиот термин во 18 часот граѓаните да дојдат пред Собранието, имајќи предвид дека денешниот протест пред Владата, како што рече, „не успеа да се одржи“.
Откако претходно групата од околу 500-ини демонстранти пред Владата не успеа да се приближи до зградата поради силното полициско обезбедување, се упати кон парламентот, а попатно ѝ се приклучија уште две групи истомисленици.
Засега протестот на демонстрантите, коишто според првични процени ги има околу 1.000 до 1.500, се одвива без инциденти со постојаните повици „Убијци, убијци!“ и „Оставка!“/крај/мф/ап
Извор: Макфакс
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
Филипче: Бошњачката заедница е нераскинлив дел од нашето мултиетничко општество
Претседателот на Социјалдемократскиот сојуз на Македонија, Венко Филипче, вечерва присуствуваше на одбележување на Меѓународниот Ден на Бошњаците, во организација на Странката на демократска акција на Македонија (СДА).
Во обраќањето пред присутните, Филипче прача дека бошњачката заедница е нераскинлив дел од општеството и има значаен придонес во развојот и напредокот на Северна Македонија.
„Граѓаните Бошњаци по измените на Уставот од 2001 година, станаа дел од преамбулата и на нашиот Устав. Со нивната традиција, како составен и нераскинлив дел од нашето мултиетничко општество, имаат значаен придонес во развојот и напредокот на државата. Бошњачката заедница во Северна Македонија активно се вклучи во успешниот концепт „Едно општество за сите“, со кој Северна Македонија сега е пример во Ервопа и регионот за дијалог, меѓусебно разбирање и почитување“, рече Филипче.
Воедно, претседателот на СДСМ, Филипче ја потенцираше важноста на Странката на демократска акција на Македонија (СДА), која како коалициски партнер на СДСМ, изминативе години даде поддршка на развојните политиките во периодот на Владата на СДСМ.
„Во основното образование за учениците Бошњаци се врати редовната настава на босански јазик, Северна Македонија и Босна и Херцеговина потпишаа серија на билатерални договори во интерес на граѓаните,Скопје и Сараево станаа збратимени градови. Со својата прогресивна идеологија во изминатите години, СДА активно учествуваше во сите процеси кои ја придвижија државата напред, како што е членството во НАТО и започнувањето на преговорите со Европската Унија“, рече Филипче, додавајќи дека токму тоа и е разликата СДСМ и актуелната власт .
Филипче во своето обраќање нагласи дека СДСМ и СДА и во иднина ќе делуваат заеднички и ќе се залагаат за соживот,меѓусебна почит и интеграција на државата.
„ За жал деновиве сме сведоци на едни политики кои ја враќаат државата назад во изолација, нешто за што граѓаните не гласаа. И тоа не смееме да го дозволиме, не смееме да се откажеме од европскиот пат, од европска иднина за нашите граѓани. СДСМ и СДА и понатаму ќе продолжат да делуваат заеднички, ќе се залагаме за демократските вредности и инклузија на сите заедници, за интеграција, а не за изолација на државата“, порача претседателот на СДСМ, Венко Филипче.
Македонија
Промена на времето: УХМР за утре најавува дожд, силен ветер и драстичен пад на температурите
Управата за хидрометеоролошки работи најавува значителна промена на времето утре – дожд, засилен ветер и пад на температурата.
Утре под влијание на влажна и постудена воздушна маса од север ќе настапи позначителна промена на времето. Од утринските часови најпрвин во северните делови, ќе има повремени врнежи од дожд и локална појава на грмежи. Ќе дува силен ветер (наместа над 70км/ч.) кој ќе продолжи и во понеделник.
ИЗВОР: УХМР
Дневната температура значително ќе се намали (утре за 6 до 8, а во понеделник уште за дополнителни 4 до 6 степени). Потоа во следните два дена времето ќе биде сончево со ниски утрински температури, а дневните ќе бидат во пораст.
Во Скопје, утре ќе има повремени врнежи од дожд, локално со појава на ретки грмежи и силен ветер.
Од четврток се очекуваат нови врнежи од дожд.
Македонија
Претседателката Сиљановска Давкова се сретна со генералниот секретар на Советот на Европа, Алан Берсе
Претседателката Гордана Сиљановска Давкова во рамки учеството на 79. Генерално Собрание на Обединетите Нации во Њујорк, оствари средба со генералниот секретар на Советот на Европа, Алан Берсе.
На средбата беа разменети мислења за целите и приоритетите насочени кон демократизацијата на македонското општество, човековите права и владеењето на правото. Реафирмирајќи ја посветеноста за натамошна конструктивна соработка со Советот на Европа, претседателката Сиљановска Давкова изрази задоволство од континураната поддршка за нашето целосно усогласување со европските стандарди и вредности.
Претседателката Сиљановска Давкова ја нагласи важноста од кредибилно постапување на Европската Унија во однос на интеграцијата на земјите од Западен Балкан кога напредокот на поединечните кандидати е евидентно заслужен. Таа се осврна и на неопходното обезбедување усогласеност со обврските што земјите-членки ги презеле, вклучително и правилното спроведување на пресудите на Судот во Стразбур.
Соговорниците разговараа и за актуелните безбедносни состојби во Европа, со акцент на војната во Украина, како и за потребата од посветеност и заеднички пристап кон сегашните и идните предизвици какви што се влијанието на новите технологии и климатските промени врз човечките ресурси.
На средбата претседателката Сиљановска Давкова упати честитки до новоизбраниот генерален секретар на Советот на Европа, Алан Берсе, изразувајќи искрени желби за успешно исполнување на важната мисија и продолжување на плодната соработка со македонските институции.